Ŵeruzgi 7:4 - Tonga Bible 1986

⁴ Ambuya anguti kwaku Gideoni, “Ŵanthu ŵeche ŵanandi; rutanga nawo ku maji ndipo ndikaŵesiyanga iwe kwenikuwa; ndipo yo ndikanenanga kwaku iwe, ‘Uyu wakarutanga nawe,’ ndiyo wakarutanga nawe, ‘Uyu kuti wakarutanga nawe cha,’ kuti wakarutanga cha.”

Ŵeruzgi 7:4 Referans Kwoze

Sumu 33:16

Palivi karonga wakutaskika ndiukuru wa nkhondo yake; ngwazi kuti yingataskika chifukwa cha nthazi yake yikuru cha.

1 Samuele 16:7

Kweni Ambuya anguti kwaku Samuele, “Reka kulereska pa kawonekero kake nanga mphautali wa msinkhu, wake, chifukwa ine nda mukana; pakuti ine kuti ndiwona mo munthu wawone cha; munthu walereska pa kawonekero ka kubwaro, kweni Ine ndilereska mtima.”

Jobu 23:10

Kweni waziŵa nthowa yo nditendamo; po watindesa, nkhaŵanga nge ndi golide.

1 Samuele 14:6

Ndipo Jonafani wangukamba ndi munyamata wakupinga vidya vyake, “Tiye tambukiye ku linga la ŵanthu ŵambura kuchinjika yaŵa panyake Ambuya atichitiyenge nchitu; chifukwa palivi ko kangakanizga Ambuya kureka kutaska, manyi mpha unandi pamwenga pa umana.”

Sumu 66:10

Imwe mwatiŵika pa mweso, A Chiuta; mo siliva watengulikiya ndi moto ndimo imwe namwe mwatese.

Sumu 7:9

Zomerani kuti uheni wa ŵaheni umare. Kweni imwe zengani ŵakurunjika, imwe mutesa mzimu ndi mitima, ndimwe Chiuta wakurunjika.

Chiyambo 22:1

Pavuli pa vinthu ivi, Chiuta wangwesa Abrahamu, ndi wanguti kwaku iyo, “Abrahamu!” Ndipo iyo wanguti, “Nde pano.”

Ŵeruzgi 7:5

Viyo wanguza nawo ŵanthu ku maji; ndipo Ambuya anguti kwaku Gideoni, “We yose yo wakapuwa maji ndi lilime nge ndimo wakapuliya garu, umuŵike paku yija; kwakulingana nako ndi mweniyo yose wajikama pakumwa.”