Yakobe 2:14 - Tonga Bible 1986

¹⁴ Chitovya uli, mwa ŵabali ŵangu, asani munthu wanenenge kuti we nacho chivwanu, kweni wauravi milimu? Kumbi chivwanu cho nchanthazi kumtaska?

Yakobe 2:14 Referans Kwoze

Luka 6:49

Kweni wakuvwa wambura kuchita wakozgana ndi munthu wakuzenga nyumba pa dongo kwambura chiŵanja; paku yeniyo msinji ungukukurwiya, ndipo sosonukweni yinguwa; ndipo phasulu la nyumba yiya lenga likuru.”

Tito 1:16

Ŵazomera kuti mbakumziŵa Chiuta; kweni ndi nchitu zawo ŵatumkana, pakuŵa ŵauziya, ndi ŵamtafu, ndi ku nchitu yose yamampha ŵambura kwenere.

2 Petro 1:5

Ndipo pa chifwa chenichi nacho pakukuskiyako pamphu lose, sazgiyanipo pachanya mu chivwanu chinu umampha, ndi mu umampha wo mziŵiru,

Yakobe 2:26

Chifukwa uli ndimo liŵavu lo pade pa mzimu ndakufwa, viyo chivwanu nacho pade pa milimu nchakufwa.

ŴaHebere 11:17

Ndi chivwanu Abrahamu, wacheseka wangupereka Yisaki nge ndi mpasku: ndipo mweniyo wangurondapo mapanganu wangupereka mwana wake wakuwa yija;

ŴaHebere 13:9

Mungalongozgeka ndi visambizgu vyamtundumtundu ndi vilendo: chifukwa nkhwamampha kuti mtima ukhozgeke ndi wezi; ndi vyakurgha cha, mwenimo ŵakutangwanikamo kuti ŵangawovyeka kanthu cha.

ŴaGalatia 5:6

Chifukwa mwaku Kristu Yesu chingana ndi mchinju kuti ngwakovya kanthu cha, chingana nkhuwura mchinju; kweni chivwanu chakutataliya mu chanju.

Yakobe 2:18

Kweni wakambenge yumoza, “Iwe wenacho chivwanu, ndipo ine nde nayo milimu”; ndirongo chivwanu chako pade pa milimu yako, ndipo ine mu milimu ndikurongonge chivwanu changu.

Machitidu gha Ŵakutumika 8:21

Kuti we nacho iwe cha chigaŵa pamwenga mphenduzga mu mazu yagha: chifukwa mtima wako ulive kurunjika paurongo paku Chiuta.

Mateyu 5:20

Chifukwa ndikuneniyani, kuti, kwambura kuti urunji winu ungaruska wo wa ŵalembi ndi ŵaFarisi, kuti mwamsere mu ufumu wo wa kuchanya cha.

Tito 3:8

Ndamagomekezgeka nenedu lo, ndipo paku vyenivi ndikhumba ukokomezgepo iwe, alinga kuti wo ŵagomekezga maku Chiuta ŵaphwerenge kurongo milimu yeneko. Vyenivi ndivyo vyamampha ndi vyawanduzi ku ŵanthu:

1 Timote 1:5

Kweni kamaridu ka chilangulu chonchanju chakutuwa ku mtima ukhovu ndi njuŵi yamampha ndi chivwanu chambura fuzi:

1 ŴaTesalonika 1:3

pakukumbuka kwambura kurekezga nchitu yinu ya chivwanu ndi chitakataka chinu cha chanju, ndi unkhunthiya wachigomekezgu mu Ambuyafwe Yesu Kristu, paurongo paku Chiuta widu ndi Auskefwe.

ŴaGalatia 5:13

Chifukwa imwe, mwabali, mungudanikiya ku wanangwa; kweni mungasanduska wanangwa winu chitendeku cha liŵavu cha, kweni mu chanju teŵeteranani.

1 ŴaKorinte 15:2

mwaku weniwo so mutaskikiya, ne mukoreze mazu gho ndingumtauliyani; vinu ching'anamuka chinu chingaŵa cha ŵaka.

Machitidu gha Ŵakutumika 15:9

ndipo kuti wangupambaniska kanthu cha pakati paku ifwe ndi iwo, mu kutozga mitima yawo ndichivwanu.

Yakobe 2:16

ndipo yumoza wamwaku imwe wanenenge kwaku wo, “Mukenge mu chimangu, mufundiskike ndi mugutiskike”; kweni mureka kuŵapaskavyo vikhumbikwa ku liŵavu, chitovya chine?

1 Timote 4:8

chifukwa kujilimbiska ko kwaliŵavu nkhwakwanduliya kumanavi; kweni uwopa Chiuta ngwakwanduliya vyose, pakuŵa nacho chipanganu cha umoyo wasono ndi chaku wo utakuzanga.

Machitidu gha Ŵakutumika 8:13

Ndipo Simoni nayo wanguvwana: ndipo wachipatizika, wajaririyanga ndi Filipu; ndipo pakuthoŵa visimikizgu ndi so vyanthazi vikuru vyo vyachitikanga, wangutondwa.

Yeremiya 7:8

“Ehe, imwe mugomekezga mu mazu ghakupusika ghambura kovya.

1 ŴaKorinte 16:22

Asani munthu wareka kwanja Ambuya, waŵe wakutembeka. Ambuyafwe ŵatuza.

ŴaRoma 2:25

Pakuti nadi mchinju utanduwa, asani uchita dangu: kweni asani ndiwe mjumpha-dangu, mchinju wako waŵadi uruwa-mchinju.

Luka 3:11

Ndipo wakwamuka waŵaneniyanga, “Yo we ndi minjirira yiŵi wapaskeko kwaku yo walivi; ndi yo we ndi vyaukurgha, wachite kwakulingana.”

Yakobe 1:16

Mungarandizgikanga, mwa ŵabali ŵangu ŵakwanjiwa.