Yeremiya 15:4 - Tonga Bible 1986

⁴ Ndipo ndikaŵachitanga chakofya ku maufumu ghose mu charu, chifukwa chaku cho Manase mwana waku Hezekiya karonga waku Yuda, wanguchita mu Yerusalemu.

Yeremiya 15:4 Referans Kwoze

Yeremiya 24:9

Ndikaŵachitanga kuŵa chakofya ku maufumu ghose gha charu chapasi, kuŵa chakusekeka, chakukambika, kawerere, ndi chakutembeka mu malo ghose ghenigho ndikaŵadikiskiyangako.

Yeremiya 29:18

Ndikaŵandondoloskanga ndi lipanga, chilala ndi chideru, ndipo ndikaŵawoneskanga nge nchakunyozeka mu maso mwa maufumu ghose gha charu chapasi, kuwa chakutembeka, chakofya, chakuyeyeka, ndi chakusekeka mu mitundu yose mwaku yo ndikuŵadikiskiyamo,

Ezekiele 23:46

Pakuti viyo atiti Ambuya Chiuta: “Zaninga ndi mzinda kumikana nawo, ndi muŵachite nge nchinthu chakofya ndi chakuskowa.

Marangu 28:25

“Ambuya akamuchitaninga kuti mupundike paurongo pa ŵamawongo ŵinu, mukaŵayukiyanga nthowa yimoza ndipo mukathaŵanga nthowa zinkhonde ndi ziŵi paurongo pawo, ndipo mukagwedukiyanga pasi pa maufumu ghose gha charu chapasi.

Yeremiya 34:17

Chifukwa cho, viyo atiti Ambuya: Mulivi kundivwiya ine kumemeza we yose ku mwana munyake ndi ku mzengezgani wake; wanangwa, ehe, nditikupaskani wanangwa waku lipanga, waku chideru, ndi wanangwa waku chilala, atiti Ambuya. Ndikamuchitaninga kuŵa chakofya ku maufumu ghose gha charu chapasi.

2 ŴaKaronga 21:2

Ndipo wanguchita cho chenga chihene mu maso gha Ambuya, kwakuyana ndi machitidu gha ukazuzi wa mitundu yo Ambuya angudikiskamo paurongo pa ŵaYisraele.

ŴaLevi 26:33

Ndipo ndikaparghang'iyanga imwe mu mitundu, ndipo nkhawewepuwanga lipanga mu chibazi kukudikiskani; charu chinu chikaŵanga phasulu, ndipo misumba yinu yikaŵanga mapopa.

Chitenje 1:8

Yerusalemu wangulakwa ukongwa, chifukwa cho wanguŵa mukazuzi; wose wo ŵamutumbikanga ŵatimunyoza, chifukwa ŵawona nkhuli yake; inya chingana ndiyo mweneko watamantha, ndipo wang'anamukiya chisku chake kutali.

Yeremiya 9:16

Ndiŵambininiskiyenge mukati mu mitundu yeniyo iwo pamwenga auskeu kuti akuyiziŵapo cha; ndipo ndikatumanga lipanga pa ku iwo, mpaka penipo ndaŵamara.”

Marangu 28:64

Ndipo Ambuya akamumbininiskiyaninga mukati mu ŵanthu wose kwamba ku umari wa charu chapasi, kuya ku unyake, ndipo mwenimuwa mwamuteŵete ŵachiuta ŵamwenga, ŵa muti ndi mwa, ŵeniwo chingana ndimwe chingana mbauskemwe ŵengavi kuŵaziŵa kali.

2 ŴaKaronga 21:1

Manase wenga wa virimika chumi ndi viŵi pa umoyo wake wachamba kuwusa, ndipo wanguwusa virimika machumi ghankhonde mu Yerusalemu. Zina la nyina lenga Hefziba.

2 Mikoka 33:1

Manase wenga ndi virimika chumi ndi viŵi wachamba kuwusa, ndipo wanguwusa virimika machumi ghankhonde pachanya vinkhonde (55) mu Yerusalemu.

2 Mikoka 33:2

Wanguchita cho chenga chiheni mu maso gha Ambuya kuringana ndi unyakazi wa ŵamitundu wo Ambuya anguŵadikiska paurongo pa ŵaYisraele.

Ezekiele 18:19

“Kweni ndipuuli imwe mutiti, ‘Warekiyengenji kusuzgika mwana pa chifukwa cha uheni wa awiske?’ Asani mwana wachita cho nchadangu ndi chakurunjika, ndipo waŵa wakuphwere kusunga virunguchizgu vyangu vyose, nadi wakajanga ndi umoyo.

2 ŴaKaronga 21:15

chifukwa ŵachita cho nchiheni mu maso ghangu ndipo ŵandisosomole ku ukari, kwamba zuŵa auskeu ŵangutuliya mu Egipiti, kufika zuŵa lino.’ ”