Yeremiya 10:19 - Tonga Bible 1986

¹⁹ Owe soka ine chifukwa chakupwetekeka kwangu! Bala langu ndachitima. Kweni ndinguti, “Kwakuneneska ili ndi yuzgu, nditenere kukunthiyapo.”

Yeremiya 10:19 Referans Kwoze

Mika 7:9

Nkhakunthiyangapo kandundu ka Ambuya chifukwa ndaŵanangiya, mpaka andikambiye mlando wangu, ndi kunderuzga. Akanditoriyanga ku ukweru; nkhawonanga utaski wake.

Yeremiya 14:17

Iwe uŵakambiyenge mazu yagha; ‘Usiku ndi msana maso ghangu ghasuruwe masozi, ghareke kukamuka, pakuti mwana munthukazi wa ŵanthu ŵangu wapwetekeka ndi bala likuru, ndi kupumika kuzitu.

Yeremiya 4:31

Pakuti ndavwa kuliya uli nkhwa munthukazi yo we mukupapa, kuŵaŵa nge nkhwaku yo wapapa mwana wake wa umwali, kuliya kwa ŵanthu ŵaku Zioni ŵayatuka, ŵatambaruwa manja ghawo, ŵatiti, “Owe ifwe tiyatuka paurongo pa ŵakubaya.”

Sumu 39:9

Nde mbuwu, kuti ndibanuwa mlomo wangu cha; chifukwa imwe ndimwe mukuchichita.

Chitenje 3:48

maso ghangu ghapopoma masozi chifukwa chakupasuka kwa ŵanthu ŵangu.

Chitenje 1:2

Uliya kwakuŵala ndi usiku, masozi pa matama ghake. Mu ŵakwanjiwa ŵake wose palivi nanga njumoza, waku wusangaruska; mabwezi ghake ghose ghaŵa ghakumutinkha, ghasanduka ŵamawongo ŵake.

Yeremiya 17:13

Ambuya mwe, gomezgu laku Yisraele, ndakuti, wose wo ŵatikujowoni ŵakalengeskekanga; wo ŵarekana namwe ŵakalembekanga mu charu chapasi, pakuti ŵajowo Ambuya, wo nchisima cha maji gha umoyo.

Yeremiya 9:1

Aha, mphanyi mutu wangu wenga maji, ndi maso ghangu chisima cha masozi alinga kuti ndiliye msana ndi usiku chifukwa cha ŵakubayika ŵa ŵanthu ŵangu!

Yeremiya 8:21

Mtima wangu walasika, chifukwa cha bala la ŵanthu ŵangu, nditenje, ndipo mantha ghandizinga.

Yeremiya 4:19

Kuŵaŵa kwangu, kuŵaŵa kwangu, ndikunkhuwa mu kuŵaŵa! Owe, vimati vya mtima wangu! Mtima wangu upuma mwakofya kuti ndingaja chisisi cha; pakuti ndituvwa kuliya kwa mbata kumemeza kwa nkhondo.

Yesaya 8:17

Ndikarindizganga Ambuya, wo abisa chisku chawo ku nyumba yaku Yakobe, ndipo ndikagomekezganga mwaku iwo.

Sumu 77:10

Pavuli ndinguti, “Cho chitindipweteka weniukongwa nchakuti Chiuta kuti ngwanthazi so cha.”

Yeremiya 14:7

“Chingana mautimbanizi ghidu ghatitisimika, tovyeni, Ambuya, chifukwa cha zina linu; pakuti kutondeka kwidu kwaŵa kukuru, talakwiya imwe.