Yeremiya 16:19 - Tonga Bible 1986

¹⁹ Ambuya mwe, nthazi yangu ndi linga langu lakukho, nchakudingang'amo changu, muzuŵa la suzgu, kwaku imwe mitundu yikazanga kutuwa ku vigoti vya charu ŵazamunena kuti, “Auskefwe kuti ŵaharapo so kanthu kanyake cha kweni mautesi pe, tunthu twambura ndi kanthu mwaku twenito mulivi kakwanduwamo.

Yeremiya 16:19 Referans Kwoze

Yesaya 25:4

Pakuti imwe mwaŵa linga la ŵasauchi, linga la mukavu musuzgu yake, musasa waku lirondo ndi muduzi ku chifundizi; pakuti kuphwanya kwa ŵankhaza kwe nge nkhuputa kwa lirondo pa linga,

Nahumu 1:7

Ambuya mbamampha, linga lakukho mu zuŵa la suzgu, atuŵaziŵa wo ŵabendama mwaku iwo.

Yeremiya 17:17

Rekani kuŵa chakofya kwaku ine; ndimwe chakubisamamo changu muzuŵa liheni.

1 Petro 1:18

pakuziŵa kuti munguwomboleka, ndi vyakuwo cha, ndi siliva pamwenga golide cha, ku kajaridu kinu kauvumbwa kakurondeka ku ŵauskemwe,

Yeremiya 10:5

Ŵangoza ŵawo ŵakozgana ndi vyakudikiya tuyuni vyakumikika mu munda wa vipasi, ndipo kuti ŵaziŵa kurongoro cha; ŵachita kunyamulika pakuti kuti ŵangenda cha. Mungaŵawopanga cha, pakuti kuti ŵangachita chiheni cha, pakuti nanga khuchita umampha nako mulivi mwawo.”

Yeremiya 2:11

Kumbi mtundu ukusinthapo ŵachiuta ŵake, chingana iwo kuti mbachiuta ŵeneko cha? Kweni ŵanthu ŵangu ŵakusinthiskana unkhankhu wawo ndi cho kuti chitanduwa cha.

Yesaya 44:10

Mbayani wo ŵatata chiuta pamwenga ŵatenguwa ngoza yo kuti watanduwa kanthu cha?

Sumu 86:9

Mitundu yose yo imwe kukulenga yikazanga ndi kugwada paurongo pinu, Ambuya, ndipo ŵakankhuskenge zina linu.

Malaki 1:11

Chifukwa kutuwa ku maturi ghadazi mpaka ku maselero ghake, zina langu ndikuru mukati mu mitundu, ndipo mu malo ghose vipaskika kwaku ine vyakununkhira ndi mipasku yakutowa, chifukwa zina langu ndikuru mukati mu mitundu, atiti Ambuya ŵa maŵanja.

Zekariya 2:11

Ndipo mitundu yinandi yiwunganenge kwa Ambuya mu zuŵa lo, ndipo ŵakaŵanga ŵanthu ŵangu; Ine ndijenge mukati mwako, ndipo uziŵenge kuti Ambuya ŵa maŵanja andituma kwako.

Habakuku 3:19

Ambuya Chiuta, ndiyo nthazi zangu; wasanduska marundi ghangu nge ndi marundi gha mbaŵa, watindendeska mu malo gha pachanya. Ku wakumbiska sumu: ndi ŵabangwi ŵakupindika ndi ukosi.

Ezekiele 11:16

Chifukwa cho unene kuti, ‘Viyo atiti Ambuya Chiuta: Nanga ndikuŵadikiskiya kutali mukati mu mitundu, nanga ndikuŵambiniska mukati mu vyaru, kweni ndipuuli kwaku iwo ndaŵa malo ghakupaturika kwa nyengo yimanavi mu vyaru mo ŵakuya.’

Yesaya 49:6

Iyo watiti: “Nkhanthu kayuyu ukongwa kuti iwe uŵe mteŵeti wangu kuyuska mitundu yaku Yakobe kuwerezgiyapo wakuvikirika waku Yisraele; ndikakupaskanga iwe nge ndi lumbuni ku mitundu, mwakuti utaski wangu ufike ku chigoti cha charu chapasi.”

Sumu 62:2

Iyo pe ndiyo jarawi langu ndi chipozomosko changu, ndi linga langu; kuti ndisukuniskikenge weniukongwa cha.

Chivumbuzi 11:15

Wangukuŵa mungelo wachinkhonde ndi chiŵi; ndipo ghanguŵapo mazu ghakuru kuchanya, ghakuti, “Ufumu wa panupasi sono ngwa Mbuyafwe, ndi waku Kristu wake, ndipo wakausanga ku muyaya muyaya!”

Yeremiya 3:23

Kwakuneneska tumapiri nthwakupusika, vyakupuruska pa mapiri. Kwakuneneska mu Ambuya Chiuta widu mwe utaski waku Yisraele.

Yesaya 62:2

Mitundu yikawonanga uneneska winu, ŵakaronga wose unkhankhu winu; ndipo mukadanikanga ndi zina lifya lenilo Ambuya akapaskanga.

Yesaya 32:2

Yumoza ndi yumoza wakaŵanga uli ndi malo ghakubisamamo ku mphepo, musana wakubisamako ku lirondo, nge nthumisinji twa maji mu charu chiyumu, nge nchiduzi cha jarawe likuru mu charu chakuvuka.

Nthanthi 18:10

Zina la Ambuya ndi sonjo wakurama; munthu murunji wachimbiriya mwenimo wabisama.

Sumu 68:31

Ŵamirizi ŵakazanga kutuwa ku Egipiti; ŵaEtiopia ŵakasoskanga manja ghawo mu kuromba kwaku Chiuta.

Sumu 62:7

Chipozomosko changu ndi unkhankhu wangu vye paku Chiuta; ngwakuvikiriya wangu wanthazi; Chiuta nchakundingang'amo changu.

Sumu 46:11

Ambuya ŵa maŵanja we pamoza nafwe; Chiuta waku Yakobe nchakudingang'amo chidu.

Sumu 46:7

Ambuya ŵa maŵanja ŵe pamoza nafwe; Chiuta waku Yakobe nchakudingang'amo chidu.

Sumu 46:1

Chiuta nchakudingang'amo chidu ndinthazi yidu, movya wakusanirika ukongwa mu suzgu.

Sumu 27:5

Chifukwa akandibisanga mu mduzi wawo mu zuŵa la suzgu yangu; andijariyenge mukati mu hema lawo, andimekenge pachanya pa jarawi.

Sumu 19:14

Mazu gha mlomo wangu ndi marunguruku gha mtima wangu ghaŵe gha marondeka pa maso pinu, Ambuya, jarawi langu ndi mpozomoski wangu.

ŴaRoma 1:25

mwakuti iwo ŵangusinthiskana uneneska waku Chiuta ndi chautesi, ndipo ŵangusopa ndi ŵanguteŵete chakulengeka kwakuruska Mlengi yo, mweniyo ngwakutumbikika muyaya. Ameni.

1 ŴaKaronga 20:23

Ndipo ŵateŵeti ŵa karonga waku Siriya wangunena nayo, “Wa chiuta ŵawo mbe chiuta ŵa mu mapiri, rekani ŵenga ŵanthazi kuruska ifwe, kweni tiyeni tikarwani nawo mu chidika, kwakuneneska tamkuŵapunda.

Yesaya 44:20

Waturgha chakurgha cha choto mtima wakujipusika wamurongozge kwawaka, ndipo kuti waziŵa kujipozomoska cha pamwenga kunena, “Kumbi kuti mwe utesi cha mu janja langu la marghe?”

Yesaya 45:14

Viyo atiti Ambuya: “Uromba wa Egipiti ndi maronda gha Etiopia ndi ŵaSabiyani, ŵanthu ŵatali, ŵakazanga kwako ndipo ŵakaŵanga vyako, vikakurondonga; vikazanga mu maunyolo ndi kukujikamiya. Ŵazamuŵeyere kwako, ŵachinena kuti, ‘Chiuta wendi iwe pe, ndipo kulivi so munyake, pade paku iyo palivi Chiuta munyake.’ ”

Yeremiya 2:8

Ŵazukuru ŵengavi kukamba, ‘Ambuya ŵepani?’ Ŵakuko dangu kuti ŵangundiziŵa cha ine; ŵakuwusa ŵangundichimwiya; ŵamchimi ŵanguchimiya paku Bala, ndipo ŵangundondoloska mu vinthu vyambura kwanduwa kanthu.

Yeremiya 4:2

ndipo asani mukarapanga, ‘Mo ŵajaliya Ambuya ŵamoyo,’ mu uneneska, mu urunji, ndi mu kunyoroka, sono ndipo mitundu yikatumbikikiyanga mwaku imwe, ndipo mwaku imwe yikatumbwiyanga.”

Yeremiya 12:16

Ndipo kukaŵanga kuti asani ŵakasambiranga ndi phamphu nthowa za ŵanthu ŵangu, kurapiya ndi zina langu, ‘Achiŵa amoyo Ambuya,’ uli ndimo ŵangusambizgiya ŵanthu ŵangu kurapa paku Bala, po ndipo wakazengekanga mukati mu ŵanthu ŵangu.

Yeremiya 33:9

Ndipo msumba uwu ukaŵanga kwaku ine zina la chimwemwe rumbu ndi unkhankhu paurongo pa mitundu yose ya charu chapasi yeniyo yikavwanga vya umampha wose weniwo ndikaŵachitiyanga iwo; ŵakawopanga ndi kunjenjeme chifukwa cha umampha wose ndi kusakata kose kweniko ndituwupaska.

Yoele 3:16

Ambuya abongo mu Zioni, ndi atuzga mazu ghawo kutuliya mu Yerusalemu, machanya ndi charu chapasi visukunikenge; kweni Ambuya nchakutaskikiyamo cha ŵanthu ŵawo linga lakukho ku ŵana ŵaku Yisraele.

Amosi 2:4

Viyo atiti Ambuya: “Chifukwa cha maulakwi ghatatu ghaku Yuda, ndi wachinayi, kuti ndiwezgenge kulangika kwake cha; chifukwa ŵakukana dangu la Ambuya, ndipo kuti ŵasunga virungu chizgu vyake cha, kweni mautesi ghawo gha ŵapuruska, ghenigho auskeu ŵangugharondo.

Sumu 18:3

Ndidana ku Ambuya, wo mbakwenere kurumbika, ine ndikutaskika ku ŵarwani ŵangu.

Sumu 65:3

pa chifukwa cha mauheni ghawo, vyakulakwa vidu vyatipunda kweni imwe mugowoke.

Yeremiya 10:3

pakuti malusu gha ŵanthu ngakupusika. Muti wamu lisuwa utemeke pasi, ndipo usemeka ndi mbavi, ndi manja gha misiri.

Yeremiya 14:8

Imwe ndimwe Yisraele wagomezga, wakumutaska mu nyengo ya suzgu, chifukwa chine imwe muŵenge nge ndi mlendo mu charu chidu, ulaka ndi mwenda nthowa yo wapatuka kugone waka usiku?