Yeremiya 16:13 - Tonga Bible 1986

¹³ Chifukwa cho ndikakudikiskaninga mu charu ichi kuya ku charu chenicho nanga ndimwe nanga mba uskemwe mulivi kuchiziŵa; ndipo kwenikuwa mwamutataliya ŵachiuta ŵanyake msana ndi usiku pakuti kuti ndikamuchitiyaninga umampha cha.’

Yeremiya 16:13 Referans Kwoze

Marangu 28:36

“Ambuya akamuperekaninga pamoza ndi karonga winu yo mwamika pachanya pinu ku mtundu wo imwe nanga mbauskemwe ŵalivi kuwuziŵa, ndipo kwenikuwa mwamuteŵete ŵachiuta ŵanyake ŵa muti ndi ŵa mwa.

Yeremiya 15:14

Ndikamuchitiskaninga kuti mutataliye ŵakupindikana ŵinu mu charu cho mulivi kuchiziŵa, pakuti moto wa ukari wangu wakozgeka, weniwo ukakolenga muyaya.”

Yeremiya 17:4

Mukafwatuwangako janja linu ku chihara chinu chenicho ndingumupaskani, ndipo ndikamuchitaninga kutataliya ŵakupindikana ŵinu mu charu chenicho mulivi kuchiziŵa, pakuti mu ukari wangu moto wakozgeka weniwo ukakolenga muyaya.

2 Mikoka 7:20

nkhakutuzgangamo mu charu cho ndakupaska, ndi nyumba iyi, yo ndayipatuliya ku zina langu, ndiyitayenge kuti yireke kuwoneka so ku maso ghangu, ndiyisanduskenge nthanthi ndi chitozeru mukati mu ŵanthu wose.

Yeremiya 22:28

Kumbi uyu munthu Konia ngwakunyozeka, nchiŵiya chakusweka, nchiyaŵi chambura kuchiphwere munthu? Chifukwa chine iyo ndi ŵana ŵake ŵadikiskika ndi kutayikiya mu charu cho ŵalivi kuchiziŵa?

Yeremiya 15:4

Ndipo ndikaŵachitanga chakofya ku maufumu ghose mu charu, chifukwa chaku cho Manase mwana waku Hezekiya karonga waku Yuda, wanguchita mu Yerusalemu.

Yeremiya 14:8

Imwe ndimwe Yisraele wagomezga, wakumutaska mu nyengo ya suzgu, chifukwa chine imwe muŵenge nge ndi mlendo mu charu chidu, ulaka ndi mwenda nthowa yo wapatuka kugone waka usiku?

Yeremiya 6:15

Kumbi ŵanguchita soni pakuchita unyakazi? Awa, kuti ŵanguchita soni nanga mkhamana cha; ŵengavi kuziŵa kuzimbwa. Chifukwa cho ŵakawiyanga pamoza ndi wo ŵatauwa; pa nyengo yo ndikaŵalanganga, ŵakathereskekanga,” atiti Ambuya.

Yeremiya 5:19

Ndipo penipo ŵanthu ŵinu ŵakambenge, ‘Chifukwa chine Ambuya Chiuta ŵachita vinthu vyose ivi paku ifwe?’ Muŵaneniyenge iwo, ‘Pakuti mwasiya ine ndipo mwatataliya ŵachiuta ŵachilendo mu charu chinu, viyo mukatataliyanga ŵalendo mu charu chenicho kuti nchinu cha.’ ”

Sumu 81:12

Viyo ndinguŵazomerezga kuruta mu unonono wa mtima wawo, ndi kuchita vyose vyo wangukhumba.

Marangu 29:28

ndipo Ambuya anguŵatuzga mu charu chawo ndi ukari ndi kandundu ufyu ndi kukwiya kukuru, ndi kuŵataya mu charu chinyake, uli ndimo kuliri msana wale.’

Yeremiya 15:1

Sono Ambuya anguti, kwaku ine, “Chingana Mosese ndi Samuele ŵanguma paurongo pangu, kweni ndipuuli mtima wangu kuti watinge ung'anamukiyenge ku ŵanthu yaŵa cha. Ŵatuzgeko ku maso ghangu, ŵarutenge!

Yeremiya 22:26

Ndikakudikiskanga iwe ndi anyoko wo ŵangukupapa kuya ku charu chinyake, ko kuti ukupapikiyako cha, kweni wamufwiya kwenikuwa.

2 ŴaKaronga 25:21

Ndipo karonga wa Babiloni wanguŵabaya pa Ribla mu charu chaku Hamati. Viyo Yuda wanguyoleke ku umkoli kumutuzga mu charu chake.

Yeremiya 10:18

Pakuti viyo atiti Ambuya: “Ehe, ndikapong'anga kubwalo ŵakuja mu charu pa nyengo iyi, ndipo ndikatolenga suzgu paku wo, mwakuti ŵayivwe.”

Yeremiya 16:5

“Pakuti viyo atiti Ambuya: Ungaserenga mu nyumba ya maliro, ungarutanga kwachitenje, pamwenga kuŵachitiya chitima; pakuti ndatuzgako chimangu changu ku ŵanthu yaŵa, atiti Ambuya, chanju changu chizirima ndi lisungu.