Yeremiya 12:13 - Tonga Bible 1986

¹³ Ŵamija trigu ndipo ŵavuna minga, ŵajivuska kweni kuti ŵatopu kanthu cha, ŵakalengeskekanga ndi vuna yawo chifukwa cha ukari wakofya wa Ambuya.”

Yeremiya 12:13 Referans Kwoze

Hagayi 1:6

Mwapanda vinandi, kweni mwavuna vimanavi; muturgha, kweni kuti muguta cha; mutumwa kuti mukhorwa cha, muvwala, kweni palivi yumoza yo wafunda; ndipo yo waronde malipiro, waronde malipiro kughaŵika muthumba lakutoroka.

Mika 6:15

Mukamijanga, kweni mukavunanga cha, mukapuwanga maolivi, kweni kuti mukajitukutizganga ndi mafuta cha; mukapuwanga mphereska, kweni kuti mumwenge vinyo wake cha.

Marangu 28:38

Mukapingiyanga ku munda mbeu zinandi kweni mukavunanga zimanavi, pakuti zikarghikanga ndi zombe.

Yesaya 55:2

Chifukwa chine mutananga ndrama zinu paku cho kuti nchakurgha cha, ndi kutakataka kwinu paku cho kuti chigutiska cha? Tegherezgani kwarwana kwaku ine, murghe cho nchamampha, ndipo mujikondwereske ndi vyakununa.

ŴaLevi 26:16

Ndikakuchitiyaninga ichi: Nkhatumanga paku imwe chofyo, nthenda ya liwondi-wondi, ndi yakumbwambwanthiya, ndi chideru cha kujara maso mwakuti umoyo ureke kukhumbikwa. Ndipo mukaseŵanga waka mbutu zinu, ŵarwani ŵinu ndiwo ŵakazirghanga.

Habakuku 2:13

Asi chikuturiya ku Ambuya ŵa maŵanja, kuti ŵanthu ŵatakatakiya chifukwa cha moto pe, ndipo mitundu yitijivukiska ndi vyaŵakaŵaka?

Yeremiya 4:26

Ndingulereska, ndi ehe, charu cha minda chingusanduka bozwa, ndipo mizi yake yose yingupopeskeka paurongo pa Ambuya, paurongo pa ukari wawo wakofya.

ŴaRoma 6:21

Viyo mwenga ndi chipasi chakutinji kali mwaku vyenivyo sono mulenga soni navyo? Chifukwa umari waku viya ndi nyifwa.

ŴaLevi 26:20

Mukatayanga nthazi zinu pa ŵaka, chifukwa charu chinu kuti chipasenge vyakuzala cha, ndipo miti yamu charu cho kuti yikapasanga vipasi vyake cha.

Yeremiya 9:5

Yose wapusika mwanasi wake, ndipo palivi yumoza wakukamba uneneska; ŵakusambizga lilime lawo kukamba mautesi; ŵachita maulakwi ndipo mbakuvuka ukongwa kuti wang'anamuke mtima.

Yeremiya 17:10

“Ine Ambuya ndipapaska mzimu, nditesa mtima, kupaska ku munthu we yose kwakulingana ndi thowa zake, kwakulingana ndi chipasi cha machitidu ghake.”

Sumu 78:62

Wangukalipa ndi ŵanthu ŵapa mtima wake, ndipo wanguŵapereka kuti ŵabayike ndi ŵarwani ŵawo.

Hoseya 8:7

Chifukwa ŵangupanda mphepo, ndipo ŵavunenge kavuruvuru. Trigu walivi mphonji, kuti wakapasanga vipasi cha. Asani wangupasa, ŵalendo ŵatinge ŵarghenge.

Hagayi 1:9

Mwapenja vinandi, kweni ehe, vinguŵa vimanavi; ndipo po munguza navyo kumuzi, ndinguviputiskiya kutali. Chifukwa nchine? Atiti Ambuya ŵa maŵanja. Nchifukwa cha nyumba yangu yo njakupasuka, kweni mwatangwanika, munthu yose ndi nyumba yake.