Yakobe 5:11 - Tonga Bible 1986

¹¹ Awonani, tiwapima ŵamwaŵi wo ŵangukunthiyapo. Nwavwa ndi unkhunthiya wo waku Yobu, ndipo mwaona mo Ambuya wanguufiskiya, pakuti Ambuya mbachitima ukongwa ndi wachifundu.

Yakobe 5:11 Referans Kwoze

Yakobe 1:12

Ngwamwaŵi munthu mweniyo wavwiyapo kesedu; pakuti wata kuti waŵa wakurumbika, warondenge mphumphu ya umoyo yeniyo, Mbuya wapangana ku ŵakumwanja.

Chituwa 34:6

Ambuya angudumuwa paurongo pake, ndi wangumemeza, “Ambuya, Ambuya, Chiuta wa lisungu ndi wa wezi, wachizita ku kukara, ndi wakuzara ndi chanju cha wezi ndi ukongorekwa,

Mateyu 10:22

Ndipo muŵenge ŵakutinkhika ndi wose pa chifwa cha zina langu: kweni wakukunthiyapo mpaka umari, ndiyo wakataskikanga.

2 Petro 2:9

Mbuya waziŵa kutaska ŵakopa Chiuta me kesedu, ndi kuŵasungirizga ŵaheni wo ŵalindizgikiya zuŵa la cheruzgu,

Sumu 86:15

Kweni imwe, Ambuya, mwe Chiuta walisungu ndi wakwanja, wachizita ku ukari, nyengo yose waulemu ndi ukongorekwa.

Jobu 2:10

Kweni iyo wanguti kwaku iyo, “Ukamba kwakulingana nge yumoza wa ŵanthukazi ŵakupusa wangakambiya. Kumbi tikarondiyanga umampha kutuwa ku janja laku Chiuta, kumbi kuti tikarondiyanga uheni cha?” Mwaku chose ichi Jobu kuti wangunanga cha mukurongoro kwake.

1 Petro 1:13

Chifukwa chenichi pakujichinyiya mu vionu vya vinjeru vinu, zizani ndi gomekezgiyani limu kwaumari pa wezi wo utolekiyenge kwaku imwe pa uvumbuzi waku Yesu Kristu;

Luka 6:36

Muŵe ŵalisungu, ulaka nge mba Uskemwe mbalisingu.

Chitenje 3:22

Chifundu cha Ambuya kuti chimera cha, malisungu ghawo kuti ghagota cha;

Sumu 103:8

Mba chitima ndi ŵawezi Ambuya, mba chizita mu kukaripa, kweni mbakuzala ndi chanju chakufikapo.

Maŵerengedu 14:18

‘Ambuya mbakukunthiyapo ndi alisungu likuru, akugowoke kwananga ndi maphuru, kweni kuti akamlekanga waka cha pa nthowa ye yose wa mrandu, ndiwo ŵakulanga ŵana chifukwa cha kwananga kwa auskeu, mpaka ku migonezi wa chitatu ndi wa chinayi.’

ŴaHebere 10:39

Kweni ifwe kuti te ŵakuwele vuli cha ku wanangiku, kweni ŵa chivwanu ku utaski wa mzimu.

ŴaHebere 3:14

chifukwa taŵa ŵasangazi ŵaku Kristu, asani tikoreska chandiru cha chigomekezgu chidu nganganga mpaka umari;

ŴaEfeso 2:4

kweni chiuta, pakuŵa msambasi mu lisungu, chifukwa cha chanju chake chikuru chenicho wangwanja nacho ifwe,

Mika 7:18

Ndi yani Chiuta yo wenge ndimwe, wakugowoke maubendezi ndi kureke maulakwi gha ŵakujako ŵa ŵanthu ŵake? Kuti watufya mtima kwakukiyakiya cha, chifukwa wakondwa mu chanju chake.

1 Mikoka 21:13

Ndipo Davidi wanguti kwaku Gadi, “Ndafyekeka ukongwa; ndiwe mu janja la Ambuya, chifukwa lisungu lawo ndikuru ukongwa; kweni kuwiya mu janja la munthu ndiko cha.”

ŴaHebere 3:6

kweni Kristu nge ndi mwana, pa nyumba yake; nyumba yaku mweniyo ndifwe, asani tikoreska chiganga chidu ndi chitumbwa cha chigomekezgu chidu gwa mpaka umari.

ŴaEfeso 1:6

kuti urumbike unkhankhu wa wezi wake, mwaku weniwo watisambasiskiya kwawanangwa mu Nkhwanjiwa yo.

ŴaRoma 2:4

Pamwenga uyuyuwa kumbi usambasi wa ulemu wake ndi unkhunthiya ndi chilekerezga, pakureka kuziŵa kuti ulemu wo waku Chiuta ngwakurongozge iwe ku chipe?

Luka 1:50

Ndipo lisungu lake le ku myandanu ndi myandanu paku ŵeniwo ŵatumopa.

Yona 4:2

Ndipo wanguromba ku Ambuya ndi wanguti, “Ndimurombani, Ambuya, ndatinge uku ndiko kunguŵa kukamba kwangu, penipo ndenga ndeche mu charu changu? Pa chifukwa cho ndinguthaŵiya ku Tarshishi; chifukwa ndinguziŵa kuti ndimwe Chiuta walisungu, ndi wawezi, wachizita kukalipa, ndipo wakuzala chanju, ndi wakugowoke uheni.

Yoele 2:13

muparuwe mitima yinu, vyakuvwala vinu cha.” Ng'anamukiyani ku Ambuya Chiuta winu, chifukwa ngwamampha ndi walisungu, wambura kukalipa ruŵi, ndi wakuzara chanju chikuru, ndi wakugowoke uheni.

Yesaya 63:9

Mu kuyuzgika kwawo kose iyo nayo wanguyuzgika, kweni mungelo wakuma pa maso pake wanguŵataska; mu chanju chake ndi chitima chake wanguŵawombo; wanguŵasoska ndi kuŵanyamuwa mazuŵa ghose gha kali.

Yesaya 63:7

Ndikakambanga so za chanju chizirima cha Ambuya, marumbu gha Ambuya, kwakulingana ndi vyose vyo Ambuya atipaska, ndi umampha ukuru ku nyumba yaku Yisraele, weniwo apaska kwakulingana ndi lisungu lawo, kwakulingana ndi chanju chawo chizirima.

Wakutaula 7:8

Umari wa kanthu ngwamampha kuruska chiyambo chake; ndipo wakufwasa mu mzimu ngwamampha kuruska wakujikuzga mu mzimu.

Sumu 119:132

Ng'anamukiyani kwangu ndipo ndichitiyeni wezi, nge ndimo mutiŵachitiya ŵakwanja imwe.

Sumu 116:5

Ambuya mbamampha ndi ŵalisungu likuru; Chiuta widu ngwa chitima.

Sumu 103:13

Nge ndimo liliri lisungu la wiske pa ŵana ŵake, ndimo Ambuya achitiya lisungu pa ŵakuŵawopa.

Sumu 94:12

Wakukondwa ndi munthu yo imwe Ambuya mutimurunguchizga; munthu yo imwe mutimusambizga dangu linu.

Sumu 86:5

Pakuti mwe amampha, Ambuya, ndi akugowoke; mwaŵakuzara chanju chakufikapo kwaku wose wo ŵadana kwaku imwe.

Sumu 78:38

Kweni Chiuta wenga wa lisungu pa ŵanthu ŵake, wangugowoke kubende kwawo, ndipo kuti wanguŵaparghang'a cha. Nyengo zinandi wangujiko ku kandundu ndi kujikanizga ku ukari wake.

Sumu 37:37

Thoŵani munthu wambura kalema, ndi lereskani wakunyoroka, pakuti ku munthu wa chimangu yiŵengeko mphapu yakuvuli.

Jobu 23:10

Kweni waziŵa nthowa yo nditendamo; po watindesa, nkhaŵanga nge ndi golide.

Jobu 1:2

Kungupapika kwaku iyo ŵana ŵanthurumi ŵankhonde ndi ŵaŵi ndi ŵana ŵanthukazi ŵatatu.

Nehemiya 9:17

ŵangukana kuvwiya, ndipo kuti ŵangughanaghanako cha vya minthondwi vyo munguchita mwawo; kweni ŵangungangamiska khosi lawo ndi ŵangumika murongozgi kuti ŵaweriyenge ku uŵanda wawo mu Egipiti. Kweni imwe mwe Chiuta yo we muchanya kale kugowoke, wa wezi ndi walisungu, mwambura kukala ruŵi ndi wakuzala chifundu, ndipo kuti munguŵajowo cha.

2 Mikoka 30:9

Chifukwa asani mu were ku Ambuya, ŵabali ŵinu, ndi ŵana ŵinu ŵasaniyenge lisungu kwaku wo ŵakuŵako umkoli, ndi ŵakaweriyanga ku charu ichi. Chifukwa Ambuya Chiuta winu ngwalisungu ndi ngwaulemu, ndipo kuti wakang'anamuliyanga chisku chake kunyake kutuwako kwaku imwe cha, asani imwe muwere.”

Danyele 9:9

Ku Ambuya Chiuta widu, kwe lisungu ndi chigowoke; chifukwa tamunangiya,

Sumu 145:8

Mbakwanja ndi ŵalisungu Ambuya, mba chizita mu kukwiya kweni akuzara chifundu.

Sumu 51:1

Ndichitiyeni wezi A Chiuta, kwakuyana ndi chifundu chinu; uli mbunandi wa vya lisungu vinu sisitani mamphuru ghangu.

Nehemiya 9:31

Ndipuuli mu malisungu ghinu ghakuru kuti mungumarana nawo cha pamwenga kuŵajowo; pakuti mwe Chiuta wawezi ndi walisungu.

Jobu 1:1

Kwenga munthu mu charu cha Uzu, yo zina lake lenga Jobu; munthu uyu wenga murunji ndi wakaunyoloka, wangopa Chiuta ndi wangutinkha uheni.

Yakobe 1:2

Mwa ŵabali ŵangu, muchipime chimwemwe pe, penipo pose muŵiyamo mu mesedu ghamtundumtundu,

1 Petro 3:14

Kweni asani mungakomwa pa chifwa cha urunji, mweŵamwaŵi; viyo mungopanga chofyu chawo, ndipo mungatenthemeskeka cha.

Luka 11:10

Chifukwa yose wakupempha waronde; ndi wakupenja wabowozga; ndi ku wakugong'oska kumujurikiyenge.