Ŵeruzgi 8:3 - Tonga Bible 1986

³ Chiuta wapereka mu manja ghinu mafumu gha ŵaMidiyani, Orebu ndi Zebe; iko mphanyi ndachitanji ine kweruzgiya paku imwe?” Sono ukari wawo wa paku iyo ungugowoka, wati wakamba ichi.

Ŵeruzgi 8:3 Referans Kwoze

Nthanthi 15:1

Kwamuka kwakoloŵa kutuzgapo chikwiya, kweni mazu gha ukari ghasosomo ukari.

ŴaFilipi 2:3

Kuchita kanthu kose kwandeu cha, pamwenga kwathamu laŵaka cha, kweni kwakujiyuyuwa mu mtima; mose mupime ŵanyinu kuŵa ŵakuruska imwe.

ŴaRoma 12:6

Ndipo pakuŵa navyo vyawezi vyakupambanapambana uli ndi wezi wo wakupaskika kwaku ifwe, pamwenga utaula, titaule kwakulingana ndi mweso wa chivwanu;

ŴaRoma 12:3

Chifukwa, ku wezi wakupaskika kwaku ine, ndimunene munthu yose wamwaku imwe, wareke kujipima kwakuruska po watenere kupimiya; kweni kupima kwakuziza, nge ndimo Chiuta wagaŵiya yose, yumoza ndi yumoza, chigaŵa cha chivwanu.

Yohane 4:37

Chifukwa chenichi mazu ngakuneneska, ‘Yumoza ngwakumija, ndi munyake ngwakuvuna.’

Nthanthi 25:15

Ndi kuzika mweruzgi wangaziŵa kuchichizgika, ndipo lilime lakolowa likaswanga mwa.

Nthanthi 25:11

Mazu ghakukambika kwakwenere ghe uli ndi vipasi vya golide mu kuzganga kwa siliva.

Nthanthi 16:32

Mweniyo ngwakuura kukwiya ruŵi ngwamamphaku ku wanthazi, ndipo mweniyo wateruzga mzimu wake waruska mweniyo wakwamphuwa msumba.

Sumu 115:1

Kwaku ifwe cha, Ambuya, kwaku ifwe cha, kweni ku zina linu paskani unkhankhu, chifukwa cha chanju chinu chakufikapo ndi ukongorekwa winu!

Sumu 44:3

chifukwa kuti ŵangupoka charu ndi lipanga lawo cha, ndipo kuti ndi mkono wo unguŵapaska kupunda cha; kweni ndi janja linu lakurghiya, ndi mkono winu, ndi kuŵala kwa chisku chinu; chifukwa mungukondwere mwaku iwo.

Ŵeruzgi 8:2

Gideoni wanguti kwaku wo, “Nchine cho ine ndachita pa kuyaniskana ndi imwe? Asi kuwunjika vipasi vyaku Efraimu nkhwamampha kwakuruska kuvuna vipasi vyaku Abiezere?

Ŵeruzgi 8:4

Ndipo Gideoni wanguza ndi wangwambuka Yordane, iyo ndi ŵanthu machumi pe chumi ghatatu (300) wo ŵenga nayo pamoza, ŵangulakatuka kweni ŵandondoloskanga mbwenu.