Yeremiya 10:25 - Tonga Bible 1986

²⁵ Punguliyani ukari winu pa mitundu yeniyo yireka kumuziŵani imwe, ndi pa ŵanthu wo kuti ŵadana pa zina linu cha, pakuti ŵamuzwanduwa Yakobe; ndi kumurgha, ndipo ŵapopeska charu chake.

Yeremiya 10:25 Referans Kwoze

Yeremiya 8:16

“Kututa kwakukoroma kwa ŵakavalo ŵawo kuvwika kutuwa mu Dani, pakuvwa kuliya kwa ŵakavalo ŵanthurumi charu chose chiyaghayika. Ŵatuza kunanga charu ndi vyose, vyakuzaza mwaku cho, muzi ndi wose ŵakuja mwaku wo.

Sumu 14:4

Kumbi wareka kuziŵa, wose ŵakuchita utimbanizi wo ŵaturgha ŵanthu ŵangu ulaka nge ndimo ŵarghiya chiŵande, ndipo kuti ŵadana ku Ambuya cha?

Jobu 18:21

Kwakuneneska uku ndiku kuja kwa ŵambura kopa Chiuta, yagha ndigho malo gha ŵambura kuziŵa Chiuta.”

2 ŴaTesalonika 1:8

wachitayiya thayu pa ŵakuura-kuziŵa Chiuta, ndi ku ŵakureka-kuvwiya evangeli wa Ambuyafwe Yesu.

1 ŴaTesalonika 4:5

mu ulakalaka wa likhumbira cha, nge ndi mitundu yakuura kumziŵa Chiuta;

Zekariya 1:15

Ndipo nditundiya ukongwa ndi mitundu yakufwasa; chifukwa penipo ndingukaripa kamanavi, iwo ŵangurutizga suzgu.

Zefaniya 1:6

ndi wo ŵawere vuli kutuwako kwa Ambuya, kuti ŵatuŵapenja Ambuya cha chingana nkhuŵafumba iwo.”

Yeremiya 50:17

“Yisraele ndi mberere yakupenjeka yo yadikiskika ndi zinkharamu, Pakudanga karonga wa Asiriya wangumuparuwa, ndipo sono pa umari Nebukadanezara karonga wa Babiloni waphwanya viwanga vyake.

Yeremiya 50:7

Wose wo ŵanguŵasaniya ŵanguŵaparuwa, ndipo ŵakupindikana ŵawo ŵanguti, ‘Ifwe tilivi kafukwa, pakuti iwo ŵakulakwiya Ambuya, uja wawo weneko, Ambuya, wo nchigomekezgu cha auskeu,’ kwamphuwanga ŵakakhorwanga, atiti Ambuya.

Sumu 27:2

Ŵachindifikiya ŵakuchita uheni kuzachindikambiya mautesi, ŵakupindikana nane ndi ŵamawongo, ŵakaguŵanga ndikuwa.

1 ŴaKorinte 15:34

Yukiyani ku urunji, ndi kuti mungalakwa cha; chifukwa ŵanyake mbajira mu kumuziŵa Chiuta; ndikamba namwe ichi alinga kuti mulengeke lilengu.

Machitidu gha Ŵakutumika 17:23

“MwaŵaAthene, ndiwona kuti mwaku vyose mwe ŵakusopa ukongwa, chifukwa ndichisorotapo ndi kuthoŵa vyo musopa ndingusaniya chisoperu nacho, po pangulembeka, ‘Kwaku Chiuta Wambura Kuziŵikwa.’ Viyo mweniyo musopa mwambura kumziŵa, ine ndikutauliyani iyo.

Yohane 17:25

Ada ŵarunji, charu kuti chakuziŵani imwe cha, kweni ine ndakuziŵani; ndipo ŵenaŵa ŵaziŵa kuti imwe mwandituma.

Zefaniya 3:8

“Viyo ndilindizgeni,” atiti Ambuya, “mpaka zuŵa lo nkhaŵiyanga nge ndi kaboni. Chifukwa ndaŵika mtima wangu pakuwungang'a mitundu ya ŵanthu, kuwunjika ŵakaronga, kuti ndipunguliye pawo kundundu kangu, chifundizi chose cha ukari wangu; chifukwa mu moto wa kandundu kangu ka sanji charu chose chazamukufya.

Chitenje 2:22

Mungudana ulaka mpha zuŵa ladghera lakutemeka, ŵakundofya zingirizgi; ndipo pa zuŵa la ukari la Ambuya pengavi wakuthaŵa pamwenga wakujapo wamoyo; ŵeniwo ndingupakata ndi kuŵalera ŵakupindikana ŵangu ŵaŵamara wose.

Yesaya 64:7

Palivi mweniyo wadana pa zina linu, wakujipamphuska kumukoreskani imwe; pakuti mwabisa chisku chinu kwaku ifwe, ehe, mwatipereka mu janja la mphutupuru zidu.

Yesaya 43:22

“Kweni kuti ungudana paku ine cha Yakobe we; inya wavuka nane, Yisraele we!

Chivumbuzi 16:1

Ndinguvwa mazu ghakuru kutuwa mu kasopi yo, ghenigho ghakambanga ndi ŵangelo wo ŵankhonde ndi ŵaŵi, “Kaninga, kapunguliyeni pa charu chapasi mbali zo nkhonde ndi ziŵi za kandundu kaku Chiuta.”

Sumu 69:24

Ukari winu punguliyani paku iwo, ndipo ufyu wa kandundu kinu uŵasaniye.

Sumu 147:20

Walivi kuchita ichi ku mitundu yinyake; kuti ŵaziŵa cha malangulu ghake. Rumbani Ambuya!

Yesaya 9:12

ŴaSiriya kuchiri ku vuma ndi ŵaFilisti kuchiri ku zambwe, kumeza Yisraele ndi mlomo wakuyasama. Mu chifukwa ichi kukara kwake kulivi kuwezgeka janja lake leche kutambaruka.

Yeremiya 11:1

Mazu gho ghanguza kwaku Yeremiya kutuwa ku Ambuya:

Yeremiya 30:16

Chifukwa cho wose wo ŵatikuphwanya ŵakaphwanyikanga, ndipo ŵakupindikana ŵako wose, yumoza ndi yumoza ŵakarutanga mu uŵanda wo ŵatukuskoŵa ŵakaskoŵekanga, ndipo wose wo ŵatukurgha ndikaŵachitanga kuti nawo ŵarghike.