Yeremiya 14:16 - Tonga Bible 1986

¹⁶ Ndipo ŵanthu, kwaku ŵeniwo ŵachimiya, ŵakapong'ekanga kubwalo mu miseu ya Yerusalemu, ŵakubayika ndi chilala ndi lipanga, pakaŵangavi ndi wakuŵaŵika, iwo, ŵawoli ŵawo, ŵana ŵawo ŵanthurumi ndi ŵana ŵawo ŵanthukazi. Pakuti ndikadiranga utimbanizi wawo paku iwo ŵeneko.

Yeremiya 14:16 Referans Kwoze

Yeremiya 7:33

Ndipo mathupi gha ŵakufwa gha ŵanthu yaŵa ghakaŵanga chakurgha cha viyuni vya mude, ndi gha vinyama vya charu chapasi; ndipo palivi yo wakaviwofyanga kuti vithaŵiye kutali.

Nthanthi 1:31

chifukwa cho ŵakarghanga chipasi cha nthowa yawo ndi kuŵa ŵakuguta ndi fundu za ŵeneko.

Yeremiya 18:21

Chifukwa cho mupereke ŵana ŵawo ku chilala; muŵapereke ku nthazi ya lipanga, ŵawoli ŵawo ŵaŵe ŵambura ŵana, ŵaŵe vyoko. Ŵanthurumi ŵawo ŵafwe, ndi chideru, ŵanyamata ŵawo ŵabayike ndi lipanga mu nkhondo.

Yeremiya 16:4

Ŵakafwanga ndi zinthenda za kubaya. Kuti ŵakaŵatenjenga cha nanga nkhu ŵaŵika nako cha; ŵakaŵanga nge ndi vundira pa charu. Ŵakamaranga ku lipanga, ndi kuchilala, ndipo vitende vyawo vikaŵanga kurgha kwa viyuni vya mude ndi vikoko vya charu chapasi.

Chivumbuzi 16:1

Ndinguvwa mazu ghakuru kutuwa mu kasopi yo, ghenigho ghakambanga ndi ŵangelo wo ŵankhonde ndi ŵaŵi, “Kaninga, kapunguliyeni pa charu chapasi mbali zo nkhonde ndi ziŵi za kandundu kaku Chiuta.”

Mateyu 15:14

Warekeni: mbachirongozgi ŵachiburumutiya. Ndipo asani wachiburumutiya warongozga wachiburumutiya, wose ŵaŵi ŵawenge mu zenje.”

Yeremiya 9:22

Rongoro, “Viyo atiti Ambuya: ‘Viŵanda vya ŵanthurumi vikawanga uli ndi vundira mu munda wapakweru, nge ndi nchinda pavuli pa wakuvuna, ndipo paulengevi yumoza wakuviyora.’ ”

Yeremiya 5:31

ŵamchimi ŵachima vyautesi, ndipo ŵazukuru ŵateruzga mo ŵakhumbiya iwo; ŵanthu ŵangu ŵatanja vyaviyo, kweni mwazamchitanji utakuti waza umari?

Yeremiya 4:18

Nthowa zinu ndi machitidu ghinu ndivyo vyatore ivi paku imwe Iyi ndi suzgu yako, ndipo njakuŵaŵa.”

Yesaya 9:16

pakuti wo ŵarongozga yaŵa ŵanthu ŵati ŵapuruska, ndipo wo ŵarongozgeka ndi iwo ŵamezeka.

Yesaya 51:20

Ŵana ŵako ŵadika nthazi; ŵagona pakati pa gurwi we yose uli ndi mphala mu ukonde; ŵazazika ndi ukari wa Ambuya kuchenya kwaku Chiuta wako.

Yeremiya 8:1

“Pa nyengo yeniyiya, atiti Ambuya, viwanga vya akaronga ŵaku Yuda, viwanga vya mafumu ghake, viwanga vya ŵazukuru, viwanga vya wa mchimi, ndi viwanga vya ŵakuja mu Yerusalemu vikatuzgikanga mu miunda yawo;

Yeremiya 8:2

ndipo vikanikikanga pa lumwi ndi mwezi ndi maliŵanja ghose gha kuchanya, ghenigho ŵanthu wo ŵangwanja ndi kughatataliya, ghenigho wangurondo, ndi ghenigho ŵangupenja ndi ŵangughasopa, ndipo kuti vikaunjikikanga chingana nkhuŵikika cha: vikaŵanga nge ndi vundira pa chisku cha charu.

Yeremiya 27:15

Ine ndilivi kuŵatuma, atiti Ambuya, kweni ŵachima ndi utesi mu zina langu, pakuti kukaŵanga kuti ndikakudikiskaningimo ndipo mukafwanga, imwe pamoza ndi ŵamchimi ŵeniwo ŵatimuchimiyani.”

Ezekiele 39:14

Ŵakapatuwanga ŵanthu kuti ŵendengeyendenge mu charu rutaruta kuŵika wo ŵajako mu charu, mwakuti chitozgeke; pavuli pa myezi yinkhonde ndi yiŵi ŵapenjenge-penjenge.

Amosi 7:17

Viyo mu chifukwa ichi atiti Ambuya: ‘Muwoli wako waŵenge mureŵi mu msumba, ndipo ŵana ŵako ŵanthurumi ndi ŵana ŵako ŵanthukazi ŵakabayikanga ndilipanga, ndi charu chako chamugaŵika ndi chipimo cha chingwe, ndipo wamweni wamufwiya mu charu cha ukazuzi; ndipo Yisraele wakarutanga nadi ku uŵanda kutali ndi charu chake!’ ”

Yeremiya 9:20

Mwa ŵanthukazi mwe, avwani mazu gha Ambuya, gutu linu lironde mazu gha mlomo wawo; ŵana ŵinu ŵanthukazi muŵarunguchizge chitenje, yose warunguchizge mwanasi wake sumu ya chitenje.

Yeremiya 20:6

Ndipo iwe Pashuru, ndi wose ŵakuja mu nyumba yako, mukayanga mu umkoli mukarutanga ku Babiloni, ndipo mwamufwiya kwenikuwa ndi kuŵikika kwenikuwa, iwe ndi mabwezi ghako ghose, kwaku wo iwe wachima vyautesi.”