Yeremiya 17:10 - Tonga Bible 1986

¹⁰ “Ine Ambuya ndipapaska mzimu, nditesa mtima, kupaska ku munthu we yose kwakulingana ndi thowa zake, kwakulingana ndi chipasi cha machitidu ghake.”

Yeremiya 17:10 Referans Kwoze

1 Samuele 16:7

Kweni Ambuya anguti kwaku Samuele, “Reka kulereska pa kawonekero kake nanga mphautali wa msinkhu, wake, chifukwa ine nda mukana; pakuti ine kuti ndiwona mo munthu wawone cha; munthu walereska pa kawonekero ka kubwaro, kweni Ine ndilereska mtima.”

ŴaRoma 8:27

ndipo yo wapenja mu mitima waziŵa maphweredu gha Mzimu, pakuti kwakuyana ndi khumbu laku Chiuta waninizikiya ŵakupaturika.

Chivumbuzi 2:23

Ndipo ŵana ŵake nkhaŵabayanga ŵakafwanga; ndipo yiziŵenge mipingu yose kuti ndine ndipenjapenja zeru ndi mtima: ndipo nkhakupaskaninga munthu we yose kwakulingana ndi machitidu ghinu.

Yeremiya 11:20

Kweni, Ambuya mwe, ŵa maŵanja, imwe muteruzga mu urunji; imwe mutesa mtima ndi mzimu; ndiwoneskeni thayu linu paku iwo, pakuti ndapereka kwinu mlando wangu.

Yeremiya 32:19

mwa ŵara mu kupangizga zeru ndi ŵakulimba mu kuchita; mwaŵenimwe maso ghinu ghalereska nthowa zose za ŵanthu, mwaŵakupaska munthu we yose kwakulingana ndi nthowa zake ndi kwakulingana ndi chipasi cha nchitu zake;

Yeremiya 20:12

Ambuya mwe ŵa maŵanja, imwe mutesa ŵarunji, imwe muwona mtima ndi zeru, ndiwoneskeni thayu linu paku iwo, pakuti ndapereka kwinu mlando wangu.

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

Chivumbuzi 22:12

“Awonani, nthuza ruŵi; ndipo mphotu yangu nde nayo pamoza nane, kumpaska yose uli ndimo yiriri nchitu yake.

Mateyu 16:27

Chifukwa Mwana wa munthu wakazanga mu unkhankhu wa Awiske pamoza ndi ŵangelo ŵake; ndipo penipo wapaskenge yumoza ndi yumoza kwakulingana ndi mlimu wake.

Sumu 62:12

ndi kuti kwaku imwe, Ambuya, kwe chanju chikuru. Chifukwa imwe musuzula munthu kwakulingana ndi nchitu zake.

Nthanthi 17:3

Mumphika wakusungapo ngwa siliva ndipo ng'anjo nja golide, ndipo Ambuya ŵatesa mitima.

Chivumbuzi 20:12

Ndinguŵawona ŵakufwa, ŵara ndi ŵamana, ŵamanga paurongo pa chitengu-chaufumu cho; ndipo mabuke ghangujurika: ndipo lingujurika buku linyake so, lenilo ndi buku la umoyo. Ndipo ŵakufwa ŵangweruzgikiya paku vyenivyo vingulembeka mu mabuku gho, kwakulingana ndi nchitu zawo.

2 Mikoka 6:30

imwe mumuvwe kuchanya ko ku malo ghinu ghakujamo, mumugowoke; mugaŵiye we yose kwakulingana nge ndimo muziŵiya mtima wake, ndi mendedu ghake (pakuti imwe mwija ndimwe muziŵa mitima ya ŵana ŵa ŵanthu);

Yohane 2:25

chifukwa iyo wanguziŵa wose, ndipo kuti wangukavuka cha kuti yumoza wasimikizge pa munthu; chifukwa mwenecho waziŵanga cho chenga mu munthu.

Yeremiya 21:14

Ndikamulanganinga kwakuyana ndi nchitu zinu, atiti Ambuya; ndikakozganga moto mu lisuwa lake, ndipo ukananganga vyose vyenivyo vikumzingiliya iyo.”

Sumu 7:9

Zomerani kuti uheni wa ŵaheni umare. Kweni imwe zengani ŵakurunjika, imwe mutesa mzimu ndi mitima, ndimwe Chiuta wakurunjika.

ŴaRoma 6:21

Viyo mwenga ndi chipasi chakutinji kali mwaku vyenivyo sono mulenga soni navyo? Chifukwa umari waku viya ndi nyifwa.

1 Mikoka 29:17

Ndiziŵa Chiuta wangu kuti mutesa mtima ndipo mukondwa nako kunyoroka; mu kunyoroka kwa mtima wangu, ndapereka kwinu ivi vyose kwawanangwa ndi mu chimwemwe.

Mika 7:13

kweni charu chikaŵanga chakupasuka chifukwa cha ŵakujamo ŵake, chifukwa cha vyakutuwa mu milimu yawo.

Mateyu 6:4

viyo wezi wako uŵe wamu ubende: ndipo Ausu wo atikuwona mu ubende, akuwerezgiyengepo.

Machitidu gha Ŵakutumika 1:24

Ndipo ŵanguromba, ŵakuti, “Imwe, Ambuya, mwaŵakuziŵa mitima yaku wose,

1 ŴaKaronga 8:39

vwani imwe kuchanya ko malo gha uja winu, ndipo gowokiyani, ndi chitani, mupaske kwaku yose yo mwaziŵa mtima wake, kwakulingana ndi nthowa zake zose (chifukwa imwe, ndimwe pe, muziŵa mitima ya ŵana ŵa ŵanthu);

Sumu 44:21

asi mphanyi Chiuta wachibowozga ichi? Pakuti waziŵa vyakubisika vya mtima.

Wakutaula 9:3

Ichi nchawuyu mwaku vyose vyo vichitika panu pasi, kuti chinthu chimoza chifikiya kwaku wose; ndipo so mitima ya ŵanthu yazaza ukazuzi, kufuntha kwemu mitima yawo po ŵeche ndi umoyo, ndipo, pavuli ŵaruta ku ŵakufwa.

Yesaya 59:18

Kwakulingana ndi nchitu zawo, ndimu ŵakaŵawezgiyanga, ukari ku ŵakupindikana ŵake, kuwezge thayu ku ŵamawongo ŵake; ku vyaru vya mu malikumba gha nyanja wakawezgiyanga nduzga.

Yeremiya 12:13

Ŵamija trigu ndipo ŵavuna minga, ŵajivuska kweni kuti ŵatopu kanthu cha, ŵakalengeskekanga ndi vuna yawo chifukwa cha ukari wakofya wa Ambuya.”

Ezekiele 11:5

Ndipo Mzimu wa Ambuya unguza paku ine, ungunena nane, “Kamba, Viyo atiti Ambuya: ndimo mughanaghaniya, owe nyumba yaku Yisraele; pakuti ndiziŵa vinthu vyo vituza mu mtima winu.

Ezekiele 14:5

mwakuti ndiko mitima ya ŵa nyumba yaku Yisraele, ŵeniwo wose ŵapatukako kwangu mu ŵangoza ŵawo.

Jobu 34:11

Chifukwa wamuwezgiyenge munthu kwakuyana ndi nchitu yake, ndi wakamuchitiyanga munthu kwakuyana ndi kayendero kake.

Sumu 7:10

Nguru yangu yendi Chiuta, yo wataska wakutowa mu mtima.

Sumu 44:22

Awa, chifukwa chinu tibayika zuŵa lose, tapimikiya nge ndi mberere zakubayika.

Nthanthi 12:14

Kutuwa ku chipasi cha mazu ghake munthu wakhorweskeka ndi umampha, ndipo nchitu ya janja la munthu yiwere ku mweneko.

Yeremiya 23:2

Chifukwa cho atiti viyo Ambuya, Chiuta waku Yisraele, pa ŵaliska wo ŵaphwere ŵanthu ŵangu: “Mwambininiska mskambu wangu, mwaŵadikiskiya kutali ndipo mulivi ku ŵatataliya. Ehe, ndimulangeninge chifukwa cha machitidu ghinu ghaheni, atiti Ambuya.