Yeremiya 15:5 - Tonga Bible 1986

⁵ Njani wakaŵanga ndi lisungu paku iwe, Yerusalemu we, pamwenga njani wakakukhuzanga? Njani wakapatukanga kukufumbani, mulipo uli?

Yeremiya 15:5 Referans Kwoze

Yesaya 51:19

Ivi vinthu viŵi vyakuwiya iwe njani yo wakatenjenga nawe? Pharghaniku, ndi wanangiku, nja ndi lipanga; njani wakakusangaruskanga?

Nahumu 3:7

Ndipo kuŵenge kuti wose wo ŵakalereskanga paku iwe ŵachinthukenge ndi kuti, Nineve wapasuka; ndiyani yo wakakuliriyanga? Ndi nunkhu ko ndingakupenje wakukusangaruska?

Yeremiya 21:7

Pavuli atiti Ambuya, ndikaperekanga Zedekiya karonga waku Yuda, ndi ŵateŵeti ŵake, ndi ŵanthu ŵamu msumba uwu wo ŵakapozomokanga ku chideru, lipanga ndichilala, mu janja laku Nebukadanezara karonga wa Babiloni, ndi mu janja la ŵakupindikana ŵawo, mu janja laku wo ŵapenja kuŵabaya. Ŵakaŵakosonga ndi lipanga; kuti wakaŵafwiyanga lisungu, pamwenga kuŵareka, pamwenga kuŵa ndi chitima cha.’

Sumu 69:20

Kusunjizgika kwaswa mtima wangu, ndaguluruka nthazi. Ndingugomezga kuti ndiwonenge ŵalisungu, kweni kwengavi nanga njumoza; ndalereze ŵakusangaruska, kweni kuti ndaŵasaniya cha.

Yeremiya 16:5

“Pakuti viyo atiti Ambuya: Ungaserenga mu nyumba ya maliro, ungarutanga kwachitenje, pamwenga kuŵachitiya chitima; pakuti ndatuzgako chimangu changu ku ŵanthu yaŵa, atiti Ambuya, chanju changu chizirima ndi lisungu.

Yeremiya 13:14

Ndipo ine ndikaŵabwanyaniskanga uyu ku munyake, ŵauskeu ndi ŵana pamoza, atiti Ambuya. Kuti ndikachitanga chitima pamwenga kuŵareka waka nanga nkhuŵa ndi lisungu nako cha, kuti ndireke kuŵananga.’ ”

Jobu 19:21

Muŵe nane ndi lisungu, muŵe nane ndi lisungu, O, imwe mwa ŵabwezi ŵangu, chifukwa janja laku Chiuta landikwaska!

1 Samuele 25:5

Sono Davidi wangutuma ŵanyamata chumi, wakuŵanene kuti, “Rutani ku Karmele mukafiki kwaku Nabala, mwakumutauzga mu zina langu.

1 Samuele 17:22

Ndipo Davidi wangureka katundu mu manja gha msungi wa ŵakatundu, wanguchimbiriya ku nkhondo, wangurutiliya kwachitauzga ŵabali ŵake.

1 Samuele 10:4

Ŵakutawuzgenge ndipo ŵakupaskenge maburunga ghaŵi gha viŵande, gho utenere kuronda.

Ŵeruzgi 18:15

Ndipo ŵangung'anamuka, ŵanguza ku nyumba ya munyamata muLevi pa muzi waku Mika, ndipo ŵangumufumba gha paku iyo.

Chituwa 18:7

Mosese wangutuwa kwachikumana ndi msibweni wake, ndipo wangumulambiya ndi wangumufyofyontha, ndipo ŵangufumbana za umoyo ndipo ŵangusere mu hema.

Chitenje 1:17

Zioni watambaluwa manja ghake, kweni palivi nanga njumoza wakumusangaruska; Ambuya alanguriya paku Yakobe, kuti ŵakuzengezgana nayo ŵaŵe ŵarwani ŵake; Yerusalemu wasanduka chinthu cha ukazuzi mukati mwawo.