Ŵeruzgi 2:16 - Tonga Bible 1986

¹⁶ Sono Ambuya anguyuska ŵeruzgi ŵeniwo ŵanguŵapozomoska ku nthazi yaku wo ŵanguŵayora.

Ŵeruzgi 2:16 Referans Kwoze

Machitidu gha Ŵakutumika 13:20

ndipo pavuli penipo wanguŵapaska ŵeruzgi mpaka Samuele, mchimi yo.

1 Samuele 12:11

Ambuya angutuma Yerubala, Baraki, Yefta, ndi Samuele, ŵangumupozomoskani ku janja la ŵarwani ŵinu kwakuzunguliya; ndipo munguja umamphavi.

Nehemiya 9:27

Chifukwa cho munguŵapereka mu janja la ŵakupindikana ŵawo, ŵeniwo ŵanguŵapaska suzgu; ndipo mu nyengo ya masuzgu ghawo ŵangukuliriyani ndipo munguŵavwa ko kuchanya, ndi malisungu ghinu ghakuru mungaŵapaska ŵapozomoski wo ŵanguŵapozomoska kujanja la ŵakupindikana ŵawo,

Ŵeruzgi 3:15

Kweni po ŵaYisraele ŵangubongole ku Ambuya, Ambuya anguŵasoske muwombozi, Ehudi, mwana waku Gera mwina Benjamini, munthu wa maze. ŴaYisraele ŵangutuma mithulu mwaku iyo kwaku Egloni karonga wa Moabu.

Ŵeruzgi 6:14

Ndipo Ambuya angung'anamukiya kwake, anguti, “Ruta mu kulimba uku ukapozomoske Yisraele ku janja laku Midiyani; Ndine nditukutuma.”

Ŵeruzgi 4:5

Wanguziŵiriya kuja msina mwa mugwalangwa waku Debora pakati pa Rama ndi Betele mu charu cha mitunthu chaku Efraimu; ndipo ŵaYisraele ŵazanga kwaku iyo kuzacheruzgika.

Ŵeruzgi 10:1

Pavuli paku Abimeleke kunguyuka ŵakuwombo Yisraele Tola mwana waku Pua, mwana waku Dodo, mwina Isakara; wajanga pa Shamiri mu charu cha mitunthu chaku Efraimu.

Ruti 1:1

Mu mazuŵa mwaku gho ŵeruzgi ŵayeruzgiyanga mwenga chilala mu charu, ndipo munthu yumoza wamu Betelehemu waku Yuda wanguruta mu charu cha Moabu, iyo ndimuwoli wake ndi ŵana ŵake ŵaŵi ŵanthurumi.

Ŵeruzgi 3:31

Pauvli paku iyo wenga Shamgara mwana waku Anata, yo wangubaya ŵanthu machumi pe chumi ghankhonde ndi limoza (600) gha ŵaFilisti ndi mujokong'o wa ng'ombe. Iyo nayo wangupozomoska Yisraele.

Ŵeruzgi 11:32

Viyo Jefta wangwambukiya ku Amoni kwachirwana nawo; ndipo Ambuya anguwapereka mu janja lake.

1 Samuele 14:48

Wangukuwa mu nthazi, wanguthereska Amaleke, ndipo wangupozomoska ŵaYisraele mu manja ghaku wose wo ŵanguŵakandirizga.

2 Samuele 7:11

kutuliya pa nyengo yo ndingumikiya ŵeruzgi pa khamu langu Yisraele; ndipo ndikupumuzgeninga ku ŵarwani ŵinu wose. Ndipo so Ambuya asimikizgiya iwe kuti Ambuya akakuchitiyanga nyumba.