Yeremiya 15:1 - Tonga Bible 1986

¹ Sono Ambuya anguti, kwaku ine, “Chingana Mosese ndi Samuele ŵanguma paurongo pangu, kweni ndipuuli mtima wangu kuti watinge ung'anamukiyenge ku ŵanthu yaŵa cha. Ŵatuzgeko ku maso ghangu, ŵarutenge!

Yeremiya 15:1 Referans Kwoze

Ezekiele 14:14

inya, chingana yaŵa ŵanthu ŵatatu. Nowa, Danyele, ndi Jobu ŵenga mwenimo ŵatine ŵataskenge maumoyo ghaku iwo ŵeneko pe kwakulingana ndi urunji wawo, atiti Ambuya Chiuta.

Yeremiya 14:11

Ambuya anguti kwaku ine, “Reka kuromba kuti yaŵa ŵanthu kuŵaŵiye umampha.

Yeremiya 11:14

“Chifukwa cho reka kuŵarombe ŵanthu yaŵa, kuliya pamwenga kuromba chifukwa chawo, chifukwa kuti ndikategherezganga cha ŵachidana kwaku ine mu nyengo ya suzgu yawo.

Sumu 106:23

Ndi viyo Chiuta wanguti wakaparghang'anga ŵanthu ŵake; kweni Mosese, mteŵeti wake wakusankhika, wanguma pakati paku Chiuta ndi ŵanthu, kuwezga ukari wake ku kuŵananga.

Sumu 99:6

Mosese ndi Aroni ŵenga ŵazukuru ŵake, Samuele wenga yumoza wa ŵakumusopa; wangudana ku Ambuya ndipo iwo anguŵamuka:

1 Samuele 12:23

Ndipo nge nkhwaku ine, chindiŵiyi kutali kuti ndi lakwi kumikana ndi Ambuya pa kureka ku murombiyani; ndipo ndimusambizgeninge nthowa yamampha ndi yakurunjika.

2 ŴaKaronga 17:20

Viyo Ambuya ŵangujowo mphapu yaku Yisraele anguŵayuzga ndipo anguŵapereka mu janja la ŵakunanga mpaka penipo anguŵadikiskapo pa chisku chawo.

1 Samuele 7:9

Viyo Samuele wanguto kamberere kakonkha kukapereka nge ndi mpasku wose wakocha ku Ambuya, ndipo Samuele wanguliliya ku Ambuya pa ŵaYisraele, ndipo Ambuya angumwamuka.

Yeremiya 52:3

Kwakunenenska chifukwa cha kukwiya kwa Ambuya vinthu vyenga viheni mu Yerusalemu ndi Yuda, pakuti wanguŵadikiskapo pa maso ghake. Zedekiya wangugarukiya karonga wa Babiloni.

Yeremiya 23:39

chifukwa cho, ehe, kwakuneneska ndikamusoskaninga, ndikukutayani kunyake kutuwapo pa maso pangu, imwe ndi msumba wo, weniwo ndingukupaskani imwe ndi auskemwe.

Yeremiya 18:20

Kumbi uheni ndi mphoto ya umampha? Kweni iwo ŵakumbiya mbuna umoyo wangu. Kumbukani mo ndingumiya paurongo pinu kuŵakambiya umampha iwo, kutuzgako ukari winu kwaku iwo.

Yeremiya 15:19

Chifukwa cho atiti Ambuya: “Asani uwengeko, ndikakuwerezgiyangamo ndipo ukamanga paurongo pangu. Asani ukakambanga cho nchakuzirwa, ndi cho nchawaka cha, ukaŵanga uli ndi mlomo wangu! Ŵakawerenga kwaku iwe, kweni iwe kuti ukawerenga kwaku iwo cha.

Nthanthi 14:35

Mteŵeti yo wachita kwa zeru wendi mwaŵi wa karonga, kweni ukari wake utuwa paku yo watakataka kwakulengeska.

ŴaHebere 9:24

Chifukwa Kristu walive kusere mu malo ghakupaturika ghakwatika ndi ŵanthu, cho nchikozgu cha malo gheneko. Kweni wanguruta kuchanya iko, kweniko sono wawoneka paurongo paku Chiuta pa chifwa chidu:

Yeremiya 35:19

chifukwa cho atiti Ambuya ŵa maŵanja, Chiuta waku Yisraele: Yonadabu mwana waku Rekabu kuti wakasoŵanga munthu cha wakuma paurongo pangu.”

Ŵeruzgi 5:9

Mtima wangu utuliya ku ŵakulangula ŵaku Yisraele wo ŵangujipereka ndi mtima wose mukati mu ŵanthu. Tumbikani Ambuya.

Chiyambo 19:27

Ndipo Abrahamu wanguruta ndi mlenji-lenji ku malo ghenigho iyo wanguma paurongo pa Ambuya.

Zekariya 3:3

Sono Yoswa wamanga panthazi pa mungelo wa Ambuya, wakuvwalikika vyakuvwala vyakufipa.

Marangu 9:26

Ndinguromba ku Ambuya, ndinguti, ‘Ambuya Chiuta, rekani kupasuwa ŵanthu ŵinu, wo mukuŵasankha, ŵeniwo mwaŵawombo mu ukuru winu mwaŵatuzga mu Egipiti ndi janja la nthazi.

1 Samuele 12:19

Sono ŵanthu ŵangunena ndi Samuele, “Tirombe taŵateŵeti ŵako ku Ambuya Chiuta wako, kuti tireke kufwa; pakuti tasazgiyako uheni uwu nawo ku mauheni ghidu ghanandi, pakujipemphe karonga.”

Yeremiya 9:19

Pakuti chiwawa cha chitenje chivwika mu Zioni: ‘Tapasuka uheni! Talengeskeka kwakufikapo, chifukwa tasiya charu, pakuti ŵabwanganduliya pasi nyumba zidu.’ ”

Yeremiya 10:18

Pakuti viyo atiti Ambuya: “Ehe, ndikapong'anga kubwalo ŵakuja mu charu pa nyengo iyi, ndipo ndikatolenga suzgu paku wo, mwakuti ŵayivwe.”

Yeremiya 16:5

“Pakuti viyo atiti Ambuya: Ungaserenga mu nyumba ya maliro, ungarutanga kwachitenje, pamwenga kuŵachitiya chitima; pakuti ndatuzgako chimangu changu ku ŵanthu yaŵa, atiti Ambuya, chanju changu chizirima ndi lisungu.

Yeremiya 16:13

Chifukwa cho ndikakudikiskaninga mu charu ichi kuya ku charu chenicho nanga ndimwe nanga mba uskemwe mulivi kuchiziŵa; ndipo kwenikuwa mwamutataliya ŵachiuta ŵanyake msana ndi usiku pakuti kuti ndikamuchitiyaninga umampha cha.’

Yeremiya 22:28

Kumbi uyu munthu Konia ngwakunyozeka, nchiŵiya chakusweka, nchiyaŵi chambura kuchiphwere munthu? Chifukwa chine iyo ndi ŵana ŵake ŵadikiskika ndi kutayikiya mu charu cho ŵalivi kuchiziŵa?

Ezekiele 22:30

Ndipo ndingupenjapenja munthu mukati mwawo yo wangwenere kuzenga linga ndi kuma mwakupasuka paurongo pangu chifukwa cha charu, mwakuti ndireke kuchipasuwa; kweni ndengavi kumusaniya.

Yeremiya 14:12

Chingana ŵangafunga, kuti ndikavwanga kuliya kwawo cha, ndipo chingana ŵangapereka mpasku wakocha ndi mpasku wa ufwa, kuti ndivirondiyenge cha; kweni ndikaŵamaranga ndi lipanga, ndi chilala, ndi chideru.”

Hoseya 9:15

Uheni wawo wose wemu Gilgala; kwenikuwa ndiko ndingudanga chaŵatinkha. Chifukwa cha uheni wa milimu yawo, nkhaŵatuzganga mu nyumba yangu. Ndiŵanjenge so cha; mafumu ghawo ghose ghandigaruka.