Yakobe 5:17 - Tonga Bible 1986

¹⁷ Eliya wenga munthu wakusankhwa ngendifwe, ndipo wanguromba rombo lakuti kureke kung'apovuwa; ndipo kuti kungung'apo vuwa pa charu cha virimika vitatu ndi myezi yinkhonde ndi umoza.

Yakobe 5:17 Referans Kwoze

1 ŴaKaronga 17:1

Sono Eliya mu Tishibe waku Tishibe mu Gileada, wanguti kwaku Ahabu, “Ulaka ndimo aliri amoyo Ambuya Chiuta waku Yisraele, paurongo paku mweniyo ine ndituma, kuti kukaŵanga dungwi chingana ndi vuwa cha virimika ivi, kweni pa mazu ghangu pe.”

Luka 4:25

Kweni kwakuneneska ndikuneniyani, mwenga vyoko vinandi mu Yisraele mu mazuŵa ghaku Eliya penipo kuchanya kungujarika virimika vitatu ndi myezi yinkhonde ndi umoza, po chinguŵiyapo chilala chikuru pa charu chose.

Chivumbuzi 11:6

Yaŵa ŵe ndi mtufu kwachijara kuchanya, kuti vuwa yireke kung'apo mu mazuŵa gha umchimi wawo: ndipo mtufu ŵe nawo pa maji kughasanduska ndopa, ndi kukoso charu ndi chideru chose, penipo pose ŵangakhumbiya.

1 ŴaKaronga 18:1

Pavuli pa mazuŵa ghanandi, mazu gha Ambuya ghanguza kwaku Eliya, mu chirimika cha chitatu, ghakuti, “Ruta, ukajirongo kwaku Ahabu, chifukwa ndikatumanga vuwa pa charu chapasi.”

Machitidu gha Ŵakutumika 14:15

“Mwaŵanthu, chifukwa chine muchita ichi? Nafwe te ŵanthu kwakulingana ndi imwe, taŵakutauliya imwe evangeli, kuti kutuwa ku vyawaka vyenivi mung'anamukiye kwaku Chiuta wamoyo, mweniyo wangwata kuchanya ndi pasi ndi nyanja, ndi vyose vyamwenimo:

Machitidu gha Ŵakutumika 10:26

Kweni Petro wangumyuska, wakuti, “Soka ni; nane ndamweni nde munthu.”

ŴaRoma 11:2

Chiuta walive kupata khamu lake, lenilo wanguziŵiya limu. Pamwenga mureka kuziŵa kumbi cho likamba lembo lo mwaku Eliya? Mo waŵeyere Chiuta paku Yisraele,