Yeremiya 10:8 - Tonga Bible 1986

⁸ Mbakupusa ndi ŵazereza, kusambizga kwa ŵangoza nchimuti pe!

Yeremiya 10:8 Referans Kwoze

Zekariya 10:2

Pakuti ŵangoza ŵakamba vyawaka, ndi ŵamawula ŵawona utesi; ndi ŵakulota ŵakamba maloto gha utesi, ndi kusangaruska ŵaka. Chifukwa ichi ŵanthu ŵayinga-yinga ŵaka nge ndi mberere; ŵasuzgika chifukwa ŵalivi muliska.

Yeremiya 10:14

Munthu yose ngwakupusa ndi wambura chinjeru; ŵangoza ŵalengeska misiri wakuŵapanga, pakuti vikozgu vyake vya utesi, mulivi mvuchi mwaku wo.

Habakuku 2:18

Kumbi chikozgo chakusema chitanduwa chine pa wachichita wakusema, chikozgo chakusongono, musambizgi wa mautesi? Chifukwa wakupanga wagomekezga mwaku cho wachipanga, penipo wapanga ŵangoza ŵambuwu!

Yesaya 44:19

Palivi yumoza wakughanaghana, chingana nkhuti pe zeru pamwenga kuteska kunena kuti, “Chigaŵa chimoza ndinguwocha pa moto, ndipo ndinguwocha chiŵande pa maka ghake, ndinguwocha nyama ndipo ndargha ndipo kumbi ndichitenge vyakujapo vyake kuŵa ukazuzi? Kumbi ndikajikamiyanga paurongo pa muti?”

Yesaya 41:29

Ehe, wose mbatesi; nchitu zawo zawaka ŵangoza ŵawo ŵakwenguwa ndi mphepo yiyumu.

Sumu 135:18

Wose ŵakuŵapanga ndi ŵakugomekezga mwaku wo, ŵaŵe nge mbangoza wo ŵapanga!

Sumu 115:8

Wo ŵati ŵapanga ŵakozgana nawo; viyo so ndimo waliri yose wakugomekezga mwaku wo.

Yeremiya 4:22

“Pakuti ŵanthu ŵangu mbakupusa kuti ŵatindiziŵa cha; mbana ŵakupusa, ŵalivi kuwamo. Mbakuchenje mu kuchita uheni, kweni kuchita umampha kuti ŵaziŵa cha.”

Yeremiya 2:27

Weniwo ŵatiti ku muti, ‘Ndiwe ada,’ ndi ku mwa, ‘Ndiwe ungundibala.’ Pakuti ŵang'anamuliya msana wawo kwangu, chisku chawo cha. Kweni mu nyengo ya suzgu yawo, ŵatiti, ‘Sokani mutitaske!’

Hoseya 4:12

Ŵanthu ŵangu ŵafumba fundu ku chimuti, ndipo ndodo yawo yitiŵakonkhoske. Chifukwa mzimu wa ureŵi waŵarandizga, ndipo ŵareka Chiuta wawo chifukwa ŵakhumba kuchita ureŵi.

Yesaya 44:18

Kuti waziŵa cha, chingana nkhuti wateska cha, pakuti wajara maso ghawo, alinga waleke kuwona, ndi zeru yawo, alinga ŵaleke kuwamo.

Yeremiya 3:9

Chifukwa kuchita ureŵi kwaku iyo chenga chinthu chipusu, wangukazuzga charu pakuchita ureŵi ndi mwa ndi muti.

Yeremiya 5:4

Viyo ine ndinguti, “Yaŵa mbakusauka, ŵalivi chinjeru; pakuti kuti ŵaziŵa cha nthowa ya Ambuya, dangu laku Chiuta wawo.

Yona 2:8

Wo ŵaphwere vyangoza vya utesi, ŵataya kujithereska kwawo kwakuneneska.