Yeremiya 11:19 - Tonga Bible 1986

¹⁹ Kweni ndenga nge ndi mberere yakuzika yakurongozgeke kukubayika. Ndengavi kuziŵa kuti chenga paku ine ŵangupangirana machitidu gha chiŵembo pa mutu wangu, ŵakuti, “Tiyeni tiphwanye chimuti ndi chipasi chake, tiyeni timudumuweko ku charu cha ŵamoyo, mwakuti zina lake lireke kukumbukika so cha.”

Yeremiya 11:19 Referans Kwoze

Yeremiya 20:10

Pakuti ndituvwa ŵanandi ŵatokotezga. “Mantha ghe mu malo ghose! Musumuweni! Tiyeni timusumuwe!” Ndimu ghakambiya mabwezi ghangu ghose ghakuziŵirizgana nagho, ŵakulindizga kuwa kwangu. “Akhumba wakapusikikanga, penipo ndipo tingaziŵa kumupunda, ndi kumutayiya thayu lidu.”

Yeremiya 18:18

Sono iwo ŵanguti, “Tiyeni, timuchitiye vya chiŵembo Yeremiya, pakuti dangu kuti likamaranga cha ku mzukuru, chingana ndi fundu ku wazeru, chingana ndi mazu kutuwa ku mchimi. Tiyeni, timupume ndi lilime, ndipo tireke kuphwereko mazu ghake chingana ngamoza.”

Sumu 83:4

Ŵatiti, “Zaninga, tiyeni tiparghang'e mtundu wawo, alinga kuti Yisraele wareke kukumbukika muyaya!”

Sumu 31:13

Inya, ndituvwa muhihitu wa ŵanandi mantha ghe kose kose! Mo ŵaungirana pamoza upu paku ine, ndi kupangana chiŵembu kundibaya.

Jobu 28:13

Munthu kuti waziŵa cha nthowa yakurutiyako, ndipo kuti yisanirika cha mu charu cha ŵamoyo.

Sumu 27:13

Ndivwana kuti ndikawonanga vyamampha vya Ambuya mu charu cha ŵamoyo!

Maŵerengedu 1:14

waku Gadi, Eliasafa mwana waku Daguole;

Yesaya 38:11

Ndinguti, kuti ndiwonenge Ambuya cha mu charu cha ŵamoyo; kuti ndikalereskanga so pa munthu cha mukati mu ŵakuja mu charu.

Yesaya 32:7

Mauthyanithyani gha muthyanithyani nkhulakwa; watata vipangu vya utimbanizi, kubwanganduwa ŵasauchi ndi mazu gha utesi, chingana makani gha msokwa ghangarunjika.

Nthanthi 10:7

Chikumbusku cha murunji ndi thumbiku, kweni zina la wamphulupulu likavundanga.

Nthanthi 7:22

Mbwenu ruŵi-ruŵi watimurondo, uli ndi ng'ombe yitiya kukubayika, pamwenga uli ndi nyama yakoleka kwakufyeka

Sumu 116:9

Ndi viyo nditenda paurongo pa Ambuya mu charu cha ŵamoyo.

Sumu 109:13

Mphapu yake yose yakuza kuvuli yifwe, ndipo mu mgonezi wo utuza zina lake liruwike.

Danyele 9:26

Ndipo pavuli pa ŵasabata machumi ghankhonde ndi limoza pachanya ŵaŵi (62) wakupakika yo walikhikenge, ndi wakaŵangavi kanthu; ndipo ŵanthu ŵa karonga ŵatuza ŵabwanganduwenge msumba ndi malo ghakupaturika; umari wake ukazanga ndi zandi, ndi ku umari kwake kuŵenge nkhondo; maphasulu ghalangulika.

Sumu 142:5

Ambuya, ndiliriya kwaku imwe; Ambuya, imwe, mwe chakudingang'amo changu; phande langu mu charu cha ŵamoyo.

Sumu 112:6

Munthu wamampha kuti wakatondekanga cha, ndipo kuti wakaruwikanga cha muyaya.

Sumu 52:5

Kweni Chiuta wakakubwanganduwanga muyaya; wakwamphuwenge ndi kukuparuwa mu hema lako; wakakuzuwangamo mu charu cha ŵamoyo.

Sumu 35:15

Kweni pakuguŵa kwangu ŵanguwungana kundiseka, ŵanguwungana pamoza kumikana nane; ŵakupunduka ŵeniwo kuti ndinguŵaziŵa cha ŵangundikambiya utesi kwambura kurekezga;

Yeremiya 26:8

Ndipo penipo Yeremiya wanguti wamara kukamba vyose vyenivyo Ambuya angumulanguliya ku ŵanthu, ŵazukuru, ndi ŵamchimi, ndi ŵanthu wose ŵangumuko, ŵanguti, “Ukafwanga!

Chitenje 3:60

Mwaziwona nduzga zawo zose, ndi kundiyukiya kwawo kose.

Ezekiele 32:24

“Elamu we kwenikuwa, ndi mpingu wake wose muunda wake zingirizgi; wose mbakubayika, ŵakuwa ndi lipanga, wo ŵakusikiya kusi kwa charu ŵambura kuchinjika, wo ŵangutenthemeska ŵanyawo mu charu cha ŵamoyo, sono ŵanyamuwa soni zawo pamoza ndiwo ŵasikiya ku Zenje.

Nthanthi 24:15

Ungabisamanga kuŵeramiya cha uli ndi munthu wamphulupulu yo waŵeramiya wakurunjika; ungachitanga nkhaza ku nyumba yake cha,

Yeremiya 1:19

Ŵakarwananga nawe kweni kuti ŵakakupundanga cha pakuti ine nde nawe pamoza kukupozomoska,” atiti Ambuya.

Hoseya 9:8

Mchimi ndi mlonda waku Efraimu, ŵanthu ŵaku Chiuta wangu, kweni chiŵana cha wakuthya che mu nthoŵa zake zose, ndi kutinkha mu nyumba yaku Chiuta wake.