Yeremiya 14:8 - Tonga Bible 1986

⁸ Imwe ndimwe Yisraele wagomezga, wakumutaska mu nyengo ya suzgu, chifukwa chine imwe muŵenge nge ndi mlendo mu charu chidu, ulaka ndi mwenda nthowa yo wapatuka kugone waka usiku?

Yeremiya 14:8 Referans Kwoze

Yeremiya 17:13

Ambuya mwe, gomezgu laku Yisraele, ndakuti, wose wo ŵatikujowoni ŵakalengeskekanga; wo ŵarekana namwe ŵakalembekanga mu charu chapasi, pakuti ŵajowo Ambuya, wo nchisima cha maji gha umoyo.

Yeremiya 50:7

Wose wo ŵanguŵasaniya ŵanguŵaparuwa, ndipo ŵakupindikana ŵawo ŵanguti, ‘Ifwe tilivi kafukwa, pakuti iwo ŵakulakwiya Ambuya, uja wawo weneko, Ambuya, wo nchigomekezgu cha auskeu,’ kwamphuwanga ŵakakhorwanga, atiti Ambuya.

Yesaya 43:3

Pakuti ndine Ambuya Chiuta winu, Mtuŵa Yumoza waku Yisraele, Mtaski winu. Ndipereka Egipiti nge ndi thumba linu, Etiopia ndi Seba mukugulizgana ndi imwe.

Sumu 50:15

undidane mu zuŵa la suzgu; ndikupozomoskenge, ndipo undikankhuskenge.”

Yoele 3:16

Ambuya abongo mu Zioni, ndi atuzga mazu ghawo kutuliya mu Yerusalemu, machanya ndi charu chapasi visukunikenge; kweni Ambuya nchakutaskikiyamo cha ŵanthu ŵawo linga lakukho ku ŵana ŵaku Yisraele.

Yesaya 45:21

Taulani ndi longoni mulando winu; ŵarekeni ŵapangane fundu pamoza! Njani wangukamba ichi kale ukongwa? Njani yo wangutaula gha mwaka? Kuti ndenga ine cha Ambuya? Ndipo palivi Chiuta munyake pade paku ine, Chiuta murunji ndi Mtaski; palivi munyake pade paku ine.

Yesaya 43:11

Ine, ndine Ambuya ndipo pade paku ine palive mtaski.

1 Timote 1:1

Kalata wakutuwa kwaku Paulo wakutumika waku Kristu Yesu, uli ndi langulu laku Chiuta Mtaski widu, ndi laku Kristu Yesu, Chigomekezgu chidu,

Machitidu gha Ŵakutumika 28:20

Viyo chifukwa chenichi ndakudanani, kuti ndimuwoneni ndi kukamba namwe: pakuti chifukwa cha chigomezgu chaku Yisraele ndimangika ndi mkoŵa wenuwu.”

Yesaya 45:15

Kwakuneneska, ndiwe Chiuta mweniyo watijibisa, Chiuta mwe waku Yisraele Mtaski.

Sumu 138:7

Nanga ndipenipo ndazingirizgika ndi masuzgu, mutindisunga pakudekha; mususka, ŵarwani ŵangu ŵakari, ndikunditaska ndi nthazi yinu.

Sumu 91:15

Ŵakandidananga, ndikaŵamukanga; ŵachiŵa musuzgu, ndikaŵanga pamoza nawo ndiŵapozomoskenge ndi kuŵatumbika.

Sumu 46:1

Chiuta nchakudingang'amo chidu ndinthazi yidu, movya wakusanirika ukongwa mu suzgu.

Sumu 9:9

Ambuya ndi linga ku ŵakukandirizgikiya pasi, ndi linga mu nyengo za suzgu.

Sumu 10:1

Ambuya mwamiyanji patali? Mwabisamiyanji mu nyengo za suzgu?

Ŵeruzgi 19:17

Ndipo wanguwona mlendo pa luluwa la msumba, doda ili linguti, “Mutapani? Ndipo mutuliya pani?”

Sumu 71:5

Ambuya, chigomezgu changu ndiŵika mwinu; ndathamiya mwaku imwe kutuliya ku wana-mana wangu.

Yesaya 63:8

Pakuti anguti, Kwakuneneska mbanthu ŵangu, ŵana wo kuti ŵakachitanga kwakupusika cha; ndipo iyo wanguŵa Mtaski wawo.

Yeremiya 30:7

Owe! Zuŵa lo ndikurudi palive lakukozgana nalo; ndi nyengo ya suzgu yaku Yakobe; ndipuuli wakataskikangako kwaku lo.

Zekariya 9:12

Wereni ku linga linu, imwe ŵamagoŵa ŵachigomekezgu, msana wale ndinena kuti ndimuwezgiyeninge kaŵi.

Sumu 46:2

Viyo kuti topenge cha, nanga chisanduka charu chapasi, nanga mapiri ghasukunika mu mtima wa nyanja;

Yesaya 33:2

Ambuya, tichitiyeni wezi, titumulindizgani. Muŵe janja lidu, mlenji ndi mlenji, mtaski widu mu nyengo ya suzgu.

Yeremiya 16:19

Ambuya mwe, nthazi yangu ndi linga langu lakukho, nchakudingang'amo changu, muzuŵa la suzgu, kwaku imwe mitundu yikazanga kutuwa ku vigoti vya charu ŵazamunena kuti, “Auskefwe kuti ŵaharapo so kanthu kanyake cha kweni mautesi pe, tunthu twambura ndi kanthu mwaku twenito mulivi kakwanduwamo.