Yeremiya 12:1 - Tonga Bible 1986

¹ Murunji ndimwe, Ambuya mwe, po ndidandauliya kwaku imwe; kweni ndikaperekanga makani ghangu paurongo pinu. Chifukwa chine nthowa ya muheni yisakata? Wakupusika chifukwa chine watuŵa wamoyo?

Yeremiya 12:1 Referans Kwoze

Malaki 3:15

Kwamba le titeska kuti ŵakujikuzga mbakutumbikika. Wo ŵachita uheni ŵasakata, ndipo penipo ŵamwesa Chiuta ŵaphokwa.’ ”

Sumu 92:7

nanga ŵaheni ŵakuwe nge mbuteka, nanga wose ŵakuchita utimbanizi ŵasakate; ndipuuli mbakutemeke ku pharghaniko la muyaya.

Sumu 37:1

Ungafyanga mtima cha chifukwa cha ŵakuchita uheni, chingana nkhuŵiniwa ŵakuchita ubendezi.

Danyele 9:7

Ambuya kwaku imwe kwe urunji, kweni kwaku ifwe kwe abudi, ndi soni pa visku. Nge ndi msana uno, ku ŵanthu ŵaku Yuda, ku ŵakuja mu Yerusalemu ndi ku Yisraele yose, wo ŵe pafupi ndi wo ŵe kutali mu vyaru vyose mwaku vyo mukuŵadikiskiya, chifukwa cha maubendezi gho ŵakuchita kwaku imwe.

Jobu 12:6

Mahema gha ŵapoki ghepa chimangu, ndi wo ŵasosomo Chiuta ŵaja umampha, wo ŵatuza ndi chiuta wawo mu manja ghawo.

Habakuku 1:4

Dangu lagowoka, cheruzgu kuti chitenda umampha cha. Chifukwa ŵaheni ŵazinga ŵarunji, viyo cheruzgu chirutiriya kubendezgeka.

Sumu 51:4

Imwe, imwe pe, ndanangiya, ndipo cho nchiheni mu maso ghinu ndachita, viyo, murunjika pa kunderuzga ndi ambura kalema mu cheruzgu chinu.

Sumu 37:35

Ndinguwona muheni wakujikuzga ukongwa, wakuthaza nge ndi muti wa mlanji waku Lebanoni.

Zefaniya 3:5

Ambuya mukati mwawo mbarunji, kuti achita kaheni cha; mlenji wose arongo cheruzgu chawo, pa matandakucha ghe ghose kuti atondeka cha. Kweni ŵambura urunji ŵalivi soni.

Yeremiya 11:20

Kweni, Ambuya mwe, ŵa maŵanja, imwe muteruzga mu urunji; imwe mutesa mtima ndi mzimu; ndiwoneskeni thayu linu paku iwo, pakuti ndapereka kwinu mlando wangu.

Yeremiya 12:6

Pakuti chingana mbana ŵanyinu ndi mphapu ya auskemwe iwo nawo ŵachita namwe kwakupusika, ŵaliya, kwakufikapo kuliriya imwe; mungavwananga nawo cha, chingana ŵangarongoro namwe mazu ghakunozga.”

Yeremiya 5:11

Pakuti nyumba yaku Yisraele ndi nyumba yaku Yuda ŵaŵa ŵambura magomezgeka kwakufikapo kwangu, atiti Ambuya.

Jobu 13:3

Kweni nkhakambanga ku Wanthazizose, ndinweka kujivikiriya mlando wangu ndi Chiuta.

Ezra 9:15

Ambuya Chiuta waku Yisraele, imwe mwe ŵakunyoroka, pakuti tajako ifwe takutaskika, mo kulili msana wale. Wonani, tijichepeska pauronga pinu chifukwa cha matewu ghidu; palivi yumoza waziŵa kuma paurongo pinu chifukwa chaku gho.”

Hoseya 6:7

Kweni paku Adamu ŵanguswa phanganu; kwenikuwa ŵanguchita nane kwakuura magomezgeka.

Yesaya 48:8

Mulivi kuvwapo, mulivi kuviziŵapo, kutuliya ku mwaka gutu linu lilivi kujurikapo. Pakuti ndinguziŵa kuti mwatinge muchitenge mwakupusika, ndi kuti kutuliya ku kawi mungudanika ŵachigaruka.

Yesaya 41:21

Rongoni mulandu winu, atiti Ambuya; tuzgani vifukwa vinu, watiti Karonga waku Yakobe.

Nthanthi 1:32

Pakuti ŵanamana ŵabayika ndi nthowa yawo yachiwerevuli, ndipo kujikhorwa kwaŵakupusa kutuŵananga ŵeneko;

Sumu 145:17

Ambuya mbakurunjika mu nthowa zawo zose, mbalisungu mu nchitu zawo zose.

Sumu 119:137

Ndimwe akurunjika, Ambuya, ndipo marangu ghinu ngakurunjika.

Sumu 119:75

Ndiziŵa Ambuya, kuti vyeruzgu vinu vyakurunjika, mungundilanga chifukwa mwe amagomekezgeka.

Marangu 32:4

“Jarawe liya, nchitu yake njakufiskika, pakuti nthowa zake zose za urunji. Chiuta ndiyo mukongorekwa ndi wambura kalema, murumji ndi wakunyoroka.

Chiyambo 18:25

Chimuŵiyeni kutali kuchita cha viyo, kubaya ŵarunji pamoza ndi ŵaheni, kuti ŵarunji ŵayani ndi ŵaheni! Ichi chimuŵiyeni kutali! Kumbi Mweruzgi wa charu chose kuti wachitenge urunji cha?”

Nehemiya 9:33

Imwe mwaŵa ŵakongolekwa mwaku cho chatiziya ifwe, pakuti imwe mwachita kwamagomekezgeka ndipo ifwe tachita kwakunanga;

Sumu 116:5

Ambuya mbamampha ndi ŵalisungu likuru; Chiuta widu ngwa chitima.

Wakutaula 8:14

Kwe chawaka cho chichitika panu pasi, kuti ŵalipo ŵanthu ŵarunji paku ŵeniwo chituŵawiya kwakuyana ndi nchitu za ŵaheni, ndipo ŵalipo ŵaheni paku ŵeniwo chituŵawiya kwakuyana ndi nchitu za ŵarunji. Ndinguti ichi nachu so nchawaka.

Yeremiya 3:7

Ndipo ndingughanaghana kuti, ‘Watakuti wachita viyo pavuli wakaweriyanga kwangu’, kweni kuti wanguwe cha; ndipo Yuda mwana munyake phula wanguchiwona.

Yeremiya 3:20

Kwakuneneska nge ndimo muwoli wambura magomezgeka wasiriya murumi wake, viyo ndimu mwaŵiya ŵambura magomezgeka kwaku ine, Wa nyumba yaku Yisraele we, atiti Ambuya.’ ”

Yeremiya 9:2

Owe, mphanyi ndinguŵa ndi msasa wa ŵalendo mu bozwa, mwakuti ndingasiya ŵanthu ŵangu ndi kuruta kutuwako kwaku wo! Pakuti wose mbareŵi, mpingu wa ŵanthu ŵa chiŵembo.

Yeremiya 32:16

“Pavuli ndati ndapaska karata wakuguliskiyapo kwaku Baruki mwana waku Neriya, ndinguromba ku Ambuya ndinguti:

Chitenje 1:18

“Ambuya ŵemukuruwika, pakuti ŵagarukiya mazu ghawo; kweni vwani, mwa ŵanthu imwe mose, ndi teskani suzgu yangu; ŵamwali ŵangu ndi ŵanyamata ŵangu ŵaruta mu umkoli.

Ezekiele 18:25

“Ndipuuli imwe mutiti, ‘Nthowa ya Ambuya kuti njaurunji cha.’ Avwani sono, nyumba yaku Yisraele mwe: Kumbi nthowa yangu kuti njakurunjika cha? Kumbi asi nthowa zinu ndizo ziheni?

Jobu 8:17

Misisi yake yizingirizga ndundu yamya; waja mukati mu majarawe.

Jobu 24:12

Ŵabuwura kutali kubwaro kwamsumba nge ndi mubuwuru wa nyifwa, mzimu wa ŵakulasika uliriya chovyo. Ndipuuli Chiuta kuti waphwere pempho lawo cha.

Jobu 24:23

Watuŵapaska chimangu ndipo ŵakhozgeka, maso ghake ghe pa nthowa zawo.

Sumu 51:6

Ehe, imwe mukhumba uneneska wa mukati mu mtima; chifukwa ichi mundisambizge zeru mukati mwangu.

Danyele 9:14

Pa chifukwa ichi Ambuya ŵasunga soka ili ndi ŵaliŵika paku ifwe! Chifukwa Ambuya Chiuta widu ndi murunji mu nchitu zose zo wachita, ndipo kuti tavwiya mazu ghake cha.

Malaki 2:17

Mwavukiska Ambuya ndi mazu ghinu. Ndipuuli mutiti, “Taŵavukiska uli?” Pakukamba kuti, “Yose yo wachita uheni ngwamampha mu maso gha Ambuya, ndipo akondwa nayo.” Pamwenga pakufumba kuti, “Wepani Chiuta wa urunji?”