Yakobe 3:3 - Tonga Bible 1986

³ Kweni asani tiŵika vitinthiru mu milomu ya ŵakavalo, alinga kuti ŵativwenge: tichipepetuwa liŵavu lawo lose.

Yakobe 3:3 Referans Kwoze

Sumu 32:9

Ungaŵanga nge ndi kavalo pamwenga nyuru, yo yirivi chinjeru, yitenere kuŵa ndi chisulo ndi chikhoŵe ku mlomo, kwambura ivi kuti yingasungika pamoza nawe cha.

Sumu 39:1

Ndinguti, “Ndikaphwerenga nthowa zangu, mwakuti ndireke kwananga ndi lilime langu; ndimangenge mlomo wangu ndi chakumangiya, penipo pose ŵaheni ŵe pamaso pangu.”

Yakobe 1:26

Asani munthu wajipima kuti ngwakusopa, wambura kutintha lilime lake kweni wakufuvya mtima wake, chisopa chaku mweniyo nchawaka.

2 ŴaKaronga 19:28

Chifukwa wandirazukiya ine kujitumphuwa kwako kwasere mu makutu ghangu, ndikaŵikanga mbeja yangu mumphunu yako ndichitungu changu mu mlomo wako, ndipo ndikakuwezgiyanga vuli mu nthowa yeniyo unguzamo.

Yesaya 37:29

Chifukwa wandikaripiya ndipo kujikuzga kwako kwavwika mu makutu ghangu, ndikaŵikanga mbeja yangu mu mphunu yako ndi chimangiru changu mu mlomo wako, ndipo ndikawezgiyanga mu nthowa yeniyo unguzamu.’

Yakobe 3:4

Awonani, ngaraŵa nazo, chingana zikuru, ndipo zigumizgika ndi mphepu zikali, zipetulika ndi sigiru yimanavi, kweniko kose wakupetuwa watizipeturiya.

Jobu 41:13

Ndiyani yo wangaziŵa kumufuŵa chikopa chake? Ndiyani wangaziŵa kusere mukati mu mizeri yake yiŵi ya minyo?