Yakobe 4:9 - Tonga Bible 1986

⁹ Suzgikani, ndi tenjeni, ndi liyani: kadara kinu kazgoke chitenje, ndi chimwemwe chinu ku chitima.

Yakobe 4:9 Referans Kwoze

Mateyu 5:4

“Mbakutumbikika ŵakutenje, pakuti iwo ŵasanguruskikenge.

Nthanthi 14:13

Chingana ngwakuseka mtima ngwa chitima, ndipo umari walikondwa nchisungu.

Luka 6:25

“Owe kwaku imwe mwaŵakuguta sono! Pakuti mufwenge ndi nja. “Owe, mwaŵakuseka sono! Pakuti mutenjenge ndi muliyenge.

Sumu 119:67

Mwenga mundandilange ndajendiyanga bweka, kweni sono ndivwiya mazu ghinu.

Ezekiele 16:63

mwakuti ukumbukenge ndi kuchita soni, ndipo kuti ukajuranga so mlomo wako cha chifukwa cha kulengeskeka kwako, penipo nditikugowoke paku vyose vyo wachita, atiti Ambuya Chiuta.”

Ezekiele 7:16

Ndipo asani ŵajako ŵakuthaŵa, ŵakaŵanga pa mapiri, nge ndi nkhunda za mudambo, wose ŵatenje, we yose pa uheni wake.

Luka 16:25

Kweni Abrahamu wanguti, ‘Wamwana, kumbukanga kuti unguronde vyamampha vyako mu umoyo wako, ndi Lazaro nayo viheni: kweni sone panu wasangaruskika iyo, kweni iwe urumwiskika.

Jobu 30:31

Bangwe wangu wasanduka wakutenjere, ndipo fyoliro wangu watumba nge ndi mazu gha wakuriya.

Luka 6:21

“Mwe ŵamwaŵi mwaŵanja sono; pakuti mugutiskikenge. “Mwe ŵamwaŵi ŵakuliya sono; pakuti musekenge.

Chitenje 5:15

Likondwa la mitima yidu lamara; kuvina kwidu kwasanduka chitenje.

Yeremiya 31:13

Sono ŵamwali ŵakakondwanga pa kuvina, ŵanyamata ndi makhongwe ŵakasangarukanga. Ndikasanduskanga chitenje kuŵa likondwa lawo. Ndikaŵasangaruskanga, ndipo ndiŵapaskenge kukondwa mu malo gha chitima.

Yeremiya 31:9

Ŵakazanga ndi kuliya, ndipo ndikaŵarongozganga ndi kuŵapembuzga, ndikaŵendeskanga pafupi pa tumisinji twa maji, mu nthowa yakunyoroka mo kuti ŵakaguŵanga cha, pakuti nde wiske waku Yisraele, ndipo Efraimu ndi mwana wangu wa umwali.

Wakutaula 2:2

Ndingukamba za kuseka, “Nkhufuntha,” ndi za likondwa, “Kumbi lendi kanthu uli?”

Sumu 119:71

Kulangika kwangu kungundiŵiya kwamampha, alinga kuti ndisambire vilangulu vinu.

Sumu 119:136

Masozi ghangu ghadika nge ndi msinji, chifukwa ŵanthu kuti ŵasunga dangu linu cha.

Nehemiya 8:9

Ndipo Nehemiya yo wenga mweruzgi mura, ndi Ezra mzukuru ndi mlembi, ndi ŵaLevi ŵeniwo ŵangurunguchizga ŵanthu, ŵanguti ku ŵanthu wose, “Zuŵa ndakupaturika ku Ambuya Chiuta winu; mungatenjenga chingana nkhuliya cha.” Pakuti ŵanthu wose ŵaliyanga ŵanguti ŵavwa mazu gha dangu lo.

Mateyu 21:41

Ŵamnene, “Waŵanangenge uheni ŵaheni ŵa, ndipo munda wa mphereska wapazgiyenge ku ŵalimi ŵanyake, ŵeniwo ŵamuwezgiyenge vipasi vyo mu nyengo zawo.”