Yeremiya 11:21 - Tonga Bible 1986

²¹ Chifukwa cho atiti Ambuya gha pa ŵanthu ŵaku Anatoti, ŵeniwo ŵapenja kukubayani, ndi kuti, “Ungachimanga mu zina la Ambuya cha, vinu tingakubaya.”

Yeremiya 11:21 Referans Kwoze

Amosi 2:12

“Kweni ŵaNaziri munguŵamweska vinyo; ndi mungulanguliya ŵamchimu kuti, ‘Mungachimanga cha.’

Yeremiya 20:10

Pakuti ndituvwa ŵanandi ŵatokotezga. “Mantha ghe mu malo ghose! Musumuweni! Tiyeni timusumuwe!” Ndimu ghakambiya mabwezi ghangu ghose ghakuziŵirizgana nagho, ŵakulindizga kuwa kwangu. “Akhumba wakapusikikanga, penipo ndipo tingaziŵa kumupunda, ndi kumutayiya thayu lidu.”

Yesaya 30:10

ŵeniwo ŵakamba ku ŵakuwona, “Rekani kuwona”; ndi ku ŵamchimi, “Mungatichimiyanga cha ifwe cho nchakurunjika; kambani nafwe vinthu vya koloŵa, chimani vyautesi,

Luka 4:24

Ndipo wanguti, “Nadidi ndinene imwe, Palive mchimi wamarondeka mu charu cha kwake.

Mateyu 22:6

ndipo ŵakujapo ŵanguŵako ŵaŵanda ŵake, ŵanguŵachitiya uheni, ndi ŵanguŵabaya.

Mateyu 21:35

ŵalimi wo ŵanguko ŵaŵandaŵake, ŵangumpuma yumoza, munyake ŵangupong'a mya.

Mateyu 10:21

Ndipo mbali wapachiyenge mbali ku nyifwa, ndi wiske mwana: ndipo ŵana ŵayukiyenge pa ŵapapi, ndi ŵaŵabayiskenge.

Mika 7:6

pakuti mwana munthurumi wayuyuwa awiske, mwana munthukazi wayuyuwa anyina, mukumwana wayukiya apongozi ŵake; ŵarwani ŵa munthu mbanthu ŵa mu nyumba yake.

Yeremiya 26:8

Ndipo penipo Yeremiya wanguti wamara kukamba vyose vyenivyo Ambuya angumulanguliya ku ŵanthu, ŵazukuru, ndi ŵamchimi, ndi ŵanthu wose ŵangumuko, ŵanguti, “Ukafwanga!

Yeremiya 1:1

Mazu ghaku Yeremiya mwana waku Hilikiya, yumoza wa ŵazukuru wo ŵenga mu Anatoti mu charu chaku Benjamini.

Yeremiya 32:7

Ehe, Hanamele, mwana waku Shalumu misimbweni wako, wakazanga kwaku iwe ndi kukamba kuti, ‘Gula munda wangu wo we pa Anatoti, pakuti nthazi yakuwombole kungula njako.’

Yeremiya 34:20

ndikaŵaperekanga mu janja la ŵakupindikana ŵawo ndi mu janja laku ŵeniwo ŵapenja kuŵabaya. Viŵanda vyawo virghikenge ndi viyuni vya mude ndi vinyama vya charu chapasi.

Yeremiya 1:19

Ŵakarwananga nawe kweni kuti ŵakakupundanga cha pakuti ine nde nawe pamoza kukupozomoska,” atiti Ambuya.