Yakobe 3:17 - Tonga Bible 1986

¹⁷ Kweni zeru yo njakutuwa kuchanya njikhovu danga, pavuli njachimangu, yakoroŵa yakupemberezgeka wenguwengu, yakuzara lisungu ndi vipasi vyamampha, yambura gangang'u, yizira ufyali.

Yakobe 3:17 Referans Kwoze

Nthanthi 2:6

Pakuti Ambuya apaska zeru; ku mlomo wawo kutuwa zeru ndi kuwamo;

Yakobe 3:15

Zeru yeniyo kuti njakusikiya kutuwa kuchanya cha, kweni njapasi, yaviŵaru, ya udemone.

ŴaRoma 12:9

Chanju chinu chiŵe chamburafuvyu. Muŵe ŵakutinkha uheni, ndi ŵakumeremete ku umampha.

Yakobe 1:17

Mpasku wose wamampha ndi chawezi chose chizirima nchakutuwa kuchanya chakusika kutuwa ku Dada wa maukweru, mwaku mweniyo mulive ching'anamuka chingana nchiduzi cha ching'anamuka.

Yakobe 1:5

Ndipo asani yumoza waku imwe wapere mu zeru, wapemphe kwaku Chiuta, mweniyo wapaska kwaku wose kwawanangwa, ndi kwambura kusinginika; ndipo yikapaskikanga kwaku iyo.

1 Yohane 3:18

Mwatwana twangu, tinganjiya mu mazu pamwe mu lilime cha; kweni mu nchitu ndi mu uneneska.

1 Petro 1:22

Mwati mwatozge mauzima ghinu mu muvwiyo wa uneneska ku kwanjaŵabali kwambura fuvyu, mwanjane kwamtima ndi kwakufwiririyapo:

Mateyu 5:8

“Mbakutumbikika ŵakutowa mu mtima: pakuti iwo ŵawonenge Chiuta.

1 Yohane 3:3

Ndipo munthu yose wakuŵa nacho chigomekezgu chenichi paku iyo, wajitozga ulaka ndimo waliri wakutowa Yuwa.

Luka 21:15

chifukwa ine ndimpaskeninge mlomo ndi zeru, yeniyo zose mphindikwa zinu kuti ziziŵenge cha kwamukako chingana nkhumikirana namwe.

Luka 6:36

Muŵe ŵalisungu, ulaka nge mba Uskemwe mbalisingu.

ŴaHebere 12:14

Rondoni chimangu kuchiri kwaku wose, ndi utozi nawo, wambura weniwo paŵengevi yumoza wamuwona Mbuya.

2 Timote 2:24

Kweni muŵanda wa Mbuya kuti watenere kurwa cha, kweni kuŵa mphemberezga kwaku wose, warwana kusambizga.

1 Petro 2:1

Viyo, pakujizuliya uheni wose, ndi urghargha wose, ndizifuzi, ndi viŵinu, ndi masuzgu ghose,

Yakobe 2:4

asi mwagaukana mwaku mwaŵeni, ndipo mwaŵa ŵeruzgi ŵa marunguruku ghaheni?

ŴaHebere 12:11

Chilanga chose ku sono chiwoneka kuŵa chachimwemwe cha kweni chachisungu; kweni pavuli chipasiya chipasi chachimangu cha urunji mwaku ŵeniwo mbakusambizgika nacho.

ŴaKolose 1:10

kuti mwendenge kwakwenere Ambuya, ndi kwakuŵakondweska, pakupasiya chipasi mu mlimu wose wamampha, ndi kukuliya mu chiziŵisku chaku Chiuta.

ŴaRoma 15:14

Kweni ine ndamweni ndakhorwa mwaku imwe, mwa ŵabali ŵangu, kuti imwe namwe muzara umampha, pakutizika mziŵiru wose; ŵanthazi so kuchiskana.

Jobu 28:28

Ndipo wanguti ku munthu, ‘Wona, chofyo cha Ambuya, chenicho ndi zeru; ndipo kupatuka ku uheni ndi vinjeru.’ ”

1 Mikoka 22:12

Viyo Ambuya ŵija akupaske vinjeru ndi kuwamu, mwakuti achikupaska ulongozgi paku Yisraele, usungenge dangu la Ambuya Chiuta wako.

1 ŴaKorinte 12:8

Chifukwa kwaku uyu kwapaskika mu Mzimu mazu gha zeru; ku munyake mazu gha mziŵiru ndi Mzimu mweniyo pe,

Jobu 28:23

“Chiuta ndiyo waziŵa nthowa yakurata kwaku zo ndi waziŵa malo ghaku zo.

Yakobe 4:8

Ndereni kufupi kwaku Chiuta, ndipo wanderenge kufupi kwinu. Photoni manja, mwaŵalakwi; ndipo tozgani mitima, mwaŵamitimapaŵi.

1 Timote 5:21

Ndikuchenjezga pa maso ghaku Chiuta, ndi ghaku Kristu Yesu, ndi gha ŵangelo ŵakusankhika, kuti usunge vyenivi kwambura chisankha, wakuchitiya kanthu pa chanasi cha.

Machitidu gha Ŵakutumika 11:24

pakuti wenga munthu wamampha, ndi wakuzazika Mzimu Wakupaturika ndi chivwanu: ndipo mzinda ukuru ungukuskikiyako ku Ambuya.

Mateyu 23:28

Imwe namwe kubwaro nadi muwoneka ŵarunji ku ŵanthu, kweni mukati mwe ŵakuzala fuzi ndi uchikana marangu.

1 ŴaTesalonika 2:7

Kweni tinguŵa ŵapovu mukati mwinu, nge ndimo mlezi wapakati ya ŵana ŵapa mtima wake.

ŴaFilipi 4:8

Pakumariya, mwa ŵabali, vyo vyose vyakuneneska, vyo vyose vyavitumbiku, vyo vyose vyakurunjika, vyo vyose vikhovu, vyo vyose vyamanjika, vyo vyose vyamarumbika; asani kwe umampha, wakuti, ndipo asani kwe thamu lakuti, pimani ndi vyenivyo.

ŴaFilipi 1:11

pakuzazika ndi vipasi vya urunji, vyamwaku Yesu Kristu, ku unkhankhu ndi rumbu laku Chiuta.

Machitidu gha Ŵakutumika 9:36

Ndipo mu Yopa mwenga msambizikazi yumoza, zina lake Tabita lo ling'anamuwa kuti Dorka: mweniyo munthukazi wenga wakuzara milimu yamampha ndi vyalisungu vyo wachitanga.

Yohane 1:47

Yesu wangumuwona Natanele wachiza kwake, wanguti kwaku iyo, “Awonani, muYisraele nadi, mwaku mweniyo mulive urghargha!”

Yohane 1:14

Ndipo Mazu yo wanguŵa munthu, ndipo wajanga mwaku ifwe wakuzala wezi ndi uneneska; ndipo tinguthoŵa unkhankhu wake, unkhankhu nge ngwa wakuwayija ku Dada.

Malaki 3:3

wajenge nge ngwakwenga ndi wakutozga siliva. Wakatozganga ŵana ŵaku Levi ndi kuŵayengetuwa nge ndi golide ndi siliva, mpaka ŵapereke mipasku yakwenere ku Ambuya.

Malaki 2:9

viyo ndimusanduskeninga kuŵa ŵakunyozeka, ndi ŵakuyuyulika pa maso pa ŵanthu wose, kwakuyana nge ndimo mwareke kusungiya nthowa zangu, kweni mwapenevya mu chisambizgu chinu.”

Danyele 1:17

Chiuta wanguŵapaska ŵanyamata yaŵa vinjeru ndi mziŵiro mu malembo ghose ndi mu vinjeru; ndipo Danyele wanguŵa ndi mziŵiro wa vinjeru mu chakuwona chose ndi mu maloto ghose.

1 ŴaKaronga 3:9

Viyo paskani muŵanda winu zeru yakuwamo pa kweruzga khamu linu, alinga kuti ndiziŵenge mphambanu pakati pa umampha ndi uheni pakuti njani wangaziŵa kweruzga khamu linu lenilikuru ili?”

Chituwa 36:2

Ndipo Mosese wangudana Bezalele ndi Oholiba ndi munthurumi we yose wakwenere ndipo Ambuya angumupaska chinjeru, we yose yo wangukhumba kuza kwachichita nchitu yo:

Tito 3:2

kuphara munthu yumoza cha, kuŵa ŵaziralisonji, ŵaroŵevu, ŵakurongo upovu wose ku ŵanthu wose.

Tito 1:15

Ku ŵakuphotoka vyose viphotoka: kweni ku ŵakukazuzgika ndi ŵambura kuvwana kulive kamoza kakuphotoka; kweni chinjeru chawo nacho ndi njuŵi so vikazuzgika.

ŴaRoma 12:18

Asani nkhwamachitika, ulindimo muziŵiya, muŵe mu chimangu ndi ŵanthu wose.

Yesaya 32:6

Pakuti mubereŵeza warongoro ubereŵeza mtima wake utata mphurupuru: kwachichita uchikanamarangu, kurongoro gha kusovya pa Ambuya, kujowo kupaska wanja vyo wanweka ndi kunora maji wanyota.

Yesaya 2:4

Weruzgenge pakati pa makhamu, wazamujarika umampha ŵanthu ŵanandi, ndipo ŵazamsula malipanga ghawo kuŵa vyakulimiya, ndi mikondo yawo kuŵa vimayi vyakupanthiya; mtundu kuti wazamsoske lipanga pa mtundu cha; chingana nkhusambira so nkhondo nako cha.

1 Mikoka 22:9

Wona, mwana munthurumi wakapapikanga kwaku iwe; wakaŵanga munthu wa chimangu. Ndikamupumuzganga ku ŵarwani ŵake wose ŵakumuzunguliya; pakutu zina lake likaŵanga Solomoni, ndipo nkhapaskanga chimangu ndi bata kwaku Yisraele mu mazuŵa ghake.

1 ŴaKaronga 3:28

Ndipo ŵaYisraele wose ŵanguvwa cheruzgu cho karonga wangupereka; ndipo ŵanguma mu kofyerwa karonga, chifukwa wanguwona kuti zeru zaku Chiuta zenga mwake, zakupereka cheruzgu chirunji.

1 ŴaKaronga 3:12

awona, sono ndichita kwakulingana ndi mazu ghako. Awona, nditukupaska mtima wa vinjeru ndi wakuteska, viyo kuti wakuŵapo cha kale ndipo kuti wakaŵangapo cha pavuli pakoyo wakayananga nawe.

ŴaEfeso 5:9

(chifukwa chipasi cha kungweruka ko nchamu umampha wose ndi urunji ndi uneneska),

2 ŴaKorinte 10:1

Kweni mu ukhovu ndi mu umampha waku Kristu ndikuŵeyereni ine, nda Paulo, ndawakujiyuyuwa pa maso pinu, kweni pakuŵa kunyake nda wakujitunthwa paku imwe;

2 ŴaKorinte 9:10

Ndipo mweniyo wapaska mbeu ku ŵakumija ndi chiŵande nge nchakurgha, wamkuskiyako ndi kwandaniska mbeu yinu yakumija, ndipo wamkuzga vipasi vya urunji winu.

Yesaya 40:11

Wakaliskanga muskambu wake nge ndi mliska, wakuwunjikanga twana mberere mu manja ghake wakutunyamuwanga pa chifukwa chake, ndipo wenguwengu wakarongozganga zo zendi ŵana.

Jobu 28:12

“Kweni nunkhu ko zeru zingasanirika, ndipo ndinunkhu ko kwe malo gha vinjeru?

Mateyu 5:9

“Mbakutumbikika ŵakutata chimangu: pakuti iwo ŵazumbulikenge ŵana ŵaku Chiuta.

2 ŴaKorinte 6:6

mu ukhovu, mu mziŵiru, mu chilekerezga, mu ulemu mu Mzimu Wakupaturika, mu chanju chakuwura-ufyali,

2 ŴaKorinte 7:11

Chifukwa, wonani vyo rwana la chisungu cha uchiuta charongo mukati mwinu, chingutataliya mwinu phamphu lakutinji, ndi chikwiya chakutinji, ndi wofi wakutinji, ndi linweka lakutinji, ndi rwana lakutinji, ndi thayu lakutinji! Mwaku chose mungujisimikiya kuŵa ŵakhovu mu nkhani yo.

Yakobe 2:13

Chifukwa cheruzgu nchambura lisungu ku wakureka kuchita lisungu: ndipo lisungu litumbwiya pa cheruzgu.

1 Petro 2:18

Mwaŵaŵanda, muthereskeke ku ŵambuyamwe mu chopu chose; ku ŵamampha ndi ŵaroŵevu wo pe cha, kweni so ku ŵakunyongoroka.