Yakobe 4:6 - Tonga Bible 1986

⁶ Kweni wapaska wezi ukuruku: viyo ŵatiti, “Chiuta wamikirana ndi wakujana, kweni wapaska wezi ku ŵakujiyuyuwa.”

Yakobe 4:6 Referans Kwoze

Mateyu 23:12

Ndipo yose yo wajikuzgenge, wayuyulikenge; ndipo yose yo wajiyuyuwenge, wakuzgikenge.

Nthanthi 3:34

Ku ŵakuyeya, iyo ngwakuyeya, kweni ku ŵakujiyuyuwa walongo mwaŵi.

1 Petro 5:5

Mwaŵamanako, kwakulingana, therani ku ŵara. Ndipo mose ku ŵanyinu mujichinyiriye ndi kujiyuyuwa mtima, pakuti, “Chiuta wamikana ndi ŵakujana, kweni wapaska wezi ku ŵakujiyuyuwa.”

Nthanthi 18:12

Paurongo pa phasulu mtima wamunthu utijikuzga, kweni kujiyuyuwa kutiya paurongo pa ulemu.

Sumu 138:6

Inya nanga Ambuya ŵe kuchanya kutali, kweni aphwere ŵakusuzgika, ndipo kwaku iwo kuti ŵakabisamanga cha ŵakujikuzga.

Nthanthi 29:23

Kujikuzga kwa munthu kukamusiskiyanga pasi, kweni mweniyo ngwakujiyuyuwa mumzimu wakarondanga thumbiku.

Nthanthi 22:4

Mphoto ya kujiyuyuwa ndi kopa Ambuya mbusambasi ndi ulemu ndi umoyo.

Luka 14:11

Pakuti yose wakujikuzga wayuyulikenge; ndipo yo ngwakujiuyuwa wakuzgikenge.”

Yesaya 2:17

Kujikuzga kwa munthu kukabwanthukiyanga pasi, ndipo kujikuzga kwa ŵanthu kukasiskikiyanga pasi, ndipo Ambuya pe ŵija ŵakakuzgikanga mu zuŵa lo.

Jobu 22:29

Chifukwa Chiuta wayuyuwa ŵakujikuzga, ndi wataska ŵakujiyuyuwa.

Luka 18:14

Ndikuneniyani, wangusikiya uyu wakurunjiskika ku nyumba yake, kwakuruska yuwa; pakuti yose wakujikuzga wayuyulikenge; kweni wakujiyuyuwa wakuzgikenge.”

Danyele 4:37

Sono ine, Nebukadanezara ndikankhuska, ndi kukuzga, ndi kutumbika Karonga wakuchanya, chifukwa nchitu zake zose zakurunjika; ndipo wo ŵatenda kwakujikuzga waziŵa kuŵayuyuwa.

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

Luka 1:52

wasiska ŵamazaza ku vitengu, ndipo wakwezga ŵakuyuyulika.

Nthanthi 15:33

Kopa Ambuya nkhusambizga mu zeru, ndipo ulemu kujiyuyuwa kudanjiya paurongo.

2 Mikoka 33:12

Ndipo pakuŵa mu suzgu wanguŵeyere Ambuya Chiuta wake, ndi kujiyuyuwa ukongwa pa maso paku Chiuta wa ambuyake.

1 Samuele 2:3

Rekani kurongoro kwakujikuzga, kujirumba kureke kutuwa mu mlomo winu; pakuti Ambuya ndi Chiuta wa vinjeru, ndipo ndi iyo nchitu zose zipimika pa mweso.

2 Mikoka 34:27

chifukwa mtima wako ngwakoloŵa ndipo wajipepuwa paurongo paku Chiuta unguti wavwa mazu kususka malo yagha ndi ŵanthu ŵake, ndipo sono wa jipepuwa paurongo pangu ndi kuparuwa vyakuvwara vyake ndi kutenje paurongo pangu, ine nane ndakuvwa, atiti Ambuya.

2 Mikoka 32:26

Kweni Hezekiya wanguti wajithereska, iyo ndi ŵamu Yerusalemu kandundu kaku chiuta kangureka mu mazuŵa ghose ghaku Hezekiya.

Mateyu 13:12

Chifukwa yose yo wenacho, kwaku iyo kupasikikenge, ndipo waŵenge ndi uzari: kweni yose yo walive, chingana ndi cho wenacho, chikwamphulikenge kwaku iyo.

2 Mikoka 33:23

Kweni kuti wangujiyuyuwa cha pa maso ghaku Chiuta nge ndimo Manase awiske ŵangujiyuyuliya, kweni Amoni wanangiyanga-nangiyanga.

Chituwa 18:11

Sono ndiziŵa kuti Ambuya mbara akuruska ŵachiuta ŵanyake wose, chifukwa angupozomoska ŵanthu wo ku magoŵa gha ŵaEgipiti, penipo ŵanguŵayuzga.”

Yesaya 54:7

Kwa nyengo yimanavi ndingukujowo, kweni ndi chitima chikuru ndikakuwunjikanga.

Sumu 9:12

Pakuti iwo wati ŵakumbuka wakutayiya thayu ndopa; kuliya kwa ŵakusuzgika kuti waruwa cha.

2 Mikoka 33:19

Kuromba kwake naku so, ndi mo Chiuta wanguŵeyereke ndi iyo, ndi maulakwi ghake ghose ndi ubendezi wake, ndi malo mo wanguzenga malo gha pachanya, ndi kuŵika Ashera, ndi vikozgo vya kusema, wenga wandape; ehe, vikulembeka mukati mu Makani gha Ŵamchimi.

Yakobe 4:10

Mujichefye paurongo pa Ambuya, ndipo wamkuzgeninge.