Yakobe 3:6 - Tonga Bible 1986

⁶ Ndipo lilime ndi moto; lilime ncharu chambura urunji mukati mu viŵaru vidu, lakukazuzga liwavu lose, lakuŵika pa moto gulinga wa kaŵiru kidu, ndipo lakukozgeka moto ndi gehena.

Yakobe 3:6 Referans Kwoze

Nthanthi 16:27

Munthu wa uliuli wafinga uheni, ndipo kurongoro kwake kwe uli ndi moto wakocha.

Marko 7:15

kulive kanthu kubwaro ku munthu, ko nkhanthazi kumkazuzga, kachisere mumoyo mwake; kweni vyakutuliya mukati mwake ndivyo vikazuzga munthu. [

Nthanthi 15:1

Kwamuka kwakoloŵa kutuzgapo chikwiya, kweni mazu gha ukari ghasosomo ukari.

Luka 16:24

Ndipo iyo wangukuta, wanguti, ‘Ada Abrahamu, ndifwiyeni lisungu, tumani Lazaro, alinga kuti wabizge songu ya munwi wake mu maji, ndi waziziriske lilime langu; pakuti ndirumwiskika mu mlipu uwu.’

Nthanthi 6:19

kaboni mutesi mweniyo watuzga mautesi, ndi munthu mweniyo wakhuŵizga zindeu pakati pa ŵabali.

Sumu 140:3

Malilime ghawo gharasa nge nga njoka, pasi pa milomo yawo pe urwirwi wa khaku.

Sumu 64:3

wo ŵanora malilime ghawo nge ndi malipanga, wo ŵatweŵa mazu gha kuŵaŵa nge ndi mivwi,

3 Yohane 1:10

Chifukwa chenichi, asani nthuza, ndichitenge chikumbusku cha milimu yake yo wachitiya pakuti bwebwete ndi mazu ghaheni: ndipo pakukhorwa ndi mazu gho cha, iyo yija wakana kuŵaronde ŵabali ndipo wakanizga ŵeniwo ŵakhumba kuŵaronde, watuŵadika mu mpingo wo.

Yakobe 2:7

Asi ndiwo ŵatokoska zina lo lakutowa lenilo lingudanika paku imwe?

Machitidu gha Ŵakutumika 6:13

ndipo ŵangumika ŵakaboni ŵatesi, wo ŵanguti, “Munthu mwenuyu kuti wareka cha kukamba mazu pa malo ghano ghakupaturika ndi pa chilangulu;

Machitidu gha Ŵakutumika 5:3

Kweni Petro wanguti, “Hananiya, chifukwa chine Satana wazaza mtima wako kuti upusike iwe Mzimu Wakupaturika ndi kuti ujibisiye cha ku mtengu wa charu cho?

Mateyu 12:24

Kweni ŵati ŵavwa ŵaFarisi ŵanguti, “Uyu kuti watuzga ŵademone ndi kanthu kanyake cha kweni ndi Belzebule, fumu ya ŵademone.”

Mateyu 5:22

Kweni ine ndikuneniyani, kuti yose wakumtundiriya mbali wake waŵenge wakukoleke ku cheruzgu, ndipo yose yo wanganyoza mbali wake, waŵenge wakukoleke ku upu wo; ndipo yose yo wanganena, ‘Mvumbwa we’, waŵenge wakukoleke ku gehena la moto.

2 Samuele 19:43

ŴaYisraele wangwamuka ŵaYuda ŵanguti, “Ifwe tendi vigaŵa chumi vyo tisangana ndi karonga, ndipo nanga ndi mwaku Davidi tenavyo kuruska imwe. Sono chifukwa nchine mutiderera? Kumbi kuti ndifwe cha tenga ŵakudanga pa makani gha kuwezga karonga widu?” Kweni mazu gha ŵaYuda ghenga gha ukari kuruska mazu gha ŵaYisraele.

Chivumbuzi 19:20

Ndipo chingukoleka chikoku cho ndi pamoza nacho mchimi-mtesi yo, mweniyo wanguchita minthondwi pa maso pake, mwaku yeniyo wanguŵarandizgiya ŵeniwo ŵanguronde lisimbu la chikoku, ndi wo ŵalambiyanga chikozgu chake. Yaŵa ŵaŵi ŵangupong'eka ŵamoyo mu nyanja ya moto yo njakukole ndi fukunyira.

Chivumbuzi 18:23

ndipo kungweruka kwa limbuni kuti kukaŵalanga mwako cha; mazu gha mweni-nthengwa chingana nga mwali-nthengwa kuti ghakavwikanga mwako naku cha pe; pakuti ŵamaronda ŵako ŵenga ŵanthu ŵakuvwika ŵa panupasi, ndipo ndi nyanga yako yingurandizgika mitundu yose.

Chivumbuzi 13:14

Ndipo chituŵarandizga wo ŵaja pa charu chapasi chifukwa cha visimikizgu vyo vikupaskika kwaku cho kuchitiya paurongo pa chikoku chakudanga cho. Chikoku chinguŵanene ŵakuja pa charu kuchitiya chikoku cho chikozgu, mukutumbika chikoku cho chenga ndi bala la lipanga kweni chakuŵa chamoyo.

Chivumbuzi 12:9

Ndipo wangupong'eka pasi nchalinda yo mukuru, njoka yo yamwaka, wakuzumbulika Diabolo ndi Satana, murandizgi wa pasi iyo ndi ŵangelo ŵake pamoza nayo.

2 Petro 3:3

Ziŵani danga chenichi, kuti mu mazuŵa ghakumariya ŵakutoza ŵakaziyanga mu mtonyoru, ŵakwenda kwakuyana ndi malikhumbira gha ŵenecho, ndi kunena,

Tito 1:11

Watenere kusunamiskika; ŵeniwo ŵabwanganduwa chivwanu cha nyumba zamphumphu, pakusambizga vyambura kwene chifukwa cha chanduka chasoni.

Machitidu gha Ŵakutumika 20:30

ndipo mwaku imwe mwaŵeni mwazamvuruvunduka ŵanthu, ŵakukamba vyakupuruska, kuguziya ŵasambizi pavuli pawo.

Yeremiya 28:16

Chifukwa cho atiti Ambuya, ‘Ehe, ndikakutuzgangapo pa chisku cha charu. Chirimika chenichino ukafwanga, chifukwa warongoro gha kugarukiya Ambuya.’ ”

Yeremiya 20:10

Pakuti ndituvwa ŵanandi ŵatokotezga. “Mantha ghe mu malo ghose! Musumuweni! Tiyeni timusumuwe!” Ndimu ghakambiya mabwezi ghangu ghose ghakuziŵirizgana nagho, ŵakulindizga kuwa kwangu. “Akhumba wakapusikikanga, penipo ndipo tingaziŵa kumupunda, ndi kumutayiya thayu lidu.”

Yesaya 30:27

Ehe, zina la Ambuya lituwa kutali, lakunyeka ndi ukari wawo, ndi mu usi ukhomi wakukwera; milomo yake njakuzaza ndi kukwiya, lilime lake le uli ndi moto wakocha;

Maŵerengedu 31:16

Yaŵa ndiwo ŵangulakwiska ŵaYisraele, pa chifukwa chaku Balamu, kumuchitiya uheni Chiuta pa makani ghaku Peoro, chifukwa ichi rekani chideru chingusere mukati mu khamu la Ambuya.

2 Mikoka 13:17

Abija ndi ŵanthu ŵake ŵanguŵakoso, kukoso kukuru; wo ŵanguwa pasi ndi kubayika ŵa ŵaYisraele ŵenga vikwi machumi pe chumi ghankhonde, ŵanthurumi ŵakusankhika (500,000).

2 Samuele 16:20

Penipo Absalomu wangunena ndi Ahitofele, “Pereka fundu yako; tikachitanganji?”

Marangu 13:6

“Asani mbali wako, mwana wa anyoko, pamwenga wako munthurumi, pamwenga mwana wako munthukazi, pamwenga muwoli wako wapa mtima pamwenga mubwezi wako yo wenge mbumoyo wako, watukulandizga ku ubendi, kuti ‘Tiyeni tirutenge kwachiteŵete ŵachiuta ŵanyake,’ ŵeniwo imwe chingana mbauskemwe ŵalivi kuŵaziŵa kale,

ŴaLevi 24:11

ndipo mwana wa munthukazi yo muYisraele wangusakaza zina la Ambuya ndi wangutemba. Viyo wanguza nayo kwaku Mosese. Zina la nyina wake lenga Shelomiti mwana munthukazi waku Dibri wa fuko laku Dani.

Maŵerengedu 25:2

Yaŵa ŵangudaniya ŵanthu ku sembe za ŵachiuta ŵawo, ŵanthu ŵangurgha ndi kugwadiya ŵachiuta ŵawo,

Nthanthi 7:5

kukusunga iwe ku munthukazi muyaghayagha, ku munthukazi wakunyenga ndi mazu ghake gha uteremusi.

Yesaya 50:11

Ehe, imwe mose mwakukozga moto, imwe mukozga visindi! Yendani mu ukweru wa moto winu, mu visindi vyo mwakozga! Ichi ndichu mukalondiyanga ku janja langu: mukagonanga pasi mu urwirwi.

Yakobe 3:7

Chifukwa mtundu we wose wa vinyama ndi so wa viyuni, wa vyakukwaŵa ndi so wa vyamu nyanja, uziŵirizgika, ndipo waziŵirizgika ndi mtundu waŵanthu.