Yeremiya 16:21 - Tonga Bible 1986

²¹ “Chifukwa cho, ehe, ndikaŵaziŵiskanga, kamoza pe ndikaŵaziŵiskanga nthazi yangu ndi mazaza ghangu, ndipo ŵakaziŵanga kuti zina langu ndine Ambuya.”

Yeremiya 16:21 Referans Kwoze

Sumu 9:16

Ambuya ajiziŵiska ŵeneko, achita cheruzgu; ŵaheni ŵawira mu nchitu za manja ghawo.

Yeremiya 33:2

“Viyo atiti Ambuya ŵeniwo angulenga charu chapasi, ndi kuchisunga, Ambuya ndi zina lawo:

Sumu 83:18

Muŵaziŵiske kuti imwe pe mwija, mwaŵenimwe zina linu ndimwe Ambuya, mwe Wapachanya Limu pa charu chose chapasi.

Amosi 5:8

Yo wangupanga chirimila ndi mauta ndi wasanduska mdima kuŵa mlenji; ndi kufipiska msana kuŵa usiku, yo wadana maji gha nyanja ndi kughapunguriya pa chisku cha charu chapasi, Ambuya ndilo zina lawo,

Yesaya 43:3

Pakuti ndine Ambuya Chiuta winu, Mtuŵa Yumoza waku Yisraele, Mtaski winu. Ndipereka Egipiti nge ndi thumba linu, Etiopia ndi Seba mukugulizgana ndi imwe.

Chituwa 15:3

Ambuya ndi munthu wa nkhondo; Ambuya ndilo zina lawo.

Ezekiele 25:14

Ndikagonekanga thayu langu paku Edomu ndi janja la ŵanthu ŵangu ŵaYisraele; ŵakachitanga mu Edomu kwakulingana ndi kukara kwangu ndi kwakulingana ndi ukari wangu; ndipo ŵakaziŵanga thayu langu, atiti Ambuya Chiuta.

Ezekiele 24:27

Pa zuŵa liya mlomo wako ukajurikiyanga kwaku yo wapozomoka, ukarongoronga kuti ukaŵanga so wambuwu cha. Viyo ukaŵanga chisimikizgu kwaku iwo; ndipo ŵakaziŵanga kuti ndine Ambuya.”

Ezekiele 24:24

Viyo ndimu Ezekiele wakaŵiyanga chisimikizgu kwaku imwe, mukachitanga kwakulingana ndi vyose vyo iyo wachita. Chitakuti chafika ichi, penipo ndipo mukaziŵanga kuti Ine ndine Ambuya Chiuta.’

Ezekiele 6:7

Ŵakubayika ŵakawanga mukati mwinu, ndipo mukaziŵanga kuti ine ndine Ambuya.

Chituwa 14:4

Ndipo ndikanonopaskanga mtima waku Farao ndipo wakaŵandondoloskanga, ndipo ine ndirondenge unkhankhu paku Farao ndi liŵanja lake lose; ndipo ŵaEgipiti ŵakaziŵanga kuti Ndine Ambuya.” Ndipo ŵanguchitade viyo.

Chituwa 6:3

ndinguwoneka kwaku Abrahamu, kwaku Yisaki, ndi kwaku Yakobe, nge ndi Chiuta Wanthazizose, kweni ndi zina langu la Ambuya ndengavi kujiziŵiska kwaku wo.