Yakobe 4:4 - Tonga Bible 1986

⁴ Mwaŵareŵi, asi muziŵa kuti kukondana ndi charu mbumawongu paku Chiuta? Viyo mweniyo yose wakhumba kuŵa wachikondana ndi charu wajisanduska wamawongu waku Chiuta.

Yakobe 4:4 Referans Kwoze

ŴaRoma 8:7

Viyo munthu watuŵa wamawongo waku Chiuta penipo vinjeru vyake virongozgeka ndi vinthu vyo kaŵiro kake ka unthu kakhumba; chifukwa kuti wavwiya langulu laku Chiuta cha, ndipo kwakuneneska kuti wangalivwiya cha.

ŴaGalatia 1:10

Chifukwa kumbi ndiwoja ŵanthu, pamwenga Chiuta iyo? Pamwenga ndilembe kukondweska ŵanthu? Asani ndale ndakondweskanga ŵanthu, mphanyi kuti ndingawa mteŵeti waku Kristu cha.

Yohane 15:19

Asani mwenga ŵa charu ichi, mphanyi charu chamwanjani nge mbanthu ŵapa mtima wake: kweni chifukwa kuti mwe ŵa charu cha, ine ndakusankhani mu charu, chifukwa chenichi chikutinkhani charu cho.

Mateyu 6:24

“Palive yumoza waziŵa kuteŵete ambuya ŵaŵi: chifukwa pamwe wamtinkhenge yumoza, ndi wamwanjenge munyake; pamwenga wajiperekenge ku yumoza, ndi wamtozenge munyake. Kuti muziŵa kuteŵete Chiuta ndi chuma so cha.

Yohane 17:14

Ine ndaŵapaska mazu ghinu; ndipo charu cho chaŵatinkha, pakuti kuti mba charu cha, nge ndimo ine ndiriri wa charu cha.

Yakobe 1:27

Chisopa chikhovu ndi chambura banga paurongo paku Chiuta Auskefwe nchenichi, kulereze ŵamasiya ndi vyoko mu suzgu yawo ndi kujisunga wambura donthu ku charu.

ŴaRoma 5:10

Chifukwa asani, tenga teche ŵamawongu, tingwanjaniskikiya kwaku Chiuta mu nyifwa ya Mwana wake, ukongwako, taŵakwanjaniskika titaskikenge mu umoyu wake.

Mateyu 16:4

Mphapu yiheni ndi yireŵi yipenja chisimikizgu, ndipo kuti chisimikizgu chipaskikenge kwaku yo cha, kweni chisimikizgu cho chaku Yona.” Ndipo wanguŵareka wangutuwapo.

Hoseya 3:1

Ndipo Ambuya anguti kwaku ine, “Kanga so, ndi umwanje muwoli wako wakwanjika ndi bwezi lake, ndipo ndi mureŵi; nge ndimo Ambuya atanjiya ŵaYisraele, chingana iwo ŵagarukiya ku ŵachiuta ŵanyake ndi kwanja maburunga gha mphereska zakumira.”

Yohane 7:7

Kuti charu chingatinkha imwe cha; kweni chitinkha ine, pakuti ine ndisimikizgiya paku cho, kuti ziheni nchitu zake.

Sumu 73:27

Chifukwa awonani, wose wo wapata imwe ŵakafwanga, ndipo mukaparghang'anga wose wo ŵalivi chigomekezgu mwaku imwe.

Luka 19:27

Ndipo so ŵakupindikana nane yaŵa, wo ŵengavi kukhumba ine kuŵaŵusa ŵatoleni kuno, ndi ŵabayiyeni paurongo pangu.’ ”

Mateyu 12:39

Kweni wakwamuka wanguti kwaku wo, “Mgonezi uheni ndi ureŵi upenja chisimikizgu; ndipo kuti chisimikizgu chipaskikenge kwaku wo cha, kweni cho chaku Yona mchimi yo.

Sumu 21:8

Janja linu lisaniyenge ŵarwani ŵinu wose; janja linu lakurghiya lisaniyenge wo ŵatimutinkhani.

Yeremiya 9:2

Owe, mphanyi ndinguŵa ndi msasa wa ŵalendo mu bozwa, mwakuti ndingasiya ŵanthu ŵangu ndi kuruta kutuwako kwaku wo! Pakuti wose mbareŵi, mpingu wa ŵanthu ŵa chiŵembo.

Yesaya 57:3

Kweni imwe, ndereni pano pafupi, mwaŵana ŵa vyanusi, mphapu ya mureŵi ndi wachigololo.

Sumu 50:18

Po uwona munkhungu, uzomerezgana nayo; ndipo usangana ndi ŵareŵi.

Yeremiya 2:2

“Ruta, ukamemeze mu makutu gha Yerusalemu, viyo atiti Ambuya, Ndikumbuka kuti ungunditeŵete penipo wenga muhurwa, chanju chako uli ncha mwali wanthengwa, mwenimo ungundindondoloske mu bozwa, mu charu chambura kumijamo mbeu.

Chiyambo 3:15

Ndikaŵikangapo umawongo pakati pako ndi munthukazi, ndi pakati pa mphapu yako ndi mphapu yake; iyo watemenge mutu wako, ndipo iwe utemenge chitende chake.”

Ezekiele 16:32

Muwoli mureŵi, yo waronde ŵalendo mu malo mwa mrumi wake!

1 ŴaKorinte 1:20

We pani wazeru? We pani mlembi? We pani wasuskano wa mgonezi uno? Asi Chiuta wayipusiska zeru ya charu?

1 ŴaKorinte 1:21

Chifukwa kwakulingana ndi zeru yaku Chiuta charu cho mu zeru yake chengavi kumziŵa Chiuta, kungukondweska Chiuta mu kupusa kwa chitaula kwachitaskiya ŵakuvwana.