Yeremiya 17:22 - Tonga Bible 1986

²² Ndipo rekani kunyamuwa katundu kutuwa mu nyumba zinu pa sabata pamwenga kuchita mlimu we wose, kweni sungani zuŵa la sabata kuŵa lakupaturika, uli ndimo ndingulanguliya auskemwe.

Yeremiya 17:22 Referans Kwoze

Ezekiele 20:12

Ndipo so ndinguŵapaska masabata ghangu, nge nchisimikizgu pakati paku ine ndi iwo, mwakuti ŵaziŵe kuti ine Ambuya ndaŵatoweska kuŵapatuwa.

Yesaya 58:13

“Asani mukanizga rundi linu kusabata, kutuwako kukuchita vyakumukondweskani mu zuŵa langu lakupaturika, kudana sabata zuŵa lakukondweska ndi zuŵa lakupaturika la Ambuya kuŵa lakutumbikika; asani mutilitumbika, ndi kureka kwenda mu nthowa zapa mtima winu, pamwenga kupenja vya pa mtima winu vyakumkondweskani, pamwenga kurongoro vyaukata;

Chituwa 23:12

“Mazuŵa ghankhonde ndi limoza mukatatanga nchitu zinu, kweni pa zuŵa la chinkhonde ndi chiŵi mukapumuwanga; alinga kuti ng'ombe yinu ndi mbunda yinu zipumuwe, ndi mwana munthurumi wa muŵanda winu munthukazi, ndi mlendo, waronde nthazi.

Chivumbuzi 1:10

Ndinguŵiya mu Mzimu pa zuŵa la Mbuya, ndipo ndinguvwa kuvuli kwangu mazu ghakuru, ulaka nga mbata,

Luka 23:56

Ndipo ŵanguwe, ndipo ŵangurongoso vyema ndi mafuta ghakumtukutizga. Ndipo pa Sabata ŵangupumuwa kwakulingana ndi langulu lo.

Luka 6:5

Ndipo wangunena nawo, “Mwana wa munthu ndi mweni sabata.”

Ezekiele 22:8

Wayuyuwa vinthu vyangu vituŵa, ndikufipiska masabata ghangu.

ŴaLevi 23:3

Mazuŵa ghankhonde ndi limoza ghakuchitiya nchitu: kweni pa zuŵa la chinkhonde ndi chiŵi ndi sabata la chipumulu chakupaturika, kuwungana pamoza kusopa; kuti mukachitanga nchitu cha; ndi sabata ku Ambuya mu malo ghinu ghose ghakujamo.

ŴaLevi 19:3

Munthu yose waku imwe watumbike nyina ndi wiske, ndipo musungenge masabata ghangu. Ndine Ambuya Chiuta winu.

Nehemiya 13:15

Mu mazuŵa ghenigha ndinguwona mwaku Yuda ŵanthurumi ŵakukanda vinyo pa zuŵa la sabata, ndi kuza ndi ndundu za vyakurgha kupingizga zimbunda, ndiso vinyo, vipasi, nkhuyu, ndi mitundu yose ya vyakupinga, vyo ŵanguza navyo mu Yerusalemu pa zuŵa la sabata; ndipo ndinguŵachenjezga mu zuŵa lenilo ŵaguliskiyanga vyakurgha.

Yeremiya 17:24

“ ‘Kweni asani mukavwanga kwangu, atiti Ambuya, ndi kureka kuserezga mphingu pa malikomo gha msumba uwu pa zuŵa la sabata, kweni kusunga lakupaturika zuŵa la sabata ndi kuchita nchitu cha mwaku lo;

Zekariya 1:4

Mungaŵa nge mba uskemwe cha, kwaku ŵeniwo ŵamchimi ŵakale ŵadanirizganga kuti, ‘Viyo atiti Ambuya ŵa maŵanja, weniko ku nthowa zinu ziheni, ndi ku nchitu zinu ziheni, ndi ku nchitu zinu ziheni.’ Kweni kuti wanguvwa cha, pamwenga kundivwiya, atiti Ambuya.