Yeremiya 16:6 - Tonga Bible 1986

⁶ Wose ŵara ndi ŵamana ŵakafwiyanga mu charu ichi; kuti ŵakaŵikikanga cha, ndipo paulengevi yumoza wakuŵatenje nanga nkhujicheka pamwenga kumeta phala chifukwa chawo.

Yeremiya 16:6 Referans Kwoze

Marangu 14:1

“Ndimwe ŵana ŵa Ambuya Chiuta winu, mungajitemanga, pamwenga kumeta mupara pa maso pinu chifukwa cha ŵakufwa.

Yeremiya 47:5

Phala laza paku Gaza, Ashikeloni wamara. Mwaŵakusiyikamo ŵa Anakimu mwe, mpaka zuŵanji mukajitemanga?

Yeremiya 41:5

ŵanthu machumi ghakhonde ndi ghatatu ŵangufika kutuliya ku Shekemu ndi Shilo ndi Samaria, ŵakumeta myembi yawo ndi vivwalo vyawo vyakuparuka, ndi ŵakujitema maliŵavu ghawo ŵakunyamuwa mpasku wawo wa ufwa ndi vyachema kwachipaska pa nyumba ya Ambuya.

ŴaLevi 19:28

Mungatemanga ke kose mu liŵavu linu chifukwa cha wakufwa cha pamwenga kutema simbu paliŵavu: Ndine Ambuya.

Yeremiya 48:37

“Pakuti mutu wose wasengeka ndi mwembe wose wameteka; pa manja ghose pa temekatemeka ndipo mu viunu mwe vigudulu.

Yesaya 22:12

Mu zuŵa liya Ambuya Chiuta wa maŵanja wangulangula kuliya ndi kutenje, kumeta maphara ndi kuvwara vigudulu;

Chivumbuzi 6:15

ndipo ŵakaronga ŵa panupasi ndi ŵaraŵara, ndi zinduna, ndi ŵasambasi, ndi virimbi, ndi muŵanda yose ndi mwanangwa ŵangubisama mu zimphanji ndi mu majarawe gha mapiri,

Yeremiya 16:4

Ŵakafwanga ndi zinthenda za kubaya. Kuti ŵakaŵatenjenga cha nanga nkhu ŵaŵika nako cha; ŵakaŵanga nge ndi vundira pa charu. Ŵakamaranga ku lipanga, ndi kuchilala, ndipo vitende vyawo vikaŵanga kurgha kwa viyuni vya mude ndi vikoko vya charu chapasi.

Yeremiya 13:13

Sono iwe wamunena kwaku wo kuti, ‘Viyo atiti Ambuya, Ehe, ndikaŵaloŵereskanga wose ŵakuja mu charu ichi: ŵakaronga wo ŵaja pa chitengo chaku Davidi, ŵazukuru, ŵamchimi ndi wose ŵakuja mu Yerusalemu.

Yeremiya 7:29

Sengani sisi linu ndi mulitaye; soskani chitenje pa mapiri, gha majarawi, pakuti Ambuya akana ndi ajowo mgonezi, mu ukari wawo.’

Yesaya 24:2

Ndipo kukaŵanga, mo kuliri ku ŵanthu, ndimo kukaŵiyanga mzukuru, mo kuliri ku muŵanda, ku mbuyake naku so viyo, nge nkhu muŵanda munthukazi, ku mbuyake munthukazi naku so viyo, nge nkhu wakugula malonda, ku wakusaska naku so viyo, nge nkhu wakubwereka, ku wakubwerekeska naku so viyo, nge nkhu wakukongola, ku wakukongoleska naku so viyo.

Chivumbuzi 20:12

Ndinguŵawona ŵakufwa, ŵara ndi ŵamana, ŵamanga paurongo pa chitengu-chaufumu cho; ndipo mabuke ghangujurika: ndipo lingujurika buku linyake so, lenilo ndi buku la umoyo. Ndipo ŵakufwa ŵangweruzgikiya paku vyenivyo vingulembeka mu mabuku gho, kwakulingana ndi nchitu zawo.

Amosi 6:11

Pakuti wonani, Ambuya alangula, ndipo nyumba yikuru yikabwangandulikanga, ndinyumba yimana nayo yibwangandukenge.

Mateyu 9:23

Ndipo wachiza Yesu munyumba ya mura yo, ndi wachiwona ŵakutenje wo ndi mzinda wakuwawata,

2 Mikoka 36:17

Pa chifukwa ichi Chiuta wanguŵaziya ndi karonga wa ŵaKildiya yo wangubaya ŵanyamata ŵawo ndi lipanga mu nyumba yawo yakupaturika, ndipo kuti yinguŵachitiya lisungu cha chingana mbanyamata pamwenga ŵamwali, khongwi pamwenga yo wenga khongwi lakukota ukongwa: wanguŵapereka wose mu janja lake.

ŴaLevi 19:27

Mungametanga vizingiriya pa njegheyu zinu cha, pamwenga kudumuwa songo ya myembe yinu.

Yeremiya 8:2

ndipo vikanikikanga pa lumwi ndi mwezi ndi maliŵanja ghose gha kuchanya, ghenigho ŵanthu wo ŵangwanja ndi kughatataliya, ghenigho wangurondo, ndi ghenigho ŵangupenja ndi ŵangughasopa, ndipo kuti vikaunjikikanga chingana nkhuŵikika cha: vikaŵanga nge ndi vundira pa chisku cha charu.