Yeremiya 11:16 - Tonga Bible 1986

¹⁶ Kale Ambuya angumudanani imwe, ‘Muti uŵisi wa Olive, wamampha wa vipasi vyamampha;’ kweni ndi chibumuzi cha lirondo likuru wakasonkhangako moto kwaku wo, ndipo mphanda zake zikapiriyanga.

Yeremiya 11:16 Referans Kwoze

Yesaya 27:11

Zititi zamira mphanda zake, zifyoka, ŵanthukazi ŵatuza kuzachidewa nkhuni za moto. Pakuti yaŵa mbanthu ŵambura kuteska, chifukwa cho wakiŵalenga yo kuti wakaŵanga nawo ndi lisungu cha, mweniyo wanguŵaumba kuti wakaŵarongonga wezi so cha.

Sumu 52:8

Kweni ine nde nge ndi muti wa olive wakubiliŵira mu nyumba yaku Chiuta. Ndigomekezga mu chifundu chaku Chiuta muyaya ndi muyaya.

Sumu 80:16

Ŵamawongo ŵidu ŵayocha ndi moto ndi kudumuliya pasi; muŵalereske ndi ukari ndipo muŵaparghang'e!

Yohane 15:6

Asani munthu wareka kujaririya mwaku ine, wapong'eka kubwaro nge ndi mphanda, wamira; ndipo ŵaunjika mphanda zo, watizipong'a mu moto, ndipo zitocheka.

Mateyu 3:10

Ndipo sono nako mbavi yajikika ku nkhorozu za miti, chimuti chose chakureka kupasa vipasi vyeneko chitemeka ndipo chipong'eka mu moto.

Yeremiya 21:14

Ndikamulanganinga kwakuyana ndi nchitu zinu, atiti Ambuya; ndikakozganga moto mu lisuwa lake, ndipo ukananganga vyose vyenivyo vikumzingiliya iyo.”

Sumu 83:2

Alereskani, ŵarwani ŵinu ŵemu chivurupi, ndipo ŵo ŵatinkha imwe ŵagaruka.

Chivumbuzi 11:4

Yaŵa ndi maolive ghaŵi ndi malimbuni ghaŵi, gho ghatuma paurongo pa Mbuya wa panupasi.

Marangu 28:40

Mukaŵanga ndi miti ya maolive mu charu chinu chose, kweni kuti mukatukutizganga mafuta ghake cha, chifukwa vipasi vya maolive ghinu vikapururukanga.

Jobu 8:16

Watuŵa muŵisi pa kwe lumwe, mphanda zake zitandazgikiya pa munda wake wose.

Yeremiya 7:20

Chifukwa cho atiti Ambuya Chiuta; Ehe, kukwiya kwangu ndi ukari wangu vikapungulikiyanga pa malo yagha, pa munthu ndi nyama, pa miti yamu minda ndi chipasi chapa nyata. Vikawochekanga ndipo kuti vikazimwikanga cha.”

Hoseya 14:6

Mphanda zake zitambarukenge; kutowa kwake kuŵenge nge nkhwa maolivi, ndi kununkhira kwake nge ndi Lebanoni.

Sumu 80:17

Ŵanthu wo mwasankha muŵakhozge ndi kuŵavikiriya, mtundu wo mukuwukuzga ndi nthazi!

Yeremiya 2:21

Kweni ine ndingumupandani mwa mphereska yamampha, mbeu yambura kwanangika. Na mwang'anamuliyanji kaŵiro kinu ndipo mwaŵa mphereska yamu dondo?