Ŵeruzgi 21:10 - Tonga Bible 1986

¹⁰ Viyo mpingu ungutuma kutuwa penipa ŵanthu vikwi chumi ndi viŵi (12,000) ŵankhondo ŵakukhwima mtima kwakuruska, ŵanguŵalanguliya, kuti, “Kaninga kakosoni ŵakuja mu Yabesh-gileada ndi lipanga; ŵanthukazi ndi malitema viyo.

Ŵeruzgi 21:10 Referans Kwoze

1 Samuele 11:7

Wanguto chipingu cha ng'ombe, wangudumuwa tumana-tumana, kutumizga mu mphaka zose za ŵaYisraele pa manja gha mathenga, wakuti, “Yo yose warekenge kuza pavuli paku Sauli ndi Samuele, ndimu kumuŵiyenge viyo ndi ng'ombe zake!” Ndipo wofi wa Ambuya unguŵawiya ŵanthu, mwakuti ŵangutuwa nge ndi munthu yumoza.

Ŵeruzgi 21:5

Ndipo ŵaYisraele ŵanguti, “Ndi mtundu nuwu mu mitundu yose yaku Yisraele wo wengavi kuza Ku unganu wa Ambuya?” Pakuti ŵangurapa rapu likuru paku yose yo wengavi kukweriyako ku Ambuya pa Mizipa, wakuti, “Ŵakabayikanga.”

Ŵeruzgi 5:23

“Utembe Merozi, watiti mungelo wa Ambuya, uŵatembe kwakuŵaŵa ŵakujamo mwake, chifukwa ŵengavi kuza ku chovyu cha Ambuya, kuchovyu cha Ambuya pakumikana ndi ŵanthazi.

1 Samuele 15:3

Sono rutanga ukaŵathereske Amaleke, kwachinangiya limu vyose vyo ŵenavyo; kuŵagowoke cha, kweni kubaya wose munthurumi ndi munthukazi, litema ndi wakonkha, ng'ombe ndi mberere, gamila ndi mbunda.’ ”

Yoswa 7:24

Ndipo Yoswa ndi ŵaYisraele wose pamoza nayo ŵanguto Akani mwana waku Zera, ndi siliva ndi saru ndi burunga la golide, ndi ŵana ŵake ŵanthurumi ndi ŵanthukazi, ng'ombe zake, mbunda zake, mberere zake, hema lake, ndi chose cho wenga nacho, ndipo ŵangukwere navyo ku Dambo la Akoro.

Marangu 13:15

mukabayanga wose ŵamu msumba wo ndi lipanga, kubwanganduwa wose teteti ndi ng'ombe zawo.

Maŵerengedu 31:17

Viyo sono, bayani munthurumi we yose mu malitema gho, ndipo bayani munthukazi we yose yo waziŵa munthurumi pa kula nayo.

Ŵeruzgi 21:8

Ndipo ŵanguti, “Njani walipo wamu mafuku ghaku Yisraele mweniyo wengavi kukweriyako ku Ambuya ku Mizipa?” Ndipo ehe, pengavi yumoza yo wanguza ku ugoŵi kutuwa ku unganu ku Yabeshe-Gileada.

Ŵeruzgi 21:9

Pakuti po ŵanthu ŵaŵerengekanga, pengavi nanga njumoza wa ŵakuja mu Yabeshe-Gileada yo wengapo.