Yakobe 3:9 - Tonga Bible 1986

⁹ Ndi lilime lo titumbika Ambuya ndi Dada; ndipo ndi lenilo pe titemba ŵanthu, wo mbakulengeka mu chikozgu chaku Chiuta:

Yakobe 3:9 Referans Kwoze

Sumu 10:7

Mlomo wake ngwakuzaza kutemba, kupusika, ndi kunyenga; pasi pa lilime lake pe soka ndi utimbanizi.

Sumu 62:4

Cho mupenja nkhumuwiskiya pasi, kumutuzga pa malo ghake gha ulemu. Mu kondwa ndi mautesi. Mukamba makani gha chitumbiku, kweni mu mtima winu mutimutemba.

Sumu 59:12

Ŵakoreke mu kujikuzga kwawo, chifukwa cha kunanga kwa milomo yawo, ndi mazu gha mu milomo yawo. Chifukwa cha kutemba ndi mautesi gho ŵarongoro,

Chiyambo 9:6

We yose wakudira ndopa za munthu, ndopa zake nazo zidikenge ndi munthu munyake; pakuti Chiuta wangulenga munthu mu chikozgu chake.

Machitidu gha Ŵakutumika 2:26

Chifukwa chenichi ungusangaruka mtima wangu, ndipo lilime langu lingumwemwete; ndipo so ine wachifweni nkhajanga mu chigomekezgu.

2 Samuele 19:21

Abishai mwana waku Zeruya wangwamuka, “Kumbi kuti wabayikenge cha pa chifukwa ichi Shimei? Chakuti watukanga wakupakika wa Ambuya?”

Chiyambo 5:1

Ili ndi buku la mphapu zaku Adamu. Penipo Chiuta wangulenga munthu, wangumuchita muchikozgu chaku Chiuta.

1 ŴaKorinte 11:7

Munthurumi kuti watenere kufukika mutucha, pakuti iyo nchikozgu ndi unkhankhu waku Chiuta: kweni munthukazi mbunkhankhu wa munthurumi.

ŴaRoma 3:14

“Mlomo waku wo uzara kutemba ndi kurunda.”

Mateyu 26:74

Sono wangwamba kutemba ndi kurapa, kuti, kuti, “Ndimziŵa cha yo munthu.” Ndipo sosonukweni wangukokoŵereka tambala.

Mateyu 5:44

Kweni ine ndikuneniyani, Ŵanjeni wamawongu ŵinu, ndipo ŵarombiyeni ŵakuŵemba imwe,

Yesaya 29:13

Ambuya anguti: “Chifukwa ŵanthu yaŵa ŵandere pafupi ndi milomo yawo, kunditumbika ndi malilime ghawo, penipo mitima yawo ye kutali ndi ine, ndipo chopu chawo paku ine ndi langulu, la ŵanthu wo ŵakusambira chinkhumbu;

Wakutaula 7:22

mtima wako uziŵa kuti iwe nawe waŵatembapo ŵanyake nyengo zinandi.

Sumu 108:1

Ndakhozgeka, A Chiuta; ndakhozgeka kwakufikapo! Ndimbenge ndi kurumba imwe! Yuka, wa mzimu wangu!

Sumu 71:24

Ndikambenge vyaurunji winu zuŵa lose swi, pakuti wo wapenjanga kundipweteka ŵatondeka ndipo ŵachita soni.

Sumu 63:4

Ndiwongenge imwe ndichiŵa wamoyo, ndisoskenge manja ghangu kwaku imwe mu kuromba.

Sumu 57:8

Yuka, mzimu wangu! Yuka, wabangwi ndi kaligu we! Ndiyukenge ndi chivivivi!

Sumu 51:14

Ndipozomoskeni ku mlandu wa ndopa, A Chiuta, imwe ndimwe Chiuta mpozomoski wangu, ndipo lilime langu likamburiyenge imwe chifukwa mwanditaska.

Sumu 35:28

Viyo nditaulenge vya urunji winu ndi ndirumbenge imwe zuŵa lose.

Sumu 34:1

Nditumbikenge Ambuya nyengo yose; nyengo yose rumbu lawo liŵenge mu mlomo wangu.

Sumu 30:12

alinga kuti mzimu wangu umutumbikeni imwe ureke kujachete. Ambuya Chiuta wangu, ndiperekenge viwongo kwaku imwe muyaya.

Sumu 16:9

Pa chifukwacho mtima wangu ukondwa, ndipo mzimu wangu usekere; liŵavu langu nalo lija kwakufwasa.

1 Mikoka 29:20

Viyo Davidi wanguti ku wumba wose, “Atumbikeni sono Ambuya Chiuta winu,” ndipo wumba wose wunguŵatumbika Ambuya, Chiuta wa auskeu, ndi ŵangukotama pasi mitu yawo, ndi ŵanguŵalambiya Ambuya, ndi kujikamiya pasi karonga.

1 Mikoka 29:10

Viyo Davidi wangutumbika Ambuya paurongo pa wumba wose, wanguti: “Mwakutumbikika ndimwe, Ambuya, Chiuta waku Yisraele auskefwe, muyaya ndi muyaya.

2 Samuele 16:5

Penipo karonga Davidi wanguti wafika ku Behulimi, kungumuziya munthu wamu mbumba ya nyumba yaku Sauli, yo zina lake lenga Shimei, mwana waku Gera; ndipo wachiza wendanga uku watuka.

Ŵeruzgi 9:27

Mwakuti, ŵanguwunjika vipasi kutuwa mu minda yawo ya mphereska ndipo ŵangupinga, ndi ŵanguchita dghera, ŵangusere mu nyumba yaku chiuta wawo, ndipo ŵangurgha ndi kumwa ndi kumutuka Abimeleke.

ŴaEfeso 1:3

Watumbikike Chiuta yo ndi Wiske wa Mbuyafwe Yesu Kristu, mweniyo watitumbika ndi chitumbiku chose chamzimu mu vyakuchanya mwaku Kristu:

Sumu 145:21

Ndirumbenge Ambuya nyengo yose; vyamoyo vyose virumbe zina lawo lakupaturika muyaya ndi muyaya.

Sumu 145:1

Ndikankhuskenge imwe, Chiuta wangu ndi karonga; nditumbikenge zina linu muyaya ndi muyaya.

1 Petro 1:3

Warumbike Chiuta wiske wa Mbuyafwe Yesu Kristu, mweniyo kwakuyana ndi unandi wa lisungu lake wangutipapiya so ku chigomekezgu chamoyo mu chiyuka chaku Yesu Kristu ku ŵakufwa,

Yakobe 1:27

Chisopa chikhovu ndi chambura banga paurongo paku Chiuta Auskefwe nchenichi, kulereze ŵamasiya ndi vyoko mu suzgu yawo ndi kujisunga wambura donthu ku charu.

Yakobe 3:10

mu mlomo weniwo pe mutuliya thumbiku ndi thembu! Mwa ŵabali ŵangu, vyenivi kuti vitenere kuŵa viyo cha.