Yakobe 2:15 - Tonga Bible 1986

¹⁵ Asani mbali pamwenga mzichi ngwankhuli, ndi wasauka chakurgha cha zuŵa ndi zuŵa,

Yakobe 2:15 Referans Kwoze

Luka 3:11

Ndipo wakwamuka waŵaneniyanga, “Yo we ndi minjirira yiŵi wapaskeko kwaku yo walivi; ndi yo we ndi vyaukurgha, wachite kwakulingana.”

Yesaya 58:7

Kumbi asi nkhusangana chakurgha ndi wa nja, ndi kutole ŵasauchi ŵambura nyumba mu nyumba yinu; asani muwona wankhuli kumuvwalika, kureka kujibisa mwaŵeni ku mwanasi winu?

Yakobe 2:5

Vwani, mwa ŵabali ŵangu ŵakwanjiwa, asi Chiuta wajisankhiya ŵakavu mu charu kuŵa ŵasambasi mu chivwanu, ndi ŵakuhara ufumu weniwo wangupangana ku ŵakumwanja?

Yesaya 58:10

asani mutijikhutuwa chifukwa chawanja ndi kugutiska makhumbu gha wakuyuzgika, po ndipo ukweru winu ukayukanga mu mdima ndi mukhorwe winu ukaŵanga uli ndi msana-pakati.

ŴaHebere 11:37

Wangupong'eka mya ŵanguchekeka, ŵangweseka, ŵangubayika ndi lipanga: ŵanguwurawura ŵakuvwara vikopa vya mberere ndi vikopa vya mbuzi: ŵakavu, ŵakusuzgika, ŵakuchitika uheni,

Marko 14:7

Pakuti nyengo zose mwe nawo ŵakavu pamoza namwe, ndipo penipo pose mukhumbiya muziŵa kuŵachitiya umampha; kweni kuti mwe ndi ine nyengo zose cha.

Ezekiele 18:7

kuti wakandirizgiya pasi nanga njumoza cha, kweni wawezga ngongori kwaku yo wangutewuwako, kuti ngwakuphanga cha, wakupaska kurgha ku wanja, ndi kuvwarika wankhuli,

Machitidu gha Ŵakutumika 9:29

wakusambizga kwachiganga mu zina lo la Ambuya: ndipo so warongoronga ndi wasuskananga ndi ŵaHeleniste; kweni iwo ŵalembenga kumbaya.

1 Yohane 3:17

Kweni yose yo we nacho chuma cha charu, ndipo wawona mbali wake kuti wakavuka, ndi wamjariya lisungu lake, chanju cho chaku Chiuta chija uli mwaku iyo?