Ŵeruzgi 20:7 - Tonga Bible 1986

⁷ Ehe, imwe mose mwa ŵaYisraele, perekani fundu yinu ndi suskanani pamoza paku ichi.”

Ŵeruzgi 20:7 Referans Kwoze

Ŵeruzgi 19:30

Ndipo wose wo ŵanguchiwona ichi ŵanguti, “Chinthu cha viyo chilivi kuchitikapo chingana nkhuwonekapo kutuliya ku zuŵa lo ŵaYisraele ŵangutuliya mu charu cha Egipiti mpaka ku zuŵa lino; chighanaghaneni, suskanani, ndipo kambani.”

Yakobe 1:5

Ndipo asani yumoza waku imwe wapere mu zeru, wapemphe kwaku Chiuta, mweniyo wapaska kwaku wose kwawanangwa, ndi kwambura kusinginika; ndipo yikapaskikanga kwaku iyo.

1 ŴaKorinte 5:6

Kuti nchamampha cha chitumbwa chinu. Asi muziŵa kuti mtupu umanavi utupiska burunga lose?

1 ŴaKorinte 5:1

Nadidi kuvwika kuti mwinu mwe ureŵi; ureŵi wakuti chingana ndi mu ŵamtundu kuti ulipo wa viyo cha, kuti munthu walakwenge ndi muwoli wa awiske!

Nthanthi 24:6

pakuti ndi urongozgi wa zeru ungaziŵa kupota nkhondo yako, ndipo mu unandi wa ŵakupangizga mwe upundi.

Nthanthi 20:18

Vyakulongosoleka vichitika ndi chipangu; ndi kurongozgeka kwazeru nkhondo yichitika.

Yoswa 9:14

Ndipo ŵaYisraele ŵangusanganapo pa vyakurgha vyawo, kweni ŵengavi kufumba urongozgi ku Ambuya.

Marangu 4:6

Mughasunge ndi kughachita, pakuti ivi ndi zeru zinu ndikuziŵiska kwinu panthazi pa mitundu. Po Yivwenge visambizgo vyose ivi, yamukuti, ‘Nadi ŵanthu ŵa mtundu ukuru uwu mbazeru ndi ŵakuwamo.’

Ŵeruzgi 20:8

Ndipo ŵanthu wose ŵangusoka nge ndi munthu yumoza, ŵanguti, “Palivi yumoza waku ifwe yo wakawerenga ku hema lake pamwenga yo wakawerenga ku nyumba yake.