Yeremiya 14:2 - Tonga Bible 1986

² “Yuda watenje ndipo malikomo ghake ghayungwanika; ŵanthu ŵake ŵatenjere pasi, ndipo kuliya kwa Yerusalemu kukwere pachanya.

Yeremiya 14:2 Referans Kwoze

Yesaya 3:26

Ndipo malikomo ghake ghakatenjenga ndi kuliya; wakubwanganduka, wakajanga pa dongo.

Yeremiya 8:21

Mtima wangu walasika, chifukwa cha bala la ŵanthu ŵangu, nditenje, ndipo mantha ghandizinga.

1 Samuele 5:12

ŵanthu wo ŵengavi kufwa ŵangupwetekeka ndi vitupatupa, ndipo nkhuta yamu msumba yingukwere kuchanya.

Zekariya 7:13

“Nge ndimo ine ndingukambiya ndipo kuti ŵanguvwa cha, viyo ŵangudanirizga kweni kuti ndinguvwa cha,” atiti Ambuya ŵa maŵanja.

Yeremiya 11:11

Chifukwa cho atiti Ambuya, Ehe, ine nditole uheni paku iwo, weniwo kuti angaziŵa kuwuthaŵa cha; chingana ŵangandiliriya, kuti ndikaŵategherezganga cha.

Yoele 2:6

Paurongo pawo ŵanthu wose ŵemu suzgu, visku vyawo vyose vyawonda.

Yoele 1:10

Minda yanangika, charu chitenje, chifukwa trigu wanangika, vinyo wakamuka, mafuta ngamana.

Hoseya 4:3

Chifukwa ichi, charu chitenge, ndipo wose wo ŵaja mwaku cho ŵakhuluruka nthazi, ndi so nyama zamu dondo, ndi tuyuni twa mude, chingana ndi somba zamu nyanja nazo zitoreka.

Chitenje 5:10

Khungu lidu ndamoto nge mpha chipa, chifukwa chakuŵaŵa kwa nja.

Chitenje 2:9

Malikomo ghake ghawa pasi, abwanganduwa ndi kuswa mipingirizgu yake; karonga wake ndi ŵana ŵa karonga ŵemu mitundu yinyake, dangu likumara, ndipo ŵamchimi ŵake kuti ŵaronde chakuwona cha ku Ambuya.

Yeremiya 18:22

Kuliya kuvwike kutuwa ku nyumba zawo muchitole ŵachivwamba kwamabuchibuchi pakuwo! Pakuti ŵakumba mbuna yakuti ndiwemo, ndipo ŵathyiya marundi ghangu viŵana.

Yeremiya 12:4

Charu chikatenjenga mpaka zuŵanji, mpaka zuŵanji uteka wamu minda yose ukamiranga? Chifukwa cha mautimbanizi ghaku wo ŵaja mwenimo vinyama ndi viyuni vyakukurwa; chifukwa ŵanthu ŵanguti, “Kuti wakawonanga umari widu cha.”

Yeremiya 4:28

Charu chapasi chikatenjenga chifukwa chaku ivi ndipo kuchanya kukafipanga; pakuti ndakamba, ndasimikizga mtima; ndilivi kugowoka chingana nkhuti ndikawerenga vuli nako so cha.”

Yesaya 33:9

Charu chitenje ndi nchakuvuka; Lebanoni ngwachitima ndi wafota; Sharoni wasanduka bozwa; ndipo Bashani ndi Karmele ŵayoyoska mani ghawo.

Yesaya 24:7

Vinyo watenje, mphereska zikomwa, wose ŵakuyereyeta mu mtima ŵatamantha.

Yesaya 24:4

Charu chapasi chitenje ndi chimira, charu chikomwa ndi chimira, machanya ghakomwe pamoza ndi charu chapasi.

Yesaya 15:5

Mtima wangu uliya chifukwa chaku Moabu, ŵakuthaŵa ŵake ŵachimbiriya ku Zoara, ku Eglatisheshiya. Pakuti pachikwera chaku Luhiti ŵatendachiliya ŵachikwera, mu mseu wakuya ku Horonaimi wasoska chitenje cha pharghaniku.

Yesaya 5:7

Pakuti munda wa mphereska wa Ambuya ŵa maŵanja ndi nyumba yaku Yisraele, ndipo ŵanthu ŵaku Yuda ndiwo chakupandika chake chakukondweska; wangulindizga cheruzgu chirunji, kweni awonani, kudika kwa ndopa; wangulindizga urunji, kweni awonani, kuliya!

Jobu 34:28

Viyo wanguchitiska kuti kuriya kwa ŵakavu kufike kwaku iyo, ndipo wanguvwa kuriya kwa ŵakusuzgika.

1 Samuele 9:16

“Mawa pa nyengo nge ndi iyi ndikutumiyenge munthu wakutuliya ku charu chaku Benjamini, ndipo ukamupakanga mafuta kumupatuwa mwakuti waŵe murongozgi wa ŵanthu ŵangu ŵaYisraele. Wakataskanga ŵanthu ŵangu kutuwa ku janja la ŵaFilisti; chifukwa ndawona suzgu ya ŵanthu ŵangu, kuriya kwawo kwafika kwaku ine.”

Chituwa 2:24

Ndipo Chiuta wanguvwa mutamanthu wawo, ndipo Chiuta wangukumbuka phanganu lake ndi Abrahamu, Yisaki, ndi Yakobe.

Sumu 144:14

Ng'ombe zidu zipaskenge mwandanu unandi, kwambura yakusoposka nanga nkhutondeka kubala; murŵangurwi ŵidu mureke kuvwika kuliya kwa soka!

Yesaya 24:11

Mwe kudanirizga mu ŵagurwi, chifukwa cha kusoŵa vinyo; chimwemwe chose chafikapo pa mazulo ghake, kukondwa kwa charu chapasi kwadikiskika.

Yeremiya 12:11

Ŵachisanduska uyiku; nchauyiku, chiliriya ine. Charu chose ŵachisanduska uyiku, kweni palivi munthu yo waphwereko ndi ichi.

Yeremiya 46:12

Mitundu yikuvwa gha chilengesku chako, ndipo charu chapasi chazaza ndi kuliya kwako; pakuti wankhondo waguŵa mu wankhondo; wose ŵaŵi ŵawiya pamoza.”

Chitenje 2:8

Ambuya angukhozga kubwanganduwa linga la msumba waku Zioni; angulipima ndi chingwe, ŵengavi kuwezga janja lawo kukubwangandu wa; anguliriska chimbumila ndi chimati, kusuzgikiya pamoza.

Hagayi 1:11

Ndipo ndadana chilala pa charu ndi pa mapiri, pa trigu, ndi pa vinyo mufya, pa mafuta, paku cho chose charu chipasa, pa ŵanthu ndi pa ng'ombe, ndi pa nchitu zawo zose.”

Yoele 1:11

Rengani soni mwa ŵalimi, tenjeni ŵalimi ŵa mphereska, chifukwa cha trigu ndi barile; chifukwa chivuna mu minda chanangika.

Yoele 1:14

Patuwani zuŵa lakufunga kurgha mudane unganu wakupaturika. Unjikani ŵaraŵara ndi ŵakuja mu charu wose mu nyumba ya Ambuya Chiuta winu; ndi muliliye ku Ambuya.