Yeremiya 12:4 - Tonga Bible 1986

⁴ Charu chikatenjenga mpaka zuŵanji, mpaka zuŵanji uteka wamu minda yose ukamiranga? Chifukwa cha mautimbanizi ghaku wo ŵaja mwenimo vinyama ndi viyuni vyakukurwa; chifukwa ŵanthu ŵanguti, “Kuti wakawonanga umari widu cha.”

Yeremiya 12:4 Referans Kwoze

Yeremiya 9:10

“Dangani kuliya ndi kwenjerwa chifukwa cha mapiri, tenjeni chifukwa cha mauliska gha mubozwa, chifukwa ghachitika mapopa palivi yo waporotamo, ndipo kubama kwa ng'ombe kuti kuvwika cha; vyose viyuni vya mude ndi nyama za mudondo vyathaŵa kuti viwoneka so cha.

Yeremiya 4:25

Ndingulereska, ndi ehe, pengavi munthu, ndipo viyuni vyose vya mude vinguthaŵa.

Sumu 107:34

Achitiska charu cha nyata kuŵa charu cha mche wakusukuruka, chifukwa cha uheni waŵakujamo.

ŴaRoma 8:22

Chifukwa tiziŵa kuti ulengi wose utamanthiya ndi ulangiya pamoza mpaka ku sono.

Hoseya 4:3

Chifukwa ichi, charu chitenge, ndipo wose wo ŵaja mwaku cho ŵakhuluruka nthazi, ndi so nyama zamu dondo, ndi tuyuni twa mude, chingana ndi somba zamu nyanja nazo zitoreka.

Yeremiya 23:10

Pakuti charu chazazika ndi ŵareŵi; chifukwa cha thembo charu chitenje ndipo mauliska gha mubozwa ghamira. Kenderu kawo mbuheni, ndipo nthazi yawo kuti njakurunjika cha.

Yeremiya 7:20

Chifukwa cho atiti Ambuya Chiuta; Ehe, kukwiya kwangu ndi ukari wangu vikapungulikiyanga pa malo yagha, pa munthu ndi nyama, pa miti yamu minda ndi chipasi chapa nyata. Vikawochekanga ndipo kuti vikazimwikanga cha.”

Habakuku 3:17

Chingana mkuyu ureke kubuska, pamwenga vipasi ku ulevi ku mphereska, maolivi gha tondeke kupasa, ndi minda yitondeke vyakurgha, mskambu umare mu khola, ndi ng'ombe muulevi mu khola,

Yeremiya 5:31

ŵamchimi ŵachima vyautesi, ndipo ŵazukuru ŵateruzga mo ŵakhumbiya iwo; ŵanthu ŵangu ŵatanja vyaviyo, kweni mwazamchitanji utakuti waza umari?

Yeremiya 14:2

“Yuda watenje ndipo malikomo ghake ghayungwanika; ŵanthu ŵake ŵatenjere pasi, ndipo kuliya kwa Yerusalemu kukwere pachanya.

Yeremiya 5:13

Ŵamchimi ŵakaŵanga nge ndi mphepo; mazu mulivi mwa wo, Viyo ndimu chikachitikiyanga kwaku wo!’ ”

Yeremiya 4:28

Charu chapasi chikatenjenga chifukwa chaku ivi ndipo kuchanya kukafipanga; pakuti ndakamba, ndasimikizga mtima; ndilivi kugowoka chingana nkhuti ndikawerenga vuli nako so cha.”

Sumu 50:21

Ivi ndivyo wachita kweni ine ndingujachete; iwe waghanaghananga kuti ndiyana nge ndiwe. Kweni sono nditukuchenya, ndiŵika cheruzgu pa maso pako.

Yeremiya 12:11

Ŵachisanduska uyiku; nchauyiku, chiliriya ine. Charu chose ŵachisanduska uyiku, kweni palivi munthu yo waphwereko ndi ichi.

Yoele 1:18

Vyakuŵeta viragha, miskambu ya ng'ombe yazingariwa chifukwa chipozwa kulivi; chingana ndi miskambu ya mberere njakutomboroka.

Amosi 1:2

Ndipo wanguti: “Ambuya abongonge mu Zioni, ndikutuzgiya mazu ghawo mu Yerusalemu; mauliska gha ŵaliska ghatenjenge, ndi pachanya pa Karmele pafotenge.”

Zekariya 1:12

Penipo mungelo wa Ambuya wanguti, ‘Ambuya ŵa maŵanja, kumbi mpaka zuŵanji murekenge kuŵa ndi lisungu pa Yerusalemu ndi pa misumba yaku Yuda, yo mungutundiya nayo virimika ivi machumi ghankhonde ndi viŵi (70)?’

Yesaya 24:4

Charu chapasi chitenje ndi chimira, charu chikomwa ndi chimira, machanya ghakomwe pamoza ndi charu chapasi.

Yesaya 24:6

Chifukwa cho thembu liparuwa chapasi, ndipo ŵakujamo ŵake ŵakomwa pa kunanga kwa wo; chifukwa cho ŵakuja mu charu ŵatufya, ndipo ŵanthu ŵamanavi ndiwo ŵasiyika.

Yeremiya 9:9

Kumbi kuti ndikaŵalanganga cha chifukwa cha vinthu ivi? atiti Ambuya; Kuti ndikajitayiyanga thayu cha pa mtundu nge ndi uwu?