Yeremiya 15:7 - Tonga Bible 1986

⁷ Ndaŵapepeta ndi chakupepete mu malikomo gha charu; ndaŵapaska chitima chanyifwa, ndaparghang'a ŵanthu ŵangu; ŵalivi kuweko ku nthowa zawo.

Yeremiya 15:7 Referans Kwoze

Mateyu 3:12

Mweniyo chipepeteru chake che mu janja lake, wakatoweskanga mbuli wake; ndi kuwunjika trigu wake mu nkhokwe, kweni wamukocha mwere ndi moto wambura mazimwika.”

Yeremiya 51:2

ndikatumanga ku Babiloni wakusefa, ndipo wakamusefanga, ŵakakhutuwanga charu chake, penipo ŵakaziyanga pake kutuwa kosekose, pa zuŵa la suzgu.

Yeremiya 5:3

Ambuya mwe, asi maso ghinu ghapenja uneneska? Imwe munguŵapuma, kweni kuti ŵanguvwa kuŵaŵa cha; imwe munguŵamara, kweni kuti ŵangukhumba kususkikacha. Ŵalimbiska visku vyawo kwakuruska jarawi ŵakana kung'anamuka mtima.

Yesaya 41:16

Ukayipepetanga ndipo mphepo yikayitolenga kutali, ndipo lirondo likayiparghang'anga. Ndipo iwe ukakondwanga mu Ambuya; mu Mtuŵa Yumoza yo waku Yisraele, ukatumbwanga.

Yesaya 9:13

Ŵanthu kuti ŵangung'anamukiya kwake cha kwaku yo wanguŵakoso, chingana nkhupenja Ambuya nako cha.

Yeremiya 18:21

Chifukwa cho mupereke ŵana ŵawo ku chilala; muŵapereke ku nthazi ya lipanga, ŵawoli ŵawo ŵaŵe ŵambura ŵana, ŵaŵe vyoko. Ŵanthurumi ŵawo ŵafwe, ndi chideru, ŵanyamata ŵawo ŵabayike ndi lipanga mu nkhondo.

Sumu 1:4

Waheni kuti ŵe viyo cha, kweni ŵe nge ndi mwere wo mphepo yiputiska.

Zekariya 1:4

Mungaŵa nge mba uskemwe cha, kwaku ŵeniwo ŵamchimi ŵakale ŵadanirizganga kuti, ‘Viyo atiti Ambuya ŵa maŵanja, weniko ku nthowa zinu ziheni, ndi ku nchitu zinu ziheni, ndi ku nchitu zinu ziheni.’ Kweni kuti wanguvwa cha, pamwenga kundivwiya, atiti Ambuya.

Ezekiele 24:25

“Ndipo iwe, mwana wa munthu, pa zuŵa lo ndikatuzgiyangapo malinga ghawo, chimwemwe ndi unkhankhu wawo, likondwa la maso ndi linweka la mitima yawo, ndipo so ŵana ŵawo ŵanthurumi ndi ŵanthukazi,

Marangu 28:41

Mukapapanga ŵana ŵanthurumi ndi ŵanthukazi, kweni kuti ŵakaŵanga ŵinu cha, chifukwa ŵakakorekanga mu uŵanda.

Ezekiele 24:21

‘Kamba ku nyumba yaku Yisraele, Viyo atiti Ambuya Chiuta: Ehe, ndikafipiskanga malo ghangu ghakupaturika, kujikuzga kwa mazaza ghamu, likondwa la maso ghinu, ndi linweka la mzimu winu; ndipo ŵana ŵinu ŵanthurumi ndi ŵanthukazi wo mwaŵasiya kuvuli ŵakabayikanga ndi lipanga.

Yeremiya 9:21

Pakuti nyifwa yakwera yasere pa madangazi ghidu, yasere mu nyumba zidu za ufumu, kuŵadumuwa ŵana mu miseu ndi ŵanyamata mu mabwalo.

Marangu 28:32

Ŵana ŵinu ŵanthurumi ndi ŵana ŵinu ŵanthukazi ŵakaŵanga ŵaŵanda kunyake kweniko mwakuŵawona, kweni mukatondekanga kuya kwaku wo zuŵa lose, ndipo kuti manja ghinu ghakaŵanga ndi nthazi cha kuŵataska.

Marangu 28:18

Vipasi vya liŵavu linu vikatembekanga, ndi vipasi vya nyata yinu, kwandana kwa ng'ombe zinu, ndi twana twa mberere zinu.

Ezekiele 36:12

Inya, ndizomerezgenge ŵanthu, ŵanthu ŵangu ŵaYisraele, kuti ŵendenge so munthowa zinu; ŵakajanga mwaku imwe, imwe mukaŵanga chihara chawo, ndipo kuti mwazamukuŵaphanga so ŵana ŵawo cha.

Yesaya 9:12

ŴaSiriya kuchiri ku vuma ndi ŵaFilisti kuchiri ku zambwe, kumeza Yisraele ndi mlomo wakuyasama. Mu chifukwa ichi kukara kwake kulivi kuwezgeka janja lake leche kutambaruka.