Yeremiya 13:16 - Tonga Bible 1986

¹⁶ Paskani unkhankhu ku Ambuya Chiuta winu, wenga wandaze ndi mdima, marundi ghinu ghenga ghandaguŵe pa mapiri gha mdima, penipo imwe mupenja ukweru iyo wasanduskiyako mdima, watiusanduska mdima uzitu.

Yeremiya 13:16 Referans Kwoze

Yesaya 59:9

Chifukwa chenichi cheruzgu chirunjiche kutali ndi ifwe, ndipo ukongorekwa kuti utitisaniya cha; tipenja ukweru, ndipo ehe, ndi mdima, tipenja kungweruka, kweni titenda mu munkhorwe.

Yesaya 8:22

ŵakalereskanga charu cha pasi, kweni ehe, suzgu ndi mdima, munkhorwe wa suzgu, ndipo ŵakapong'ekanga ku mdima uzitu.

Yesaya 60:2

Pakuti ehe, mdima ukavimbanga charu chapasi, ndipo mdima wa munkhorwe ukavimbanga ŵanthu ŵa mitundu yose; kweni Ambuya akayukanga paku imwe, unkhankhu wawo ukawonekanga paku imwe.

Yesaya 5:30

Ŵakakoromanga paku yo mu zuŵa liya, uli nkhuuruma kwa nyanja. Asani yumoza walereskenge ku charu, awonani, mdima ndi suzgu; ndipo ukweru wafipiskika ndi mitambo yake.

Nthanthi 4:19

Nthowa ya muheni ye uli ndi mdima wamunkhorwi; kuti ŵaziŵa cha chenicho ŵaguŵamo.

Yoswa 7:19

Viyo Yoswa wangukamba ndi Akani, “Wa mwana wangu, paska unkhankhu ku Ambuya Chiuta waku Yisraele, ndipo upereke marumbu kwaku Iyo, ndinene cho wachita, ungandibisa cha.”

Yeremiya 23:12

Chifukwa cho nthowa zawo zikaŵanga kwaku iwo nge ndi nthowa zakuteremuka mu mdima, mwenimo ŵakadikiskikiyangamo ndi kuwa; pakuti ndikatolenga chiheni pakuwo mu chirimika cha kulangika kwawo, atiti Ambuya.

Yeremiya 4:23

Ndingulereska pa charu, ndipo ehe, chenga mapopa ndi chambura kanthu, ndingulereska, kuchanya ukweru kwengavi.

Sumu 44:19

nanga imwe mwatiphwanya mu malo gha ŵakambwe, ndipo ndi kutivimba ndi munkhorwe.

1 Samuele 6:5

Viyo mutenere kuchita vikozgo vya vitupatupa vinu ndi vikozgo vya mbeŵa zinu vyo vinanga charu, ndipo paskani unkhankhu kwaku Chiuta waku Yisraele, vinu wangatuzgako janja lake kwaku imwe ndi ku ŵachiuta ŵinu ndi charu chinu.

Chituwa 10:21

Sono Ambuya anguti kwaku Mosese, “Tambaruliya janja lako kuchanya kuti kuŵe mdima pa charu cha Egipiti, mdima uzitu.”

1 Petro 2:8

ndi, “Mwa wachiguŵisku, ndi jarawe la livwizu; Pakuti ŵaguŵa penipo, pakutafula pa mazu gho”; kwaku chenicho nacho ŵangutemeke.

Yohane 12:35

Wanguŵanene Yesu, “Nyengo yimanavi Kungweruka kweche mukati mwinu. Mwendenge mweche nako kungweruka, winu mdima ungamsaniyani; pakuti wakwenda mu mdima kuti waziŵa ko watiya cha.

Chitenje 4:17

Maso ghidu ghatondeka talindizga chovyo nyengo yose kweni kwawaka; mu kulindizga kwidu tingulindizga, mtundu weniwo kuti unguziŵa kutaska cha.

Yeremiya 14:19

Kumbi mwamukaniya limu Yuda? Kumbi mzimu winu wamutinkha Zioni? Kumbi mwatipumiyanji mwakuti kulivi kuchizgika kwaku ifwe? Tingupenja chimangu, kweni kamampha kakuwoneka cha; nyengo ya kuchizgika, kweni ehe, chofyu.

Yeremiya 8:15

Tingulereze chimangu, kweni kuti tinguwona umampha cha, tingupenja nyengo yakuchizga, kweni ehe, kofya.

Wakutaula 11:8

Pakuti asani munthu watuŵa ndi umoyo wa virimika vinandi, wakondwenge mwaku vyose vyo, kweni watenere kukumbuka kuti mazuŵa gha mdima ghakaŵanga ghanandi. Chose cho chituza nchawaka.

Jobu 3:5

Mdima ukuru ndi mduzi wa nyifwa viliŵange kuŵa lawo. Mitambo yiwe pachanya pake, mdima wa zuŵa ulitenthemeske.

Sumu 107:10

Ŵanyake ŵanguja mu mdima ndi mu munkhorwi, ŵakumangika ŵangusuzgika mu maunyolo;

Sumu 107:14

Anguŵatuzga mu mdima ndimu munkhorwi, ndi kudumuwa ma unyoro ghawo.

Yeremiya 2:6

Wengavi kukamba, ‘Ŵepani Ambuya ŵeniwo angutituzga mu charu cha Egipiti, ŵeniwo ŵangutirongozga mu bozwa, mu charu cha uyiku ndi mabuwu, mu charu cha chiparantha ndi cha mdima uzitu, mu charu chambura kuporotamo nanga njumoza, mwenimo kuti muja munthu cha?’

Yeremiya 6:21

Chifukwa cho atiti Ambuya; ‘Ehe, ndikaŵikanga paurongo pa ŵanthu yaŵa viguŵisku mwaku vyo ŵakaguŵanga: ŵawiskeu ndi ŵana ŵanthurumi pamoza, muzengezgani ndi bwezi ŵakamaranga.’ ”

Yeremiya 50:6

“Ŵanthu ŵangu ŵaŵa mberere zakusoŵa; ŵaliska ŵawo ŵaŵa aserezga pa dondo, kuŵawezge kutali ku mapiri; kutuwa ku phiri kuya ku mtunthu ndimu ŵayende, ŵaruwa khora lawo.

Ezekiele 21:15

alinga kuti mitima yawo yisongonoke, ndipo ŵanandi ŵawe pamalikomo ghawo ghose. Ndapereka lipanga lakugadima; inya! Likupangika nge ndi limphezi, likupuputikiya kubaya.

Ezekiele 34:12

Mo mliska wapenje mskambu wake asani zinyake mberere zake zaparghang'ikiya kutali, viyo ndimu ndikapenjiyanga mberere zangu; ndipo ndikazitaskanga mu malo ghose mo zikuparghang'ikiya pa zuŵa la mitambo ndi la munkhorwe.

Ezekiele 36:15

kuti ndikazomerezganga so cha kuti muvwenge kutombozga kwa ŵa mitundu, ndipo kuti mukanyamuwanga so kulengeskeka kwa ŵanthu cha chingana nkhuti mukaguŵiskanga so mtundu winu nako cha atiti Ambuya Chiuta.”

Amosi 4:13

Chifukwa ehe, iyo wakuwumba mapiri, watata mphepo; ndi kukamba ku munthu gho ndi maghano-ghano ghake; yo wachita mlenji kuŵa mdima, ndi kukanda pa utali wa charu chapasi Ambuya Chiuta wa maŵanja, ndilo zina lake!

Amosi 5:18

Owe; kwaku imwe mukhumba zuŵa la Ambuya! Chifukwa nchine mukhumba kuŵa ndi zuŵa la Ambuya? Ndi mdima, kuti mbukweru cha;

Sumu 29:2

Paskani ku Ambuya unkhankhu wa zina lawo; gwadiyani Ambuya mu utozi ndi utuŵa.

Yesaya 59:10

Tipapaska chimati nge ngwachiburumutiya, tipapaska nge ndiwo ŵalivi maso; tiguŵa ndi msana pakati uli ndi mazulo pa kwafipa; mukati mwaku wo mbanthazi kwakufikapo tituŵa uli mbanthu ŵakufwa.

Yoele 2:2

Zuŵa la mdima la munkhorwi, zuŵa la mitambo ndi mdima wakoyoyu; nge mbufipa wakutandikika pa mapiri pachanya, ŵanthu ŵakuru ndi ŵanthazi, kuti ŵakuŵako kale ŵakukozgana nawo cha, pamwenga kuti ŵakaŵangako sopavuli pawo cha, chingana nkhu virimika vya migonezi yose.

Malaki 2:2

Asani mukarekanga kuvwa, asani mukarekanga kulisunga mu mtima kupereka unkhankhu kwaku ine, atiti Ambuya ŵa maŵanja, nkhatumanga thembo paku imwe, ndipo nditembenge vitumbiku vinu. Inya ndavitemba kali, chifukwa kuti mutilisunga lo mu mtima cha.