Yakobe 2:13 - Tonga Bible 1986

¹³ Chifukwa cheruzgu nchambura lisungu ku wakureka kuchita lisungu: ndipo lisungu litumbwiya pa cheruzgu.

Yakobe 2:13 Referans Kwoze

Mateyu 5:7

“Mbakutumbikika ŵalisunga: pakuti iwo wachitikiyenge lisungu.

Mateyu 6:15

Kweni asani mulive kuŵareke ŵanthu mamphuru ghawo, Auskemwe nawo kuti ŵarekiyenge cha mamphuru ghinu.

Nthanthi 21:13

Mweniyo wajara gutu lake ku kuliya kwa mukavu nayo wakaliyanga kuwulengevi kumuvwa.

Luka 6:37

“Mungeruzga cha, ndipo kuti mweruzgikenge awa, ndipo mungasuska cha, ndipo kuti mususkikenge awa; fwatuwani, ndipo mufwatulikenge;

Sumu 18:25

Ku wakugomezgeka mukajirongonga akugomezgeka; ku wambura kalema mukajirongonga ambura kalema;

Mika 7:18

Ndi yani Chiuta yo wenge ndimwe, wakugowoke maubendezi ndi kureke maulakwi gha ŵakujako ŵa ŵanthu ŵake? Kuti watufya mtima kwakukiyakiya cha, chifukwa wakondwa mu chanju chake.

Sumu 85:10

Chanju chakufikapo ndi ukongorekwa vyaziya pamoza; urunji ndi chimangu vyakumana.

Yeremiya 9:24

kweni yo watumbwa watumbwiye mwaku ichi, chakuti wawamo ndi watindiziŵa ine, kuti ndine Ambuya akuchita chifundu, cheruzgu ndi urunji mu charu, pakuti mu vinthu ivi ndimu ine ndikondwere, atiti Ambuya.”

Ŵeruzgi 1:7

Ndipo Adonibezeki wanguti, “Ŵakaronga machumi ghankhonde ndi ghaŵi (70) ŵakudumulika vikumbu vyawo vikuru vyaku manja ndi ku marundi ŵatondonga livivu kusi ku gome langu; nge ndimo ndinguchitiya, viyo Chiuta wanditayiya thayu.” Ndipo ŵanguza nayo ku Yerusalemu, wangufwiya kwenikuwa.

Ezekiele 33:11

Uŵanene kuti. Mo ndiliri wamoyo, atiti Ambuya Chiuta, ndilivi likondwa mu nyifwa ya muheni, kweni kuti muheni waweko ku nthowa yake, waŵe ndi umoyo; weniko, weniko ku nthowa zinu ziheni; kumbi mufwiyengenji, mwa ŵa nyumba yaku Yisraele?

Chiyambo 42:21

Penipo ŵangunenerana yumoza ndi munyake, “Tinguwona suzgu ya mzimu wake, penipo wangutiŵeyere kweni kuti tinguphwere cha; pa chifukwa chiya suzgu iyi yaza paku ifwe.”

Yakobe 5:4

Awonani, mphotu yo ya ŵanchitu ŵakuvuna minda yinu, yo yakoleka ndi imwe, yikuta: ndipo mibobotu ya ŵakuvuna wo yasere mu makutu gha Mweni-Maŵanja.

Luka 16:25

Kweni Abrahamu wanguti, ‘Wamwana, kumbukanga kuti unguronde vyamampha vyako mu umoyo wako, ndi Lazaro nayo viheni: kweni sone panu wasangaruskika iyo, kweni iwe urumwiskika.

Yesaya 27:11

Zititi zamira mphanda zake, zifyoka, ŵanthukazi ŵatuza kuzachidewa nkhuni za moto. Pakuti yaŵa mbanthu ŵambura kuteska, chifukwa cho wakiŵalenga yo kuti wakaŵanga nawo ndi lisungu cha, mweniyo wanguŵaumba kuti wakaŵarongonga wezi so cha.

2 Mikoka 28:11

Sono mundivwe, muŵawezge kwawo ŵamikoli wo mwako kutuwa ku ŵabali ŵinu chifukwa ukari wakofya wa Ambuya we paku imwe.”

Nthanthi 22:16

Mweniyo wasauska mukavu pakukhumba kwandaniska uromba wake, pamwenga wapaska ku musambasi wakakhumbilanga pavuli.

Yakobe 3:17

Kweni zeru yo njakutuwa kuchanya njikhovu danga, pavuli njachimangu, yakoroŵa yakupemberezgeka wenguwengu, yakuzara lisungu ndi vipasi vyamampha, yambura gangang'u, yizira ufyali.

Ŵeruzgi 5:27

Wangudodome, wanguwa, wangumara mtima pa marundi ghake; pa marundi ghake wangudodome, wanguwa; penipa wangudodome wangufwiya penipo.