Ŵeruzgi 5:2 - Tonga Bible 1986

² “Kuti ŵarongozgi ŵangurongozga mwaku Yisraele, ŵanthu ŵangujipereka ndi mtima wose, tumbikani Ambuya!

Ŵeruzgi 5:2 Referans Kwoze

Ŵeruzgi 5:9

Mtima wangu utuliya ku ŵakulangula ŵaku Yisraele wo ŵangujipereka ndi mtima wose mukati mu ŵanthu. Tumbikani Ambuya.

Sumu 110:3

Wanthu ŵako ŵakajiperekanga ndi mtima mu zuŵa lo urwani ndi ŵakupindikana ŵako. Nge ndi dungwi la kumatandakucha, ŵanyamata ŵako ŵakakuziyanga pa mitunthu yakupaturika.

2 Mikoka 17:16

wachitatu wenga Amasia mwana waku Zikri, yo wangujipereka yija mwawanangwa ku nchitu yaku Chiuta; pamoza ndi iyo ŵankhondo vikwi machumi pe chumi ghaŵi (200,000)

ŴaFilipi 2:13

chifukwa ndi Chiuta yo watakataka mwinu pose paŵi pa kukhumba ndi pa kuchita, chifukwa cha likondwa lake lamampha.

Chivumbuzi 19:2

chifukwa vyeruzgu vyake vyakuneneska ndi vyakurunjika; pakuti weruzga munthukazi-mreŵi mukuru yo, mweniyo wangwananga charu ndi ureŵi wake, ndipo watayiya thayu paku iyo ndopa za ŵaŵanda ŵake.”

Chivumbuzi 18:20

Kondwereni paku iyo, kuchanya ko, ndi imwe mwaŵakupaturika, mwaŵakutumika ndi ŵamchimi; chifukwa Chiuta wamweruzga paku vyo wangumuchitiyani.”

Filemone 1:14

kweni kwambura khumbo lako kuti ndingukhumba kuchita kanthu cha, alinga kuti umampha wako ungaŵa wakuchichizga cha, kweni wakukhumba.

2 ŴaKorinte 9:7

Munthu yose wapaske uli ndimo wajiteme mu mtima wake; kwachigwinini cha, pamwenga kwakukakamizgika cha; chifukwa Chiuta watanja mpaski wamasangu.

2 ŴaKorinte 8:12

Chifukwa asani upusuwo ulipo, mpasku ngwamarondeka uli ndimo munthu waliri nacho, uli ndimo wauriyavi cha.

1 ŴaKorinte 9:17

Chifukwa asani ndichita ichi mukhumbu laku ndamwene, nde nayo mphotu: kweni asani kuti ndimukhumbu langu cha nchifukwa chakuti: ndagaŵikiya mlimu uwu.

Sumu 136:15

wangubizga Farao ndi nkhondo yake, chifukwa nchambuyaya chifundu chake;

Sumu 97:8

Ŵanthu ŵamu Zioni mbakukondwa, yisekere misumba yaku Yuda, chifukwa cha vyeruzgu vinu, Ambuya!

Sumu 94:1

Ambuya, ndimwe Chiuta wakutaya thayu, vumbuwani ukari winu!

Sumu 48:11

likondwe phiri la Zioni! Ŵana ŵanthukazi ŵaku Yuda ŵangarenge chifukwa cha vyeruzgu!

Sumu 18:47

Chiuta yo wangunditayiya thayu ndi kuthereske ŵanthu pasi pangu;

Nehemiya 11:2

Ndipo ŵanthu ŵangutumbika wo wose ŵangujipereka kwachija mu Yerusalemu.

Marangu 32:43

“Tumbikani ŵanthu ŵake, mwa ŵamitundu mwe; pakuti watayiya thayu ndopa za ŵateŵeti ŵake, ndipo wachita thayu pa ŵarwani ŵake, ndipo walanga chifukwa cha charu cha ŵanthu ŵake.”

Marangu 33:21

Wangujisankhiya charu chamampha ukongwa, pakuti mwenimuwa chigaŵa cha wakulamula chinguŵikika. Wanguza ku ŵarongozgi ŵa ŵanthu, pamoza ndi Yisraele wangufiska marangu ndi malamulu ghakurunjika gha Ambuya.”

Sumu 103:2

Rumbanga Ambuya, wa mzimu wangu, ndipo ungaruwanga vyakovya vyawo vyose.