Ŵeruzgi 5:11 - Tonga Bible 1986

¹¹ Ku mazu gha ŵakumba pa visima vya maji, kwenikuwa ŵawerezgapo ghakupunda kwa Ambuya, gha kupunda kwa Wanchitu ŵawo mu Yisraele. “Sono kusikiya ku malikomo ŵangwanda ŵenthu ŵa Ambuya mwenga kupenja kukuru kwa mtima.

Ŵeruzgi 5:11 Referans Kwoze

Mika 6:5

A! Mwa ŵanthu ŵangu, kumbukani cho Balaki, karonga wa Moabu wangughanaghana; ndi cho Balamu mwana waku Beori wangumwamuka; ndi cho chinguŵako kutuwa ku Shitimi ku Gilgala, mwakuti muziŵe milimu ya utaski wa Ambuya.”

1 Samuele 12:7

Viyo sono sokani chisisi, mwakuti ndikuŵeyeriyeni paurongo pa Ambuya kwakuyana ndi nchitu za utaski wa Ambuya zo anguchitiya auskemwe pamoza ndi imwe.

Ŵeruzgi 5:8

Penipo ŵachiuta ŵafya ŵangusankhika, nkhondo yenga mu malikomo. Kumbi nguru pamwenga mkondo vyaonekanga mukati mu vikwi machumi ghanayi mu Yisraele?

Chitenje 5:9

Tisaniya kurgha kwidu muunonono wa nyifwa, chifukwa cha lipanga mu bozwa.

Chitenje 5:4

Tilipila maji ghenigho titumwa, nkhuni zo tideŵa tigula.

Yeremiya 7:2

“Ima wa likomu la nyumba ya Ambuya, ndipo penipo memeza mazu yagha, uti, Vwani mazu gha Ambuya, imwe mwa ŵanthu mose ŵaku Yuda imwe musere muno kwachisopa Ambuya.

Yesaya 28:6

mzimu wa cheruzgu chirunji kwaku yo waja mu cheruzgu, ndi nthazi kwaku wo ŵawezge vuli homwa pa chipata.

Yesaya 12:3

Mukaneghanga maji ndi likondwa kutuwa mu visima vya utaski.

Jobu 29:7

Penipo ndingutuliya ku bwaro ku likomo la msumba, penipo ndingunozga chakujapo changu pa bwaro,

Marangu 22:24

sono muŵatuzgenge wose ŵaŵi kuza nawo ku likomo la msumba wuwa. Ndipo mukaŵadinanga ndi mya mpaka nyifwa, mwali yo chifukwa wengavi kukuta kuti wovyeke chingana wenga mukati mu msumba, munthurumi nayo chifukwa watimbanizga muwoli wa muzengezgani wake. Viyo mukapeyanga uheni mukati mwinu.

Sumu 145:7

Ŵakakambanga ukongwa pa kukumbuka umampha winu wakufikapo, ndipo ŵakasamphuskanga mazu pakumbiya urunji winu.

Chiyambo 24:11

Ndipo wangujikamiska pasi ŵagamila kubwalo kwa msumba pafupi ndi chisima cha maji pa nyengo ya mazulo, nyengo yeniyo ŵanthukazi ŵaruta kwachinegha maji.

Chiyambo 29:2

Penipo walereskanga wanguwona chisima mu munda; ndipo ehe, miskambu yitatu ya mberere yingula pafupi paku cho; pakuti miskambu yamweskekanga maji gha chisima chenichiya. Mwa wapa mlomo pa chisima wenga ukuru,

Chiyambo 29:3

ndipo penipo miskambu yose yinguwunganiskika penipa, ŵaliska ŵagadabuwangapo mwa pa mlomo wa chisima, ndi kumweska mberere, ndi kuwerezgiyapo mwa uwa pa malo ghake pachanya pa mlomo wa chisima.

Marangu 33:21

Wangujisankhiya charu chamampha ukongwa, pakuti mwenimuwa chigaŵa cha wakulamula chinguŵikika. Wanguza ku ŵarongozgi ŵa ŵanthu, pamoza ndi Yisraele wangufiska marangu ndi malamulu ghakurunjika gha Ambuya.”

Ŵeruzgi 11:40

kuti ŵana ŵanthukazi ŵaku Yisraele wanguruta chirimika ndi chirimika kwachitenje mwana munthukazi waku Jefta mu Gileada mazuŵa ghanayi pa chirimika.

Sumu 71:15

Ndikambenge vya urunji winu, zuŵa lose nditaulenge vya chipozomoske chinu; inya, nanga vizitu kwakuruska kuwamo kwangu.