Yeremiya 14:10 - Tonga Bible 1986

¹⁰ Viyo atiti Ambuya ghapa ŵanthu yaŵa: “Ŵanja kuyingayinga kwa viyo, ŵalivi kukanizga marundi ghawo; chifukwa cho Ambuya kuti ŵati ŵaronde cha. Sono ŵakakumbukanga mautimbanizi ghawo, ndi kulanga mauheni ghawo.”

Yeremiya 14:10 Referans Kwoze

Hoseya 9:9

Ŵajivundiska ukongwa nge ndi mu mazuŵa ghaku Gibeya. Wakumbukenge ubendezi wawo; waŵarengenge chifukwa cha maulakwi ghawo.

Hoseya 8:13

Ŵatanja sembe; ŵapereka sembe ya nyama ndi ŵatiyirgha; kweni Ambuya kuti akondwa nawo cha. Sono wakumbukenge ubendezi wawo ndikuŵaranga chifukwa cha kulakwa kwawo; ŵawerenge so ku Egipiti.

Sumu 119:101

Ndakanizga marundi ghangu ku nthowa zose ziheni, chifukwa ndikhumba kuvwiya mazu ghinu.

Amosi 5:22

Chingana mundipaska sembe zinu zakocha ndi sembe zinu za vyakurgha kuti ndizirondiyenge cha, ndi sembe zinu za chimangu za nyama zinu zakututuŵa kuti ndizilereskenge cha.

Yeremiya 6:20

Kafukwa nkhane ko vyakusunkhizga viziya kwangu kutuliya ku Sheba, pamwenga mijuŵa kutuliya kucharu cha kutali? Sembe zinu zakocha kuti zirondereka cha, chingana ndi mipasku yinu kuti yitindikondweska cha.

ŴaHebere 8:12

Pakuti ndiŵiyenge walisungu ku maubendezi ghawo ndipo vilakwa vyawo kuti ndikumbukenge so cha.”

Yeremiya 31:34

Ndipo munthu kuti warunguchizgenge so mwanasi wake nanga ndi mwana munyake cha kuti, ‘Ziŵa Ambuya,’ pakuti wose ŵakandiziŵanga, kutuwa ku mumana mpaka ku mura, atiti Ambuya; pakuti ndikagowokiyanga mautimbanizi ghawo, ndipo uheni wawo kuti ndikawukumbukanga so cha.”

Hoseya 11:9

Nkhafiskanga cha ukari wangu ukuru, kuti nkhaparghang'anga so Efraimu cha; chifukwa ndine Chiuta munthu cha, Mtuŵa mukati mwinu, ndipo kuti ndizenge kuzachiparghang'a cha.

Hoseya 11:7

Ŵanthu ŵangu ŵaŵika mitima yawo pakutuwako kwaku ine; viyo ŵarongozgeke ku goŵa, ndipo palivi yumoza walituzgengeko.

Yeremiya 8:5

Na chifukwa chine ŵanthu yaŵa ŵapatukiya kunyake, ŵawere vuli kwambura kuweko? Ŵakoreska kupusika, ŵakana kuweko.

Yeremiya 2:36

Kwa muyaya mutachikamba ndi mphwayi kusintha nthowa yinu! Mukalengeskekanga ndi Egipiti uli ndimo mungulengeskeke ndi Asiriya.

1 ŴaKaronga 17:18

Ndipo munthukazi wanguti kwaku Eliya, “Wenane ndi kafukwa uli, wa munthu waku Chiuta we? ukuza kunu kwaku ine kundikumbuska mphurupuru yangu, ndi kuchitiska nyifwa pa mwana wangu!”

1 Samuele 15:2

Viyo atiti Ambuya ŵa maŵanja, ‘Ndilangenge Amaleke paku cho ŵanguchitiya ŵaYisraele pa kuŵakhazga panthowa, pakukwera ŵachituwa mu Egipiti.

Yeremiya 3:13

Zomera waka kulakwa kwako, kuti ungugarukiya Ambuya Chiuta wako ndipo unguparghaniya mwaŵi wako mu ŵalendo pa sina pa muti wose uŵisi, ndi kuti ulivi kuvwiya mu mazu ghangu, atiti Ambuya.

Ezekiele 29:16

Ndipo kuti wakaŵanga so chigomezgu cha nyumba yaku Yisraele cha, ichi chikaŵanga chikumbusku pa mauheni ghawo, ŵachiwere ku Egipiti kupenja chovyo. Sono ndipo ŵakaziŵanga kuti ine ndine Ambuya Chiuta.”

Hoseya 7:2

Kweni ŵaghanaghana cha kuti ndikumbuka nchitu zawo zose ziheni. Sono milimu yawo yaŵazinga, ye pa maso pangu.

Hoseya 7:13

Owe, kwaku iwo; chifukwa ŵapatuka ku kwaku ine! Pharghaniko kwaku iwo chifukwa ŵagaruka kwaku ine! Ndingukhumba kuŵawombo kweni ŵatindikambiya utesi.

Amosi 3:2

“Imwe pe ndimwe ndakuziŵani mu mbumba zose zapa charu chapasi; mu chifukwa ichi ndimulangeninge chifukwa cha mauheni ghinu ghose.

Chituwa 32:34

Kweni sono rutanga, kaŵarongozge ŵanthu ku malo gho ndikukunene; ndipo muthenga wangu wakakudanjiriyanga. Ndipuuli, mu zuŵa lo ndazamuchezga, ndazamutole uheni wawo paku wo.”

Sumu 95:10

Virimika machumi ghanayi ndingukwiyiskika ndi mgonezi uwa; rekani ndinguti, ‘Mbanthu ŵakuranda mu mtima! Ŵakana kuvwiya marangu ghangu!’