Yeremiya 1:11 - Tonga Bible 1986

¹¹ Ndipo mazu gha Ambuya ghanguza kwangu ghakuti, “Yeremiya, uwonanji?” Ine ndinguti, “Ndiwona nthonga ya alimondi.”

Yeremiya 1:11 Referans Kwoze

Amosi 7:8

Ndipo Ambuya anguti kwaku ine, “Amosi, uwonanji?” Ndingwamuka kuti, “Chingwe chakunyoloske-wima.” Viyo Ambuya anguti, “Awona ndiŵika chingwe chakunyoloske-wima mukati mu ŵanthu ŵangu ŵa Yisraele; kuti ndiŵajumphenge so cha;

Amosi 8:2

ndipo wanguti, “Amosi, uwonanji?” Ndipo ndinguti, “Sokora ya vipasi vya chihanya.” Viyo Ambuya anguti kwaku ine, “Umari wafika pa ŵanthu ŵangu ŵa Yisraele; kuti ndiŵajumphenge so cha.

Zekariya 5:2

Ndipo wanguti kwaku ine, “Kumbi wawonanji?” Ndingwamuka, “Ndawona kalata wakuzinga; utali wake ndi mikono machumi ghaŵi (20) ndi usani mikono chumi.”

Zekariya 4:2

Ndipo wanguti kwangu, “Kumbi uwona chine?” Ndinguti, “Ndiwona ehe, chikoleru-nyali cha golide chose, ndi mbali pachanya pake ndi nyali zinkhonde ndi ziŵi paku cho, ndi milomo yinkhonde ndi yiŵi pachanya paku zose.

Yeremiya 24:3

Ndipo Ambuya anguti kwaku ine, “Uwonanji, Yeremiya?” Ine ndinguti, “Nkhuyu, nkhuyu zamampha, zamampha ukongwa, ndi nkhuyu ziheni, ziheni, ziheni ukongwa, ziheni zo kuti zingarghika cha.”

Maŵerengedu 17:8

Sono ndi mlenji Mosese wanguruta mu hema la chisimikizgu; ndipo wanguwona, ndodo yaku Aroni ya nyumba yaku Levi yingume ndi kubuska mani, yinguwoneska maluŵa, ndi kupasa vipasi vyakufya.

Ezekiele 7:10

“Awonani, zuŵa! Ehe, lafika! Soka linu laza, ukazuzi wabuka, kujikuzga kwatunda.

Chiyambo 30:37

Sono Yakobe wanguto nthonga zifya za mukundi ndi wangularauwa makungwa ghake kurongo utuŵa wa nthonga zo.

Yesaya 55:11

viyo ndimu ghakaŵiyanga mazu ghakutuwa mu mlomo wangu; kuti ghakawerenga kwangu ghambura kanthu cha, kweni ghakafiskanga chinecho ndakhumba, ndi kusakata mu chinthu cho ndingughatumiyako.

Ezekiele 12:25

Kweni Ine Ambuya ndikambenge mazu gho ndikakambanga, ndipo ghakafiskikanga. Kuti ghakaziwulikanga cha, kweni mu mazuŵa ghinu, Owe nyumba ya chigaruka, Ndikarongoronga mazu ndi kughafiska, atiti Ambuya Chiuta.”

Ezekiele 12:28

Chifukwa cho uŵanene, Viyo atiti Ambuya Chiuta: Palivi ghamoza gha mazu ghangu gho ghakaziwulikanga, kweni mazu gho ndirongoro ghakafiskikanga, atiti Ambuya, Chiuta.”