Yeremiya 13:19 - Tonga Bible 1986

¹⁹ Mizi yaku Negebu yajarika, palivi yo wangayijura; Yuda yose wayoreke ku umkoli Ku umkoli wakufikapo.

Yeremiya 13:19 Referans Kwoze

Yeremiya 52:27

Karonga wa Babiloni wanguŵakoso, ndi kuŵabaya pa Ribla mu charu chaku Hamati. Viyo Yuda wangutoleka umkoli kumutuzga mu charu chake.

Yeremiya 52:30

Mu chirimika cha machumi ghaŵi pachanya vitatu chaku Nebukadanezara, Nebuzaradani nduna ya ŵakuvikiriya wangunyamuliya mu umkoli, ŵaYuda, machumi pe chumi ghankhonde ndi ghaŵi ndi machumi ghanayi ndi ŵankhonde (745); ŵanthu wose ŵenga vikwi vinayi ndi machumi pe chumi ghankhonde ndi limoza (4,600).

Yeremiya 39:9

Sono Nebuzaradani, nduna ya ŵalonda wanguyola ŵanthu wose wo ŵangusiyika mu msumba, ŵeniwo ŵanguthaŵiya kwaku iyo, ndi wose wo ŵangujamo kuya ku umkoli ku Babiloni.

2 ŴaKaronga 25:21

Ndipo karonga wa Babiloni wanguŵabaya pa Ribla mu charu chaku Hamati. Viyo Yuda wanguyoleke ku umkoli kumutuzga mu charu chake.

Marangu 28:52

Ŵakamuzinganinga mu mizi yinu yose, mpaka malinga ghinu ghakukho gho ghawe pasi mu charu chinu chose; ndipo ŵakamuzingiyaninga mu mizi yinu yose yamu charu chinu, chenicho Ambuya Chiuta winu wakupaskani.

Yeremiya 33:13

Mu misumba ya mu charu cha mitunthu, mu misumba ya Shefela, ndi mu misumba ya ku Negebe, mu charu chaku Benjamini, mu malo ghaku Yerusalemu, ndi mu misumba yaku Yuda, miskambu yikaŵerengekanga so ndi manja gha ŵakuyiŵerenga, atiti Ambuya.

Yeremiya 20:4

Pakuti atiti viyo Ambuya, Ehe, ndikakuchitanga chakofya kwaku wamweni ndi ku mabwezi ghako ghose. Ŵakabayikanga ndi lipanga la ŵakupindikana ŵawo, maso ghako ghachilereska. Ndipo ndikaperekanga Yuda yose mu janja la karonga wa Babiloni; ŵakayorekiyanga mu umkoli ku Babiloni, ndipo ŵakaŵabayanga ndi lipanga.

Yeremiya 17:26

Ndipo ŵakazanga kutuwa ku misumba yaku Yuda ndi malo ghakuzunguliya Yerusalemu, kutuwa ku charu chaku Benjamini, kutuwa ku Sherela, ku charu cha mitunthu, ndi kutuwa ku Negebu ŵakupinga mipasku yakocha ndi zisembe, mipasku ya ufwa ndi vyachema, ndi kuza ndi mipasku ya kuwonge ku nyumba ya Ambuya.

Jobu 12:14

Asani wabwanganduliya pasi paulavi yumoza yo wangazenga so; asani watimujaliya munthu palivi yo wangamujuliyako.

Yoswa 18:5

Ŵakachigaŵanga vigaŵa vinkhonde ndi viŵi, Yuda wakajanga mu chigaŵa chake ku malaŵi, ndi nyumba yaku Yosefe mu chigaŵa chake ku nkhonde.

Marangu 28:15

“Kweni asani kuti mukavwiyanga cha mazu gha Ambuya Chiuta winu, pamwenga kuphwere kuchita marangu ghake ghose ndi malangulu ghake gho ndikutauliyani zuŵa ili, iku matembo ghose yagha ghakazanga paku imwe ndi kumunangani.

Yeremiya 32:44

Ŵanthu ŵakagulanga minda ndi ndrama, ndikulemba ŵakalata ŵakuguliyanapo, kuŵazighiriya ndi kudaniyapo ŵakaboni, mu charu chaku Benjamini, mu malo ghakuzunguliya Yerusalemu, ndi mu misumba yaku Yuda, mu misumba ya charu cha mitunthu, mu misumba yaku Shefela, ndi mu misumba yaku Negebe, pakuti ndikawezganga ŵamikoli ŵawo atiti Ambuya.”

Chitenje 1:3

Yuda waruta mu umkoli chifukwa cha kusunjizgika, ndi nchitu zizitu, sono waja mukati mu mitundu kweni kuti wasaniya malo gha chipumulu cha; kweni ŵakumundondoloska ŵake wose ŵamusaniya mu suzgu yake.

Zekariya 7:7

Pa Yerusalemu wenga ndi ŵakujamo ndi usambasi, ndi mizi yake yakumuzungurizga, ndipo ŵanthu ŵajanga kuchiri kumwera ndi mu chidika, kumbi asi ndi yagha mazu gho Ambuya anguwandiska ndi ŵamchimi wawo ŵakale?”

1 Mikoka 9:1

Viyo ŵaYisraele ŵangulembeka mu kaŵiro kawo, ndipo ŵakulembeka mu Buku la ŵaKaronga ŵaku Yisraele. Ndipo Yuda wanguyoreke ku umkoli mu Babiloni chifukwa chakuwura kugomezgeka kwawo.

Yeremiya 24:1

Pavuli Nebukadanezara karonga wa Babiloni wanguti wato, Yekoniya mwanawaku Yehoyakimu karonga waku Yuda, mu Yerusalemu pamoza ndi ŵanangwa ŵaku Yuda, ŵamisiri ndi ŵakusura, kuza nawo ku Babiloni, Ambuya angundiwoneska chiwona ichi: Awonani, sokora ziŵi zingujarikika paurongo pa kasopi wa Ambuya.

Yeremiya 28:4

Ndikawezgiyanga so Yekoniya mwana waku Yehoyakimu, karonga waku Yuda, ku malo yagha ndi ŵamikoli wose ŵakutuwa mwaku Yuda wo ŵanguruta ku Babiloni atiti Ambuya, pakuti ndikafyonga gori la karonga wa Babiloni.”

Yeremiya 52:28

Uwu mbunandi wa ŵanthu wo Nebukadanezara wanguruta nawo mu umkoli: mu chirimika cha vinkhonde ndi viŵi ŵaYuda vikwi vitatu ndi machumi ghaŵi pachanya ŵatatu (3,023);