Yeremiya 10:12 - Tonga Bible 1986

¹² Iyo ndiyo wangulenga charu ndi nthazi yake, mweniyo wakujarika charu mu vinjeru vyeke, ndipo ndi kuwamo kwake wangutambaruwa machanya.

Yeremiya 10:12 Referans Kwoze

Jobu 9:8

ndipo yija wangutandazga mitambo ndi wangukanda pa mayigha gha nyanja;

Chiyambo 1:1

Mu chiyambo Chiuta wangulenga kuchanya ndi charu chapasi.

Nthanthi 3:19

Ambuya ndi zeru angumika charu; ndi kuwamo angujulika machanya,

Yesaya 40:22

Ndi mweniyo waja pachanya pa nkhata ya charu chapasi, ndipo ŵakujamo ŵake ŵe nge mba phanana; mweniyo watambaluwa machanya nge nchivwinkhu, ndipo watighatandika uli ndi hema la kujamo;

ŴaKolose 1:16

Pakuti mwaku iyo vingulengeka vinthu vyose, vya kuchanya ndi vyapa charu, vyakuwoneka ndi vyambura kuwoneka, pamwe vitengu vyaufumu, pamwe maumbuya, pamwe maufumu, pamwe mitufu; vyose vyo vikulengeke mwaku iyo, ndi kwaku iyo.

Yohane 1:3

Vyose vingulengeke mwaku iyo; ndipo kwambura iyo kuti kangulengeka cha chingana nkhanthu kamoza ko kaŵapo.

Sumu 24:2

chifukwa iyo wakuchijarika pa zinyanja, ndi kuchimiska pa misinji.

Zekariya 12:1

Mazu gha Ambuya ghakunena Yisraele: Viyo atiti Ambuya, wo akutandika machanya ndi kuŵika chiŵanja cha charu chapasi, ndipo angulenga mzimu mukati mwa munthu:

Yeremiya 32:17

‘Owe Ambuya Chiuta! Ndimwe mukwata machanya ndi charu chapasi ndi nthazi yinu yikuru ndi janja linu lakutambaruka! Palivi cho nchinonono kwaku imwe.

Yeremiya 10:13

Ŵachituzga mazu ghake maji ghachita chiwawa kuchanya, ndipo wakwezga nyankhuŵinda ku vigoti vya charu chapasi. Malimphezi ghachiska vuwa, ndipo watuzga mphepo mu mbiku zake.

Yesaya 49:8

Viyo atiti Ambuya, “Mu nyengo ya mwaŵi ndakwamuka iwe, mu zuŵa la utaski ndakovya ndakusunga iwe ndakupaska nge ndi phanganu ku ŵanthu kujarika charu, kugaŵa vihara vya mapopa;

Yesaya 48:13

Janja langu linguchita chiŵanja cha charu chapasi, ndipo janja langu lamarghe lingutandika machanya; ndichighadana, ghanguza ndi kuma pamoza.

Yesaya 45:18

Pakuti viyo atiti Ambuya, mweniyo wangulenga machanya (ndiyo Chiuta), mweniyo wangwata charu chapasi ndi wanguchita (wanguchikhozga; kuti wanguchilenga chakutimbanizgika cha, wanguchichitiya kujamo!): “Ndine Ambuya, palivi munyake.

Yesaya 45:12

Ndinguchita charu chapasi, ndipo ndingulenga munthu paku cho; ndi manja ghenigho ghangutambaruwa machanya, ndipo ndingulangula maŵanja ghawo ghose.

Yesaya 44:24

Viyo ndimu atiti Ambuya, Muwombozi winu, yo wangumuumbani kutuwa ku chibali: “Ndine Ambuya, mweniyo wangulenga vinthu vyose, yo yija pe wangutambaruwa machanya, yo wangutandika charu chapasi yo wenga nani pamoza njani?

Yesaya 42:5

Viyo ndimu wakambiya Chiuta, Ambuya, mweniyo wangulenga machanya ndi kughatambaruwa, mweniyo wangutandika charu chapasi ndi vyo vituwa mwenimo, yo wapaska mvuchi ku ŵanthu wo ŵaja penipo ndi mzimu kwaku wo ŵatenda mwenimo:

Sumu 104:24

Ambuya, mwachita vinthu vinandi ukongwa! Ndi zeru yinu mwachita ivi vyose! Charu chapasi chazaza ndi vyose imwe mwalenga.

Sumu 33:6

Pa mazu gha Ambuya machanya ghanguchitika, ndipo ndi mvuchi wa mlomo wawo maliŵanja ghake ghose ghanguŵapo.

Nthanthi 30:4

Njani wangukwere kuchanya ndi kusikiya pasi? Njani wakufumbatiya mphepo mu janja lake? Njani wakuvungiya maji mu chivwaru chake? Njani wakujarika vigoti vyose vya charu chapasi? Zina lake njani ndipo zina la mwana wake njani? Kwakuneneska muziŵa!

Sumu 119:90

Umagomekezgeka winu ngwa mgonezi ndi mgonezi; mwajarika charu mu malo ndipo chakho.

Sumu 78:69

Penipa anguzengapo nyumba yawo yakupaturika, nge ndi muzi wawo kuchanya; anguwukhozga nge ncharu chapasi, kuwuvikiriya nyengo yose.

Jobu 26:7

Watambasuwa ku nkhonde pachanya pa malo ghambura kanthu, ndi waning'ina charu pa waka.

Sumu 104:2

mwajivwinkha ndi kungweruka nge ndi raya, mwatandika machanya nge ndi hema.

Sumu 93:1

Ambuya ausa, avwara unkhankhu, akuvwara ndi kujichinyiriya ndi nthazi. Inya, charu nacho chikukhozgeka; ndipo kuti chikasukunikanga cha;

Chiyambo 2:5

penipo pengavi chakume cha mu munda mu charu chapasi, ndi pengavi mbeu ya mu munda yingume; pakuti Ambuya Chiuta wengavi kung'iska vuwa pa charu chapasi, ndi pengavi munthu wakulima nyata;

Jobu 37:18

Kumbi imwe mungaziŵa kutandika mitambo nge ndimo iyo wachitiya; yakuti gwa nge ndi kayilore wakuwumbika?

Yesaya 37:16

“Ambuya mwe, ŵa maŵanja, Chiuta waku Yisraele; imwe mwakuja pa chitengo cha ukaronga pa chanya pa ŵaKerubi, ndimwe Chiuta, imwe pe mwija, ŵa maufumu ghose gha charu chapasi.

Yeremiya 10:16

Wa chigawa chaku Yakobe kuti wakozgana ndi yaŵa cha, pakuti ndiyo wangwata vinthu vyose, ndipo Yisraele ndi khamu lake lakusankhika; Ambuya ŵamaŵanja ndilo zina lawo.

Yeremiya 27:5

“Ndine mweniyo ndi nthazi zangu zikuru ndi janja langu lakutambaruka ndikulenga charu chapasi, pamoza ndi ŵanthu ndi vinyama vyo vye mwenimo, ndipo nditichipaska kwaku yose yo ndikhumba.

1 Mikoka 16:26

Chifukwa ŵachiuta wose ŵa ŵanthu mbangoza; kweni Ambuya angulenga machanya.

Sumu 65:7

Muchetamiska kuwuruma kwa zinyanja ndi kuwuruma kwa mayigha; muchetamiska chiwawa cha mitundu.

Yeremiya 14:22

Kumbi walipo mukati mu ŵachiuta ŵatesi ŵa ŵamitundu yo wangaziŵa kupereka vuwa? Pamwenga kumbi machanya ghangaziŵa kupaska manthonera? Ndimwe pe munyake cha, Ambuya Chiuta widu? Ifwe tiŵika chigomezgu chidu mwaku imwe, chifukwa ndimwe muchita vyose ive.