Yeremiya 11:4 - Tonga Bible 1986

⁴ lenilo ndingulanguliya auskemwe pa nyengo yo ndinguŵatuzgiya mu charu cha Egipiti, kutuwa mu ng'anjo ya chisulo, ndinguti, Tegherezgani ku mazu ghangu, ndipo chitani chose cho nditumulanguliyani. Po ndipo mukaŵanga ŵanthu ŵangu, ndipo ine ndikaŵanga Chiuta winu,

Yeremiya 11:4 Referans Kwoze

Marangu 4:20

Kweni Ambuya amutoni ndi kumutuzgani, mu Egipiti, nge ndi mu ng'anjo ya chisulo kuti muŵe ŵanthu ŵapa mtima wake mo mulili zuŵa ili.

ŴaLevi 26:12

Ndikayendanga mukati mwinu, ndikaŵanga Chiuta winu, ndipo imwe mukaŵanga ŵanthu ŵangu.

2 ŴaKorinte 6:16

Ndipo ndine yanu lapa kasopi waku Chiuta ndi vyangoza? Chifukwa ndifwe kasopi waku Chiuta wamoyo; nge ndimo Chiuta wanene, “Nkhajariyanga mwaku wo, ndipo nkhendeyanga mwaku wo, ndipo nkhaŵanga Chiuta wawo, ndipo iwo ŵakaŵanga khamu langu.

Zekariya 8:8

ndizenge nawo ndipo ŵajenge mukati mu Yerusalemu; ŵaŵenge ŵanthu ŵangu, Ine ndiŵenge Chiuta wawo, mu uneneska ndi mu urunji.”

Yeremiya 24:7

Ndikaŵapaskanga mtima wakuziŵa kuti ine ndine Ambuya; ndipo ŵakaŵanga ŵanthu ŵangu, ine ndikaŵanga Chiuta wawo, pakuti ŵakaweriyanga kwangu ndi mtima wawo wose.

1 ŴaKaronga 8:51

(chifukwa ndi khamu linu mbanthu ŵinu wo munguŵatuzga mu charu cha Egipiti, mukati mu ng'anjo ya chisulo).

Zekariya 13:9

Ndipo ndiŵikenge chigaŵa chachitatu ichi mu moto, ndi kuchisongono mo munthu wasongonore siliva, ndi kuchesa mo golide liteseke. Ŵadanange zina langu, ndipo ndiŵamukenge. Ndinenenge kuti, ‘Mbanthu ŵangu’; ndipo ŵanenenge kuti, ‘Ambuya ndi Chiuta widu.’ ”

Ezekiele 37:23

Kuti ŵakajikazuzganga ndi ŵangoza ŵawo nanga ndi vinthu vya maunyakazi ghawo so cha, pamwenga ndikanthu kose ka majumphu ghawo, kweni ndiŵataskenge mu vyakuwerevuli vyawo vyose mwaku vyenivyo ŵananga, ndikaŵaphotonga; ŵakaŵanga ŵanthu ŵangu, ndipo ine ndikaŵanga Chiuta wawo.

Ezekiele 36:28

Mukajanga mu charu cho ndingupaska auskemwe, mukaŵanga ŵanthu wangu ndipo ine ndikaŵanga Chiuta winu.

Ezekiele 14:11

Alinga kuti nyumba yaku Yisraele yireke kupatukako so kwangu, nanga nkhujikazuzga so ndi uchikanamarangu wowo wose, kweni kuti ŵaŵe ŵanthu ŵangu ndipo ine ndiŵe Chiuta wawo, atiti Ambuya Chiuta.”

Ezekiele 11:20

mwakuti ŵendenge mu virunguchizgu vyangu, kusunga ndi kuvwiya malangulu ghangu; ŵakaŵanga ŵanthu ŵangu, ndipo ine ndikaŵanga Chiuta wawo.

Yeremiya 30:22

Imwe mukaŵanga ŵanthu ŵangu, ine ndikaŵanga Chiuta winu.”

Yeremiya 26:13

Chifukwa ichi sinthani nthowa zinu ndi machitidu ghinu, ndi vwiyani mazu gha Ambuya Chiuta winu; ndipo Chiuta wakarekanga kuchita chiheni cho wakukamba paku imwe.

Marangu 11:27

Thumbiko, asani muvwiya marangu gha Ambuya Chiuta winu ghenigho ndakulanguliyani zuŵa lino.

ŴaLevi 26:3

“Asani muvwenge malangulu ghangu ndi kuphwere marangu ghangu kughachita,

Chiyambo 17:8

Ndipo nkhapaskanga kwako, ndi ku mphapu zako za pavuli pako, charu chakutandaramo kwinu, charu chose cha Kanani, kuŵa chihara cha muyaya; ndipo ndikaŵanga Chiuta wawo.”

ŴaHebere 5:9

ndipo wanguti wafiskika wanguŵaŵiya wose ŵakumvwiya chata wa utaski wamuyaya;

Mateyu 28:20

ŵakuŵasambizga kuroreze vyose vyo ndalanguliya imwe: ndipo onani, ine nde namwe mazuŵa ghose mpaka ku umari wa mgonezi wo.”

Zekariya 6:15

“Wo ŵe kutali ŵakazanga ndi kovya kuzenga nyumba ya Ambuya; ndipo mukaziŵanga kuti Ambuya ŵa maŵanja andituma kwaku imwe. Ndipo ichi chichitikenge nadi, asani mukavwiyanga ndi phamphu mazu gha Ambuya Chiuta winu.”

Ezekiele 37:27

Malo ghangu ghakujamo ghakaŵanga ndi iwo; iwo ŵakaŵanga ŵanthu ŵangu, ndipo ine ndikaŵanga Chiuta wawo.

Yeremiya 32:28

Chifukwa cho, Ambuya atiti: Ehe, ndipaska msumba uwu mu manja gha ŵaKaldiya ndi mu janja laku Nebukadanezara karonga wa Babiloni, ndipo wakautonga.

Yesaya 48:10

Ehe, ndakusongononi, kweni uli ndi siliva cha; ndamwesani mu ng'anjo ya suzgu.

1 Samuele 15:22

Samuele wanguti, “Kumbi Ambuya ŵendi likondwa likuru mu mipasku yakocha ndi zisembe, nge ndimo aliri nalo mu kuvwiya mazu ghawo? Ehe, kuvwiya nkhwamampha kuruska sembe, kutegherezga kuruska mafuta gha viphongo.

Chituwa 20:6

kweni nde wakuchitiya lisungu ku vikwi vya ŵanthu wo ŵatindanja ndi ŵasunga marangu ghangu.

Yesaya 30:6

Vyakukambika vyapa nyama za mdodo zaku Negebu. Kuporota mu charu cha suzgu ndi chitima, kweniko kutuwa nkharamu, yinthukazi ndi yinthurumi, chipiriri ndi njoka yakuphururuka, vipinga mausambasi ghawo pa misana ya zimbunda, ndi vyuma vyawo pa magonyo gha ŵagamila, kuya ku ŵanthu wo ŵangaŵanduliya kanthu cha.

Yeremiya 11:7

Pakuti ndinguŵachenjezga auskemwe, pa nyengo yo ndinguŵatuzgiya mu Egipiti; kuŵachenjezga kaŵi, inya mpaka zuŵa lino, kuti, Vwiyaninga mazu ghangu.

Yeremiya 38:20

Yeremiya wanguti, “Kuti ukapaskikanga kwaku wo cha. Uvwiye mazu gha Ambuya mwaku vyo ndikamba nawe,

Danyele 3:26

Viyo Nebukadanezara wangundere ku khomo la ng'anjo ya mlipu wa moto, wangudanirizga, “Shadreke, Mesheke, Abedenego, mwaŵateŵeti ŵaku Chiuta wapachanya ukongwa, tuwani ruŵi ndi muzi kuno!” Viyo Shadreke, Mesheke, ndi Abedenego ŵangutuwa mu moto.

Marangu 5:6

“ ‘Ndine Ambuya Chiuta wako, yo wakutuzga mu charu cha Egipiti, mu nyumba ya uŵanda.

2 ŴaKaronga 18:6

Pakuti iyo wangumeremete ukongwa ku Ambuya, wengavi kutuwako kukulondo iwo, kweni wangusunga marangu gho Ambuya angulanguliya Mosese.