Yeremiya 10:10 - Tonga Bible 1986

¹⁰ Kweni Ambuya ndi Chiuta wauneneska; iyo ndi Chiuta wamoyo ndi Karonga wamuyaya. Pa ukari wake charu chiyaghayika, ndipo mitundu kuti yingakunthiyapo kukwiya kwake cha.

Yeremiya 10:10 Referans Kwoze

Marangu 32:4

“Jarawe liya, nchitu yake njakufiskika, pakuti nthowa zake zose za urunji. Chiuta ndiyo mukongorekwa ndi wambura kalema, murumji ndi wakunyoroka.

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

Sumu 76:7

Kweni ŵanthu ŵatopa imwe! Njani yo wangaziŵa kuma pa maso pinu asani mwatundiya?

Nahumu 1:6

Ndiyani wangama paurongo pa ukari wawo? Ndiyani waziŵa kukunthiyapo mu chifundizi cha ukari wawo? Ukari wawo upungulika nge ndi moto, ndi majalawi ghasweka ndi iwo.

Sumu 42:2

Mzimu wangu uparanthukiya Chiuta, Chiuta wamoyo. Ndizenge zuŵanji ndi kulereska chisku chaku Chiuta?

Sumu 100:5

Mbamampha Ambuya; nchamuyaya chifundu chawo, ndipo ukongorekwa wawo ngwa mgonezi ndi mgonezi.

Chivumbuzi 20:11

Ndinguwona chitengu-chaufumu chikuru ndi chituŵa, ndi mweniyo wajanga paku cho, ku chisku chaku mweniyo vinguthaŵako pasi ndi kuchanya; ndipo kuti malo ghangusanirikiya ivyo so cha.

Sumu 31:5

Mu janja linu ndipereka mzimu wangu; mwandiwombo, Ambuya, Chiuta wamagomekezgeka.

Sumu 10:16

Chiuta ndi karonga ku muyaya ndi muyaya; ŵamitundu ŵakaparghang'ikanga mu charu chake.

Sumu 18:7

Penipo charu chingusukunika ndi kuyaghayika; viŵanja vya mapiri navyo vingutenthema, ndi kusukuniskika, chifukwa Chiuta wangufya mtima.

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.

ŴaHebere 10:31

Nkhwakofya kuwa mu manja ghaku Chiuta wamoyo.

1 Timote 1:17

Kweni ku Karonga wamuyaya, mziramawoleka, wambura mawonekeka, Chiuta wayijayija, kuŵiye thamu ndi unkhankhu muyaya-muyaya. Ameni.

1 ŴaTesalonika 1:9

Chifukwa iwo ŵeneko ŵakamba gha kurondereka kwidu kwaku imwe ko tinguŵa nako, ndimo mungung'anamukiya kwaku Chiuta kutuwako ku vyangoza kwachiteŵete Chiuta wamoyo ndi muneneska,

Machitidu gha Ŵakutumika 14:15

“Mwaŵanthu, chifukwa chine muchita ichi? Nafwe te ŵanthu kwakulingana ndi imwe, taŵakutauliya imwe evangeli, kuti kutuwa ku vyawaka vyenivi mung'anamukiye kwaku Chiuta wamoyo, mweniyo wangwata kuchanya ndi pasi ndi nyanja, ndi vyose vyamwenimo:

Malaki 3:2

Kweni ndiyani yo wangazizipizga zuŵa lake lakuziya, ndipo ndiyani wangama pa wawoneka? “Chifukwa wenge ndi moto wa wakwenga, ndi nge ndi sopo wa wakuchapa;

Habakuku 3:6

Wanguma ndi kupima charu chose chapasi; wangulereska, ndi wangusukung'a mitundu ya ŵanthu; viyo mapiri ghamwaka ghanguparghanika, mapiri ghachijaliye ghangubwanthuka. Nthowa zake zenga nge ndi kale.

Mika 1:4

Ndipo mapiri ghakasongonokanga pasi pake, ndi madambo ghakaparukanga, nge ndi phura pafupi pa mo to, ndi nge ndi maji gho ghadika pa malo gha kusendemuka.

Sumu 146:6

Yo wangwata kuchanya, ndi charu chapasi, nyanja, ndi vyose vyo virimo, wakusunga chigomezgu nyengo yose swi;

Sumu 145:13

Ufumu winu ngwamuyaya, ndipo kuusa kwinu nkhwa migonezi ndi migonezi. Ambuya mbakongorekwa mu mazu ghawo ghose, ndi amampha mwaku chose cho achita.

Sumu 114:7

Tenthema, wa charu chapasi, pa kuza kwa Ambuya, pa maso paku Chiuta waku Yakobe,

Sumu 104:32

Iwo alereska pa charu chapasi, ndipo chitenthema; achikwaska mapiri, ghasunkha usi.

Sumu 97:4

Malimphezi ghawo ghangweruska charu; charu chitighawona ndipo chitenthema.

Sumu 93:2

chamiskika chitengo chinu cha ufumu kutuwa ku mwaka; kutuwa ku muyaya ndimwe.

Sumu 90:11

Ndiyani yo waziŵa nthazi kandundu kinu? Ndiyaniyo waziŵa kofya uli ko kwe mu ukari winu?

Sumu 84:2

Mzimu wangu unweka, inya uŵeŵefukiya kuja mu maluluwa gha Ambuya; mtima wangu ndi luŵavu langu lose vikoŵere chimwemwe kwaku Chiuta wamoyo.

Sumu 77:18

Mazu gha chidiririzi chinu ghenga mu kavuruvuru; ndipo kumwetuka kwamalimphezi kungungweruska charu chose; charu chingutenthema ndi chinguyaghayika.

Jobu 9:6

mweniyo wasukuniska charu kuchituzga pa malo ghake, ndipo mizati yake yiyaghayika;

2 Mikoka 15:3

Yisraele wanguja nyengo yitali wambura Chiuta wa uneneska, ndi wambura mzukuru wakusambizga, ndi kwambura dangu.

1 ŴaKaronga 18:39

Ndipo penipo ŵanthu wose ŵanguwona ichi, ŵanguwa kavunama pa visku vyawo, ndipo ŵatinge, “Ambuya ndiwo Chiuta, Ambuya ndiwo Chiuta.”

1 Samuele 17:36

Ndamteŵeti winu ndabayapo zinkharamu ndi ŵachipembere ndipo muFilisti uyu wambura kuchinjika wakaŵanga nge njimoza yaku zo, pakuti wanoza maŵanja ghaku Chiuta wamoyo.”

1 Samuele 17:26

Sono Davidi wangurongoro ndi ŵanthu wo ŵenga pafupi nayo, “Kukamuŵiyanganji munthu yo wangabaya muFilisti uyu, ndi kutuzgapo chitozeru pa Yisraele? Pakuti ndiyani nayo muFilisti wambura kuchinjika uyu, kuti wanyozenge maŵanja ghaku Chiuta wamoyo?”

Ŵeruzgi 5:4

“Ambuya, penipo mungutuwa ku Seiri, po mungwenda kutuwa kuchigaŵa cha Edomu, charu chingutenthema, ndipo machanya ghangumbotoka, inya, mitambo yingumbotoska maji.

Marangu 5:26

Pakuti ndiyani wa ŵamoyo wose yo wavwa mazu ghaku Chiuta wamoyo wakukamba mukati mu moto nge ndifwe, ndipo weche wamoyo?

1 Timote 6:17

Ŵalanguliye ŵasambasi mu mgonezi wa sono kuti ŵareke kujitumphuska, chingana nkhugomekezgapo pa kanthu kakuwura ukhonge ndi chuma, kweni mwaku Chiuta, mweniyo watipaska vyose kwakusakata kuti tikakondweremo;

Yohane 17:3

Ndipo chenichi mbumoyo wamuyaya, kuti ŵanthu ŵakuziŵeni imwe, Chiuta yija muneneska ndi so Yesu Kristu mweniyo mungutuma.

Mateyu 26:63

Kweni Yesu wanguchetama chete. Ndipo mzukuru mura wangumnene, “Ndikurapiya paku Chiuta Wamoyo, kuti utinene asani iwe ndiwe Kristu iyo, Mwana waku Chiuta.”

Mateyu 16:16

Ndipo Simoni Petro wakwamuka, wanguti, “Imwe ndimwe Kristu, Mwana waku Chiuta wamoyo.”

Habakuku 3:10

Mapiri ghangumuwonani, ndi kuvivira; maji ghanthazi ghangusapatiya; ndimba yingutuzga mazu, yingutumphuskiya manja ghake pachanya.

Yoele 2:11

Ambuya atuzga mazu ghawo paurongo pa nkhondo yawo, chifukwa mupingu wawo ngukuru ukongwa; ngwanthazi yo wachita mazu ghawo. Chifukwa zuŵa la Ambuya ndikuru ndi lakofya. Ndiyani waziŵa kulimiya?

Danyele 7:14

Ndipo mtufu, unkhankhu, ndi ufumu, vingupaskika kwaku iyo, kuti ŵanthu wose, mitundu yose, ndi makambidu ghose ŵamutataliye, muwusu wake ndi muwusu wamuyaya, wo kuti umarenge cha. Ndipo ufumu wake kuti ubwangandukenge cha.

Danyele 6:26

Ndimika dangu kuti mu muwusu wangu wose ŵanthu ŵatenthemi ndi kopa paurongo paku Chiuta waku Danyele. Pakuti ndi Chiuta wamoyo, wajaririya muyaya; ufumu wake kuti umarenge cha ndi muwusu wake ngwambura chigoti.

Danyele 4:34

Pa umari wa mazuŵa, ine Nebukadanezara, ndinguyinuskiya maso ghangu kuchanya, ndipo zeru zangu zinguweremu. Ndingutumbika Wapachanya Limu, ndingumuthamika ndi kumukankhuska mweniyo wajaririya muyaya: chifukwa muwusu wake ndi muwusu wambura kumara, ndipo ufumu wake ujaririya ku migonezi;

Danyele 4:3

Mbukuru nawo wavisimikizgu vyake! Mbukuru nawo wa vyakuziziswa vyake! Ufumu wake mbufumu wa muyaya, ndipo muwusu wake ngwa mgonezi ndi mgonezi.

Yeremiya 23:36

Kweni kuti mukazumbuwanga so cha kuti, ‘Mphingu ya Ambuya,’ pakuti mphingu ndi mazu gha mweneko munthu, ndipo imwe mutimbanizga mazu ghaku Chiuta wamoyo, Ambuya ŵa maŵanja, Chiuta widu.

Yesaya 37:17

Tegherezgani gutu linu, Ambuya, ndipo vwani; jurani maso ghino Ambuya mwe, ndi wonani; ndipo vwani mazu ghose ghaku Senakeribu, gho watuma ghakuyeya Chiuta wamoyo.

Yesaya 37:4

Panyake kokuli Ambuya Chiuta wako wakuvwa mazu gha muthenga yuwa, yo Ambuya ŵake, karonga wa Asiriya watuma kutoza Chiuta wamoyo, ndipo wakachenyanga mazu gho Ambuya Chiuta wako wavwa; chifukwa chenichi soska rombu lako chifukwa chaku ŵa ŵajako ŵakulekeka.’ ”

Sumu 68:11

Ambuya angulangula ndipo ŵanthukazi ŵanandi ŵangupinga makani:

Chiyambo 21:33

Abrahamu wangupanda muti wa chikumbusko mu Beresheba, ndipo penipa wangudanapo zina la Ambuya Chiuta Wapachanya Limu.

1 ŴaKaronga 8:60

alinga kuti makhamu ghose gha charu cha pasi ghaziŵe kuti Ambuya ndiwo Chiuta; kulivi so munyake.

Sumu 29:10

Ambuya ausa pachanya pa maji ghanandi; nge ndi karonga muyaya.

Sumu 68:8

charu chapasi chinguyaghayika, ndipo mtambo ungung'iska vuwa, chifukwa chakuza kwaku Chiuta waku Sinai, kuza kwaku Chiuta waku Yisraele.

Sumu 90:2

Ghenga ghandawe mapiri, mwenga mundawumbe charu chapasi, kutuwa ku muyaya mpaka ku muyaya ndimwe Chiuta.

Yesaya 40:15

Ehe, mitundu ye uli nkha nthoni ka mu ndowo, ndipo ŵaŵerengeka nge ndi fuvu pa vyakupimiyapo; ehe, wanyamuwa virwa nge ndi fuvu lakung'ibuka.

Yesaya 65:16

Viyo kuti yo watijitumbika mu charu wakajitumbikanga mwaku Chiuta wa uneneska, ndipo yo wachita rapu mu charu wakarapiyanga mwaku Chiuta wa uneneska; chifukwa masuzgu ghakudanga gharuwika ghabisika kwangu ku maso.

Yeremiya 4:2

ndipo asani mukarapanga, ‘Mo ŵajaliya Ambuya ŵamoyo,’ mu uneneska, mu urunji, ndi mu kunyoroka, sono ndipo mitundu yikatumbikikiyanga mwaku imwe, ndipo mwaku imwe yikatumbwiyanga.”

Yeremiya 4:24

Ndingulereska pa mapiri, ndipo ehe, ghanguyaghayika, ndipo tumapiri tose tunguyaghayika uku ndi uku.

Yeremiya 50:46

Pa mdinu wakupoke Babiloni charu chapasi chikatenthemanga, ndipo kuliya kwake kukavwikanga mukati mu mitundu.”

Yeremiya 51:29

Charu chitenthema ndi chikunkhuruka mu kuŵaŵa, chifukwa Ambuya achita cho aghanaghana paku Babiloni, kuchichita mapopa charu cha Babiloni, chambura ŵakujamo.

Yoswa 3:10

Yoswa wanguti, “Paku ichi mukaziŵanga kuti Chiuta wamoyo we mukati mwinu ndikuti kwambura kutondeka wakadikiskanga paurongo pinu ŵaKanani, ŵaHiti, ŵaHivi, ŵaPerezi, ŵaGirgashi, Amori, ndi ŵaYebusi.

1 Mikoka 29:11

Ukuru ngwinu, Ambuya, ndi nthazi ndi upundi, ndi unkhankhu chifukwa vyose vya kuchanya ndi vya pasi vinu; ufumu ngwinu, Ambuya, ndipo mwakwezgeka nge ndi mutu pachanya paku vyose.

Sumu 9:8

ndipo ateruzga charu mu urunji, ateruzga ŵanthu mu kunyoroka.

Sumu 74:12

Kweni ndipuuli Chiuta, mwaŵa karonga widu kutuliya ku chiyambo; kuchita utaski mu charu.

Sumu 76:8

Mwaziŵiska cheruzgu kutuliya kuchanya; charu chingutenthema ndipo chingujaka yi,

Sumu 100:3

Ziŵani kuti Ambuya ndiyo Chiuta! Ndiyo wangutata ndipo ifwe te ŵake; te khamu lake, ndi mberere za uliska wake.

Yesaya 40:28

Kuti ukuziŵa cha? Kumbi ulivi kuvwa? Ambuya ndiyo Chiuta wa muyaya, Mlengi wa vigoti vya charu chapasi. Kuti wagongowa chingana nkhuvuka cha, kuwamo kwake nkhwambura mapenjeka.

Danyele 6:27

Wataska ndi kuwombo wachita visimikizgu ndi vyakuziziswa kuchanya ndi pasi.”

Nahumu 1:5

Mapiri ghasukunika paurongo pawo, tumapiri tusongonoka; charu chapasi chipasuka paurongo pawo, charu ndi wose ŵakujamo.