Yakobe 1:27 - Tonga Bible 1986

²⁷ Chisopa chikhovu ndi chambura banga paurongo paku Chiuta Auskefwe nchenichi, kulereze ŵamasiya ndi vyoko mu suzgu yawo ndi kujisunga wambura donthu ku charu.

Yakobe 1:27 Referans Kwoze

ŴaRoma 12:2

Ndipo mungajilinganizga ndi mgonezi uno cha: kweni mujisanduske mu kuchitika vifya vinjeru vinu, alinga kuti mwesenge imwe mo liriri khumbu lo laku Chiuta, lamampha ndi lamarondeka ndi lakufiskika.

Yakobe 4:4

Mwaŵareŵi, asi muziŵa kuti kukondana ndi charu mbumawongu paku Chiuta? Viyo mweniyo yose wakhumba kuŵa wachikondana ndi charu wajisanduska wamawongu waku Chiuta.

1 Timote 5:4

Kweni asani choko chinyake che nawo ŵana pamwenga ŵazuku, ŵasambire yaŵa danga kuchitiya mbumba yaku ŵija ulemu, ndi kuwerezga ŵapapi ŵawo liwerezga chifukwa chenichi nchamarondeka mu maso ghaku Chiuta.

Sumu 119:1

Ŵakutumbikika ndi ŵeniwo ŵalivi kalema mu nthowa yawo, wo ŵatenda mu dangu la Ambuya.

1 Timote 1:5

Kweni kamaridu ka chilangulu chonchanju chakutuwa ku mtima ukhovu ndi njuŵi yamampha ndi chivwanu chambura fuzi:

Luka 1:6

Ndipo ŵenga ŵarunji wose ŵaŵi pa maso paku Chiuta, ŵakwenda ŵambura kalema mwaku vyose vilangulu ndi vyeruzgu vya Ambuya.

Sumu 68:5

Uskeu wa ŵaranda, muvikiriyi wa vyoko, ndi Chiuta wakuja munyumba yake yakupaturika.

Mateyu 5:8

“Mbakutumbikika ŵakutowa mu mtima: pakuti iwo ŵawonenge Chiuta.

Yesaya 1:23

Ŵaraŵara ŵinu ŵaŵa vigaruka ndi mabwezi gha ŵankhungu. We yose watanja vinda ndipo ŵaunukiya vyaulera. Kuti ŵavikiriya ŵana ŵaranda cha, ndipo makani gha choko ŵatighaphwere cha.

1 Yohane 5:18

Tiziŵa kuti yose yo ngwakupapika kwaku Chiuta kuti warutiliya mu kulakwa cha, chifukwa Mwana yo waku Chiuta watimsunga ndipo mheni yo kuti wamkwaska cha.

Yakobe 3:17

Kweni zeru yo njakutuwa kuchanya njikhovu danga, pavuli njachimangu, yakoroŵa yakupemberezgeka wenguwengu, yakuzara lisungu ndi vipasi vyamampha, yambura gangang'u, yizira ufyali.

ŴaGalatia 6:14

Kweni kungandiwiya ine chakutumbwa, kweni mu mphinjika yo ya Ambuyafwe Yesu Kristu, mwaku yo charu chapayikikiya kwaku ine, ndi ine ku charu.

ŴaGalatia 1:4

yo wangujipereka pa chifukwa cha vilakwa vidu, mwakuti watitaske ku mgonezi uwu uheni, kwakulingana ndi khumbu laku Chiuta widu, Auskefwe;

ŴaGalatia 5:6

Chifukwa mwaku Kristu Yesu chingana ndi mchinju kuti ngwakovya kanthu cha, chingana nkhuwura mchinju; kweni chivwanu chakutataliya mu chanju.

Marangu 14:29

ndipo muLevi, chifukwa walivi chigaŵa pamwenga chihara pamoza namwe, ndi mlendo ndi mranda wambura wiske, ndi choko wo ŵemu mizi yinu, ŵazirghenge ndi kuguta, mwakuti Ambuya Chiuta winu wamutumbikeni mu mlimu wose wa manja ghinu wo muchita.

Sumu 146:9

Ambuya avikiriya ŵalendo wo ŵe mu charu; atovya vyoko ndi ŵaranda; kweni apasuwa nthowa zose za ŵaheni.

Mateyu 12:32

Ndipo yose yo wanganena mazu ghaheni pa Mwana wa munthu, kugowokelekiyenge iyo; kweni yose yo wangakamba pa Mzimu Wakupaturika yo, kuti kugowokelekiyenge iyo cha, chingana ndi mu umoyo uno, chingana ndi mwaku wo utuza.

ŴaRoma 2:13

chifukwa kuti ŵakuvwa dangu mbarunji kwaku Chiuta cha, kweni ŵakuchita dangu ndiwo ŵamrunjiskika.

ŴaGalatia 3:11

Kweni kuwoneka kuti ndi langulu palive munthu warunjiskika paurongo paku Chiuta: pakuti, “Murunji yo wakaŵanga wamoyo ndi chivwanu”;

ŴaEfeso 2:2

mwaku ghenigho mungwendayenda ulaka ndi mgonezi wa charu chenichi, kwakuzomerezgana ndi fumu ya mitufu ya mude mzimu yo sono watataliyamo mu ŵana ŵa mtafu;

Tito 2:12

wakutirunguhizga kuti pakukana uwura uwopa Chiuta ndi malikhumbira gha charu, tijariyenge umoyo kwavinjeru ndi kwaurunji ndi kwauwopa Chiuta mu mgonezi wasono,

Yakobe 3:9

Ndi lilime lo titumbika Ambuya ndi Dada; ndipo ndi lenilo pe titemba ŵanthu, wo mbakulengeka mu chikozgu chaku Chiuta:

2 Petro 1:4

mwaku vyenivyo watipaska vipanganu vyakuzirwa ndi vikuru ukongwa, alinga kuti mwaku vyenivyo, mwati mwathaŵa chivuzi cho chemu charu mu ulakalaka, muŵe ŵasangazi ŵa kaŵiru kauchiuta.

2 Petro 2:20

Chifukwa asani, wati wathaŵa maukazuzi gha charu mu chiziŵiru cha Ambuyafwe ndi Mtaski Yesu Kristu, pakuwiramo so mwaku ghenigho, wathereskeka, vyakumariya vyaŵaŵiya viheniku kwakuruska vyakudanga vyo.

2 Petro 3:14

Viyo, mwaŵakwanjiwa, pakulereze vyenivi, pamphukiyani kusanirika ndi iyo mu chimangu, ŵambura banga ndi ŵambura kalema.