Yakobe 4:1 - Tonga Bible 1986

¹ Nchine cho chichitiska mahomwa ndi nchine cho chichitiska mapindanu mukati mwinu? Asi nga kweniko, ku malikondwa ghinu ghakurwiya mu viŵaru vinu?

Yakobe 4:1 Referans Kwoze

1 Petro 2:11

Mwaŵakwanjiwa, ndikuŵeyereni nge mbayinga ndi ŵalendo kufunga pa maulakalaka ghanyama, ghenigho ghaturwa pa uzima wo.

ŴaGalatia 5:17

Chifukwa liŵavu lilakalakiya pa mzimu, ndi Mzimu pa liŵavu; pakuti vipindikana vyenivyo, viyo kuti vyenivyo mungakhumba, ndivyo kuti mungachita cha.

ŴaRoma 7:23

kweni mu viŵaru vyangu ndithoŵa dangu lamwenga, lakurwiya pa chilangulu cho cha vinjeru vyangu, ndi lakundikole mkoli ku dangu lo la ulakwi, lo le mu viŵaru vyangu.

ŴaRoma 8:7

Viyo munthu watuŵa wamawongo waku Chiuta penipo vinjeru vyake virongozgeka ndi vinthu vyo kaŵiro kake ka unthu kakhumba; chifukwa kuti wavwiya langulu laku Chiuta cha, ndipo kwakuneneska kuti wangalivwiya cha.

Yakobe 1:14

kweni munthu we yose wateseka, pakuguguzika ndi likhumbira laku yija.

Yeremiya 17:9

Mtima ngwakupusika kuruska vinthu vyose, ndipo nguheni ukongwa; njani wangauziŵa?

1 Petro 1:14

uli mbana ŵa ŵakuvwiya kwambura kujilinganizga ndi malikhumbira ghakudanga ghamu ujira winu,

ŴaKolose 3:5

Viyo fwiskani viŵaru vinu vya panupasi; ureŵi, wiyu, ulakalaka, likhumbira liheni, ndi bina, lenilo nkhusopa ngoza;

2 Petro 3:3

Ziŵani danga chenichi, kuti mu mazuŵa ghakumariya ŵakutoza ŵakaziyanga mu mtonyoru, ŵakwenda kwakuyana ndi malikhumbira gha ŵenecho, ndi kunena,

Yakobe 4:3

Mupempha, ndipo kuti muronde cha, chifukwa kuti mupempha uheni, alinga kuti muvimariye pa malikondwa ghinu.

2 Petro 2:18

Chifukwa pakukamba vya umbughuya, ŵanyengere mu maulakalaka gha liŵavu, mu mauyaya, ŵeniwo ŵafyanthamuka pamanavi ku ŵakujariya mu urandizgi;

Tito 3:3

Chifukwa kali nafwe so taŵanga ŵakupusa ŵamtafu ŵakurandizgika ŵakuteŵeta maulakalaka ndi malikondwa ghamtundumtundu, ŵakujariya mu nkhaza ndi bina, ŵakutinkhika, ŵakutinkhana,

Tito 3:9

kweni mafumbo ghakupusa, ndi vikazi, ndi zindewu, ndi masuskano ghapa langulu, ŵekanga; chifukwa ndivyo vyambura chanduku ndi vyaŵaka.

ŴaRoma 7:5

Chifukwa penipo tajanga kwakuyana ndi kaŵiro ka unthu widu, makhumbiro gha maulakwi, gho ghanguziya mu chilangulu cho, ghachitiyanga mu viŵaru vidu, kwachipasiya vipasi ku nyifwa.

Mateyu 15:19

Chifukwa mu mtima mutuliya maghanaghanu ghaheni, zimbanda, maureŵi, mauyaya, maunkhungu, visimisimi vitesi, matuka.

Yohane 8:44

Imwe mwe ŵa uskemwe diabolo yo, ndipo maulakalaka gha uskemwe ndigho mukhumba kuchita. Iyo wenga mubayaŵanthu kutuwa ku mtendeku, ndipo kuti wendi kanthu ndi uneneska cha, pakuti mulive uneneska mwaku iyo. Po warongoro utesi, warongoro vya umoyo wake: pakuti ndi mtesi ndipo ndi uskeu wa ŵatesi.

2 Timote 2:23

Kweni mafumbo ghakupusa ndi ghajira kananga, pakuziŵa kuti ghayuska mbembi.